| e-texts navigator |
| Wylie |
252a1 ཀྱི། །རབ་འབྱུང་ཡེ་ཤེས་བསྡུ་བ་མཛད། །དེ་བཞིན་གཤེགས་ཀྱིས་འདི་སྐད་དུ། །ཆེད་དུ་རྗོད་པ་རྣམ་པར་མཛད། །གང་ཞིག་རྩོལ་མེད་བདེ་ཆེན་དོན། །ལྷན་ཅིག་སྐྱེས་པ་མ་མཐོང་ན། །སྒྲུབ་དང་རྩོལ་བ་ཅི་སྤྱད་ཀྱང་། །བྱིས་པ་དོན་མེད་ག་ཆད་དུ། །རྫས་བཟུང་བ་ནི་འཆིང
252a2 བ་ཉིད། །རྟེན་འབྲེལ་སྒོམ་པ་གཉིས་པའོ། །དོན་མེད་ཉམས་མྱོང་འདོད་པ་ཡང་། །འཆིང་བའི་རྒྱུ་སྟེ་གསུམ་པའོ། །ཁ་ཅིག་ཨེ་རིའི་ཐལ་བས་བྱུགས། །དབང་ཕྱུག་ནམ་མཁའི་རྫས་རྣམས་སྡུད། །འཆིང་བའི་རྒྱུ་སྟེ་བཞི་པའོ། །གླེང་གཞིའི་ལེའུ་སྟེ་དང་པོའོ།། །།མཐའ་དང
252a3 བྲལ་བའི་རང་བཞིན་ལ། །གཟུང་འཛིན་ནད་ཀྱིས་ཅི་ལ་འཆིང་། །གདོད་ནས་དག་པའི་ནམ་མཁའ་ལ། །བག་ཆགས་མཚན་མས་ཅི་ལ་འཆིང་། །སྐྱེ་འགག་མེད་པའི་ཆོས་ཉིད་ལ། །རྒྱུ་འབྲས་ནད་ཀྱིས་ཅི་ལ་འཆིང་། །བསམ་དང་བྲལ་བའི་ཡེ་ཤེས་ལ། །རྟོག་དཔྱོད་ནད་ཀྱིས་ཅི་ལ་འཆིང་། །ེ
252a4 མའོ་རྣམ་དག་སེམས་ཉིད་ཀློང་། །ལྷན་ཅིག་སྐྱེས་པ་བདེ་བའི་མཆོག་།འོད་གསལ་སྣ་ཚོགས་དུས་ན་བདེ། །རྣམ་དག་འཁོར་ལོ་བདེ་བ་ལ། །བསྣུན་པའི་བློ་གྲོས་ལོག་པ་ཡིས། །སྲིད་རྒྱུ་ངེས་པའི་རྩ་བར་འཁྱམས། །གཞན་ཡང་སྟོན་པས་འདི་སྐད་གསུངས། །ཞེན་ཆགས་ཅན་གྱི
252a5 གདུལ་བྱ་ལ། །བདེ་བ་ཆེན་པོ་བཅོས་མ་སྦྱིན། །ཁོང་ཁྲོ་ཅན་གྱི་གདུལ་བྱ་ལ། །གཡོ་བ་རླུང་གི་བཅོས་མ་སྦྱིན། །འདོད་པ་ཆུ་བཞིན་གདུངས་པ་ལ། །བཀྲི་དྲང་རང་རྒྱུད་བཅོས་མ་སྦྱིན། །ཀུན་ཏུ་རྨོངས་པའི་ཡིད་ཅན་ལ། །སྟོང་པ་སྙིང་རྗེ་བཅོས་མ་སྦྱིན། །སྟོན་པས་དེ་སྐད་བཀའ་སྩལ་པས། །
252a6 འཁོར་རྣམས་བསྡུ་བ་རྣམ་མཛད་དེ། །དེ་བཞིན་གཤེགས་ལ་འདི་སྐད་གསོལ། །ཡེ་ནས་རྣམ་པར་དག་པས་ན། །ཁམས་གསུམ་འཁོར་བ་ཇི་ལྟར་ལགས། །གློ་བུར་པ་ཞིག་ལག་ལགས་འགྱུར་ན། །ཐོག་མཐའ་ཡོད་པར་མི་འགྱུར་རམ། །ཡང་ན་རྡོ་རྗེ་སེམས་སོགས་པ། །དམྱལ་བར་འཚེད
252a7 པར་མི་འགྱུར་རམ། །འཁོར་བ་བདེ་བ་གྲུབ་པ་ན། །སྦྱང་བཏུབ་བམ་ནི་ཅི་ཞིག་གུ། །དེ་སྐད་གསོལ་ནས་མི་སྣང་གྱུར། །དེ་བཞིན་གཤེགས་པས་བཀའ་སྩལ་པ། །ང་ལ་ཉན་པ་ཁྱེད་ལེགས་སོ། །རྩེ་གཅིག་ཡིད་ཀྱིས་དང་བར་བྱོས། །མ་ངེས་ཁ་དོག་འཇའ་ཚོན་ལས། །རིགས
iiif viewer powered by OpenSeadragon
