| e-texts navigator |
| Wylie |
253b1 བྱ་བའི། །ཏིང་ངེ་འཛིན་ལ་སྙོམས་པར་ཞུགས། །དེ་ནས་རྡོ་རྗེ་སེམས་དཔའ་ཡིས། །རྟོག་པ་གསུམ་ལ་གཅད་པའི་ཕྱིར། །སྟན་ལས་ལངས་ཏེ་འདི་སྐད་གསོལ། །ནམ་མཁའི་བདག་པོ་སྣ་ཚོགས་ལུས། །སྒོམ་པའི་རང་བཞིན་ཇི་ལྟར་ལགས། །ཕྱག་འཚལ་རྡོ་རྗེ་དཔའ་ཁྱོད
253b2 ལ། །ཕྱག་འཚལ་རྡོ་རྗེ་རང་བྱུང་སེམས། །ཕྱག་རྣམས་དག་པ་འོད་གསལ་དབྱིངས། །ཕྱག་འཚལ་འདུད་ཅིང་ཕྱག་འཚལ་འདུད། །འགྲོ་བའི་བླ་མ་ཡེ་ཤེས་གཟུགས། །གསུང་གི་ཐིགས་པ་ལྷན་ཅིག་སྐྱེས། །རྣམ་དག་རང་རིག་དབྱིངས་ལ་འདུད། །བཅོམ་ལྡན་འདས་ཀྱིས
253b3 བཀའ་སྩལ་པ། །ཀྱེ་མ་སེམས་དཔའ་རྡོ་རྗེ་ཉོན། །མངོན་དུ་གྱུར་པ་སྒོམ་པའི་མཆོག་།སྣ་ཚོགས་འབར་བ་ཡེ་ཤེས་དྲོད། །ཅི་ཡང་མཐོང་ལ་མེད་རྟོགས་ན། །མ་མཐོང་གནས་ན་མཐོང་བ་རུ། །མཐོང་ན་འགག་ཅིང་བལྟས་ན་སྐྱེ། །ཤེས་རབ་ཡེ་ཤེས་འོད་པོ་ཆེ། །ཅི་དགར་བཞག
253b4 ན་བདེ་བ་འགོག་། ཡེ་ཤེས་རྒྱ་མཚོ་ཡེ་གསལ་ལ། །སངས་རྒྱས་སྒོམ་པར་མི་མཛད་དོ། །དེ་ལ་གཉེན་པོ་ཡོད་དམ་ཅི། །རིགས་པས་སྟོན་པ་འཆིང་བའི་ནད། །འདས་དང་མ་བྱོན་ད་ལྟར་གྱི། །བདེ་བ་དེ་ནི་སྟོན་མཛད་དམ། །རྡོ་རྗེ་སེམས་དཔའ་ཁྱོད་ཉིད་ཀྱིས། །བསྟན་པར་ནུས་སམ་འོན
253b5 ཏེ་ཅི། །བསྙད་དུ་མེད་པས་བརྗོད་དང་བྲལ། །བསྒྲུབ་ཏུ་མེད་པས་དཔེ་དང་བྲལ། །མཚོན་དུ་མེད་པས་ཚིག་ལམ་ཆད། །ལྷན་ཅིག་སྐྱེས་པས་བསྒྲུབ་ཏུ་མེད། །མངོན་དུ་གྱུར་པས་བསྒོམ་དུ་མེད། །དཔྱད་དུ་མེད་པས་བཅོས་དང་བྲལ། །མ་ཡེངས་བློ་ཡིས་རྟོགས་པའོ། །བསྒོམ
253b6 པའི་ལེའུ་འདི་བཤད་པའི་ཚེ། །འཆད་པའི་སྐྱེས་བུ་ཉིད་ཀྱང་ནི། །བརྒྱལ་ནས་ས་ལ་འགྱེལ་གྱུར་ཏེ། །ལྷ་མིན་རིག་སྔགས་འཆང་བ་རྣམས། །སོ་སོར་བྱེར་ཏེ་དེངས་པར་གྱུར། །ལྷ་ཡི་བུ་མོ་སྟོང་ཕྲག་ནི། །ཆོས་ལ་རྡུལ་མིག་རྣམ་པར་དག་།བྱང་ཆུབ་སེམས་དཔའ་ཉི་ཁྲི་ཡང་། །
253b7 དེ་མ་ཐག་ཏུ་མངོན་སངས་རྒྱས། །འཇིག་རྟེན་ཁམས་ནི་དྲུག་གཡོས་པས། །འུར་འུར་པོ་དང་ཆེམ་ཆེམ་གྱིས། །ཁམས་གསུམ་པོ་ནི་འདར་བར་བྱེད། །དེ་ཡི་མོད་ལ་སེམས་རྫོགས་པ། །ངོ་མཚར་སྐྱེས་ནས་འདི་སྐད་གསོལ། །ེ་མའོ་སངས་རྒྱས་ཀུན་གྱི་རྗེ། །རྫོགས་སངས
iiif viewer powered by OpenSeadragon
