| e-texts navigator |
| Wylie |
254a1 རྒྱས་པ་བདེ་བའི་མཆོག་། སྐལ་ལྡན་འདུལ་བྱེད་གཉེན་གཅིག་པུ། །འགྲོ་བའི་མར་མེ་ཡེ་ཤེས་སྒྲོན། །ཁྱོད་ཀྱི་ཐུགས་ཀྱི་ཡེ་ཤེས་ཀྱིས། །མ་རིག་སྒོ་ངའི་ལིང་ཐོག་བསལ། །རྣམ་དག་ཡེ་ཤེས་ཁྱོད་ལ་འདུད། །དགའ་མགུ་རངས་ནས་གསོལ་པ་དང་། །
254a2 ཐམས་ཅད་འདུད་ཅིང་འཁོད་པར་བྱེད། །སྒོམ་པའི་ལེའུ་སྟེ་བཞི་པའོ།། །།དེ་སྐད་བཅོམ་ལྡན་ཤཱཀྱ་ཐུབ། །རྡོ་རྗེ་སེམས་དཔའ་ལ་གཟིགས་ཏེ། །བཀའ་ཡི་བསྒོ་བ་འདི་སྐད་མཛད། །ལེགས་སོ་འདུས་པའི་ཚོགས་ཆེན་རྣམས། །ཡང་དག་ཡེ་ཤེས་ལ་ཞུགས
254a3 པས། །རྣམ་རྟོག་འཆིང་བའི་ནད་དང་བྲལ། །མཐའ་དང་བྲལ་བའི་རང་བཞིན་ལ། །བཟློག་པས་བལྟས་པ་ཐ་དད་འཛིན། །གཉུག་མའི་རང་བཞིན་ལྷན་ཅིག་སྐྱེས། །དེ་ཡང་བཅིངས་པས་ཅི་ལ་མཐོང་། །གང་གིས་དེ་ཉིད་མངོན་གྱུར་པ། །དེ་ལ་སྡིག་པས་ཅི་ལ་འཛིན། །དུས་གསུམ
254a4 འཇིག་རྟེན་ཁམས་བཞུགས་པ། །དེ་ལ་བྱིན་གྱིས་རློབ་པར་མཛད། །དེ་ལ་གལ་ཏེ་གཟུགས་ཡོད་ན། །དཔག་གམ་གཞལ་དུ་བཏུབ་བམ་ཅི། །ལྷ་དང་ལྷ་མིན་གསང་བ་པ། །དེ་ལ་ཅི་རིགས་སྐྱོབ་པར་བྱེད། །གནོད་སྦྱིན་མཐུ་ཆེན་ཐོབ་པ་ཡང་། །སྲུང་བ་རྒྱུན་དུ་བྱེད་པར་འགྱུར། །
254a5 གྲུལ་བུམ་སྲིན་པོ་གདོན་རྣམས་ཀྱིས། །དེ་ཡི་བསམ་པ་ཡོངས་སུ་བསྒྲུབ། །ནད་དང་ཤུ་བ་འབྲས་དང་རིམས། །དེ་ཡི་ལུས་ལ་འབྱུང་མི་འགྱུར། །བསྐལ་པར་བསགས་པའི་སྒྲིབ་པ་ཡང་། །སྐད་ཅིག་མ་ཡིས་འབྱང་བར་འགྱུར། །རྒྱུན་དུ་ཞུགས་དང་ལན་ཅིག་འོང་། །ཕྱིར་མི་ལྡོག་པའི
254a6 སེམས་དཔའ་ཡིས། །དེ་ཡི་གཟི་བརྗིད་འཕེལ་བར་བྱེད། །དེ་བས་སེམས་དཔའ་ཆེན་པོ་ཉོན། །ཁྱབ་པའི་འཁོར་ལོ་བདེ་བའི་མཆོག་།དེ་ཉིད་ཕ་རོལ་ཕྱིན་དྲུག་ལྡན། །ཡི་གེ་མེད་དང་རིག་པའི་གསུང་། །དམ་པའི་དོན་ལ་འཇལ་བར་ནུས། །དོན་གྱིས་ཆོས་ཉིད་འཇལ་བར་སྟོན། །
254a7 བླ་མའི་ཞལ་ནས་དྲིས་ན་སྐྱེ། །རྟོགས་ན་རྣལ་འབྱོར་སྐྱེས་བུ་དེ། །ནམ་མཁའི་རྡུལ་ཕྲན་སྟོན་པར་འགྱུར། །མ་རབས་སྒྱུ་མའི་ཚིག་ལ་འཛིན། །ལྷན་ཅིག་སྐྱེས་པ་མཐོང་ངམ་ཅི། །གལ་ཏེ་མཐོང་ན་བརྟག་པར་འགྱུར། །བརྟགས་ན་ཡེངས་ཏེ་འཁྱམ་པར་འགྱུར། །གཉིས་ཀྱི་བློ་ལ་མྱ
iiif viewer powered by OpenSeadragon
