| e-texts navigator |
| Wylie |
250b1 ཞོན་ནས་དེ་ཉིད་བྱུང་བ་ཡིན། །གྲངས་ནི་སྔ་མ་ལྟར་ཤེས་བྱ། །ངོ་བོ་ཐིག་ལེ་ཉིད་ཡིན་ཏེ། །ཐིག་ལེ་མདུད་པའི་གྲངས་སུ་ཤེས། །དེ་ཡི་ཕན་ཡོན་གང་ཡིན་པ། །གཟུང་འཛིན་རྣམ་པར་རྟོག་པ་ཡིས། །ཕྱིན་ཅི་ལོག་ཏུ་བརྟགས་པ་ཡི། །རྣམ་པར་རྟོག་པ་སྤོང་བ་ཡིན། །འབྲས་བུ་རྡོ་རྗེ
250b2 འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ་དྲ་བའི་སྡོམ་པའི་རྒྱུད་ལས་ཡེ་ཤེས་ཀྱི་རྒྱུ་དང་གནས་ལ་སོགས་པའི་ལེའུ་སྟེ་གཉིས་པའོ།། །།དེ་ནས་གཞན་ཡང་བཤད་བྱ་བ། །འཁོར་ལོ་རྣམས་ཀྱི་དབྱེ་བ་ནི། །བདེ་ཆེན་འཁོར་ལོའི་འདབ་མ་ནི། །སུམ
250b3 ཅུ་རྩ་གཉིས་གྲངས་ཡིན་ནོ། །དེ་ནས་ལོངས་སྤྱོད་འཁོར་ལོ་ནི། །འདབ་མ་བཅུ་དྲུག་དག་ཏུ་བསྟན། །ཆོས་ཀྱི་འཁོར་ལོ་འདབ་མ་བརྒྱད། །སྤྲུལ་པའི་འཁོར་ལོའི་འདབ་མ་ནི། །དྲུག་ཅུ་རྩ་བཞི་དག་ཡིན་ནོ། །བདེ་ཆེན་འཁོར་ལོ་སོར་བཞི་སྟེ། །ལོངས་སྤྱོད་འཁོར་ལོ་སོར་བཅུ་དྲུག་།
250b4 ཆོས་ཀྱི་འཁོར་ལོ་སོར་བཅུ་གཉིས། །སྤྲུལ་པའི་འཁོར་ལོ་སོར་བཅུ་དྲུག་།བདེ་ཆེན་འཁོར་ལོའི་ལྟེ་བ་རུ། །ཧ~ཾ་ནི་དཀར་པོ་ཐུར་བལྟས་བསམ། །ལོངས་སྤྱོད་འཁོར་ལོའི་ལྟེ་དབུས་སུ། །ོཾ་ནི་དམར་པོ་གྱེན་བལྟས་བསམ། །ཆོས་ཀྱི་འཁོར་ལོའི་ལྟེ་དབུས་སུ། །ཧཱུ~ཾ་ནི་སྔོན་པོ་ཐུར་བལྟས
250b5 བསམ། །སྤྲུལ་པའི་འཁོར་ལོའི་ལྟེ་དབུས་སུ། །ཱཿནི་དམར་བོ་གྱེན་བལྟས་བསམ། །དང་པོའི་འཁོར་ལོའི་འདབ་མ་ལ། །དབྱངས་ཀྱི་ཡི་གེ་བཅུ་དྲུག་ནི། །ལུགས་འབྱུང་ལུགས་མིན་དགོད་པར་བྱ། །ལོངས་སྤྱོད་འཁོར་ལོའི་འདབ་མ་ལ། །དབྱངས་ཡིག་བཅུ་དྲུག་རིམ་བཞིན
250b6 དགོད། །ཆོས་ཀྱི་འཁོར་ལོའི་འདབ་མ་ལ། །ལཱ~ཾ་མཱ~ཾ་པཱ~ཾ་ཏཱ~ཾ། །ཡི་གེ་འདི་རྣམས་གཡོན་ནས་དགོད། །ོ~ཾ་ཏྲཱི་ཧྲཱི་ཨ། །མཚམས་ནས་གཡས་སུ་དགོད་པར་བྱ། །སྤྲུལ་པའི་འདབ་མ་བཞི་རྩིབས་ལ། །གསལ་བྱེད་ཡི་གེ་སུམ་ཅུ་གཉིས། །ལུགས་འབྱུང་ལུགས་ལས་བཟློག་ཚུལ་དགོད། །
250b7 སྐུ་གསུང་ཐུགས་ཀྱི་རྩ་གསུམ་ནི། །དབུས་ནས་དྲང་པོར་གནས་པ་སྟེ། །ཧཱུ~ཾ་ནི་དཀར་པོ་ཐུར་བལྟས་པ། །མར་གྱི་རྩེ་ལ་ཐུག་པར་དགོད། །གཡས་ན་ཐབས་ཀྱི་རྩ་གནས་ཏེ། །ཀཱ་ལི་སུམ་ཅུ་རྩ་གཉིས་ནི། །ཐབས་ལ་ལན་གསུམ་བསྐོར་བྱས་ན། །ལུགས་འབྱུང་འོག་ཏུ་ཁ་བལྟས་དགོད། །
iiif viewer powered by OpenSeadragon
