| e-texts navigator |
| Wylie |
252b1 ཀྱི་ཁྱད་པར་ཐ་དད་སྣང་། །ལྡན་ལ་ལྷ་མི་གཅིག་པའོ། །མ་བསྡུས་གཅིག་ཏུ་རྫོགས་པའོ། །སྨྲ་བའི་སེང་གེ་འཇིགས་པ་མེད། །བཀའ་ཡི་དགོངས་པ་ཤིན་ཏུ་ཟབ། །མརྒད་བློ་ཡིས་མཆིང་བུ་ལེན། །སྣ་ཚོགས་ཁ་དོག་རིགས་སུ་བསྒྱུར། །དཔེར་ན་སྭ་སྟི་ཀ་བཞིན་ནོ། །ཀ་རན་ད་ཡི་སྐྱེ
252b2 བཞིན་ནོ། །བརྟགས་ཤིང་བརྟགས་ཤིང་སྐྱེ་བར་འགྱུར། །སངས་རྒྱས་རྣམས་ཀྱི་ཡེ་ཤེས་སྐུ། །ཁྱབ་བདག་ནམ་མཁའི་སྣ་ཚོགས་གཟུགས། །དེང་བདག་སེམས་དཔའི་ལུས་སུ་འགྱུར། །འགྲོ་བའི་མགོན་པོས་དེ་སྐད་དུ། །བཤད་ནས་འཁོར་རྣམས་དེངས་གྱུར་ཏེ། །ཕྱོགས་གཅིག་ཏུ་ནི
252b3 འཁོད་གྱུར་ནས། །བཅོམ་ལྡན་འདས་ལ་འདི་སྐད་གསོལ། །ལྟ་བའི་རང་བཞིན་ཇི་ལྟ་བུ། །མ་བཅོས་ངོ་བོ་ཇི་ལྟ་བུ། །ཡེ་ཤེས་སྤྱོད་པ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །ལེགས་སོ་འདུས་པའི་ཚོགས་ཆེན་པོས། །རྣམ་པ་དྲུག་གི་མཚན་ཉིད་དེ། །ཁྱད་པར་བདུན་དང
252b4 མཚན་པའི་དཔེ། །བཅུ་བཞི་རྣམ་པ་ཅི་རིགས་སུ། །བཅུ་གསུམ་མ་ནོར་ཞེས་སུ་བཤད། །ལྷན་ཅིག་སྐྱེས་པ་ཁྱབ་གནས་པ། །མངོན་སུམ་དབང་གི་ངོ་བོར་ཤར། །སྦྱིན་པས་བཟློག་ནས་བལྟས་པ་ཡིས། །ནམ་མཁའ་ལས་འབབ་བདེ་སྐྱོང་ནས། །ཐུར་དུ་འཁོར་ལོ་དྲུག་རིམ་དུ། ། ཏ
252b5 རཀྟ་བདེ་བ་ལེན། །ཡེ་ཤེས་ཟེར་ཞིང་སྡུག་བསྔལ་སྐྱེ། །རྨོངས་པས་མྱ་ངན་སྡིག་པ་འཛིན། །དེ་མི་སྤོང་བའི་འཆིང་བར་འགྱུར། །སིདྷའི་ཚུལ་དུ་དགེ་སློང་གཉིས། །དབང་རྫོགས་ཟེར་ཞིང་བདེ་བ་སྤྱོད། །འཆི་འཕོས་ནས་ནི་དམྱལ་བར་སོང་། །རྒྱལ་པོའི་ཁབ་ནི་བཙུན་མོ་ཅན། །ཚོམ
252b6 དུ་སྡུད་ཅིང་རེག་པ་ཡིས། །ཡེ་ཤེས་གཞན་ལ་འཆད་ཅིང་སྟོན། །འཆི་འཕོས་དུར་ཁྲོད་ས་ག་ཡི། །སྨད་འཚོང་མ་ཡི་སྲིན་བུར་སྐྱེས། །འཇིག་རྟེན་ཁམས་གཞན་སེམས་དམྱལ་དུ། །ཤིན་ཏུ་འཚེད་ཅིང་འབོད་པར་འགྱུར། །པྲིཀྵའི་དྲུང་ན་ཨ་ཀོ་ཏ། །བཀའ་ཡི་བསྒོ་བ་རྣམ་པར་བྱེད། །
252b7 ཁ་སྦྱོར་བ་ནི་ཡེ་ཤེས་ཞེས། །བཞིན་བཟང་མ་ལ་ལེགས་པར་དགོད། །ཚེ་འཕོས་ནས་ནི་ངུ་འབོད་སྐྱེས། །འཆད་པའི་སྐྱེས་བུ་དེ་ཕྱིར་ངེས། །ཁྱོད་ཀྱིས་འདྲི་བ་བསྟན་པར་བྱ། །སེམས་ཀྱི་རང་བཞིན་མ་བཅོས་པ། །མི་རྟོགས་ལྟ་བ་མི་དམིགས་ཤེས། །མིག་ཡོ་ངོ་བོ་མི་འདའ་དམ། །
iiif viewer powered by OpenSeadragon
