| e-texts navigator |
| Wylie |
249b1 མ་ནིང་བཞི་ཡི་འདབ་གཉིས་ལ། །ལྟེ་བར་དེ་ཉིད་ཐུར་ལ་དགོད། །རིན་ཆེན་རྩེ་མོ་བསམ་བྱ་བ། །བྷྱ་ནི་གྱེན་ལ་དགོད་པར་བྱ། །ཡི་གེ་གཉིས་ཀྱི་དབུས་སུ་ནི། །བྱང་ཆུབ་སེམས་ཀྱི་བདེ་བའི་རོ། །ཉམས་སུ་མྱང་བར་བྱ་བའི་ཕྱིར། །ཉམས་མྱོང་རོ་མའི་འཁོར་ལོར་བཤད། །དེ་ནས
249b2 དབང་བསྐུར་འཁོར་ལོ་ནི། །སྟེང་གི་ཚངས་སྒོའི་འདབ་མ་བརྒྱད། །ལྟེ་བར་ཨ~ཾ་ནི་དགོད་པ་སྟེ། །ད~ཾ་ལ~ཾ་ཁ~ཾ་རུ~ཾ། གཡོན་ནས་བརྩམས་ཏེ་ཕྱོགས་བཞིར་དགོད། །ཧཱུ~ཾ་ཏྲཱ~ཾ་ཧྲཱི་ཨ། གཡས་ནས་མཚམས་སུ་རིམ་པར་དགོད། །བྱང་ཆུབ་སེམས་ཀྱི་ཆུ་རྒྱུན་གྱིས། །ལུས་ངག་ཡིད་གསུམ་སྒྲིབ
249b3 པ་དག་། འཁྲུད་པའི་ཕྱིར་ན་དབང་བསྐུར་ཏེ། །དེ་ཕྱིར་དབང་བསྐུར་འཁོར་ལོར་བཤད། །དེ་ནས་ཡང་ནི་བཤད་བྱ་བ། །མདོར་བསྡུས་བསྒོམ་པ་བཤད་པར་བྱ། །གོང་དུ་བསྟན་པ་གང་ཡིན་པ། །སྒྱུ་མ་ཙམ་དུ་ཤེས་པར་བྱ། །རང་རིག་སེམས་ལས་གཞན་མིན་ཏེ། །རང་གི་སེམས་ཀྱི་སྟོང
249b4 པ་ཉིད། །འོད་གསལ་བ་ཡི་རང་བཞིན་དུ། །ཅི་ཡང་མི་རྟོག་ཤེས་འགྱུར་ན། །མ་བསྒོམས་ན་ཡང་བསྒོམ་པ་ཉིད། །དེ་ལྟར་སེམས་ལ་ལེགས་པར་ཟུང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དཔའ་བོ་རྡོ་རྗེ་ལ་སོགས་པའི་དཔའ་བོ་དང་། མཁའ་འགྲོ་མ་དང་།
249b5 མ་མོ་ལ་སོགས་པའི་འཁོར་དཔག་ཏུ་མེད་པ་རྗེས་སུ་ཡི་རང་བར་གྱུར་ཏེ། ཕྱི་ནང་གསང་བའི་མཆོད་པས་མཆོད་ནས་མི་སྣང་བར་གྱུར་ཏོ། །དཔལ་སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ་རྨད་དུ་བྱུང་བ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙྪ་བ་དགེ་སློང
249b6 ཤཱཀྱ་ཡེ་ཤེས་ཀྱིས་བསྒྱུར་བའོ། ། @##། རྒྱ་གར་སྐད་དུ། ཤྲཱི་བཛྲ་སིདྡྷ་ཛཱ་ལ་ས~ཾ་བ་ར་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འདི་སྐད
249b7 བདག་གིས་ཐོས་པ་དུས་གཅིག་ན། བཅོམ་ལྡན་འདས་དགའ་ལྡན་གྱི་གནས་རིན་པོ་ཆེའི་ཁང་ནང་ན་བྱང་ཆུབ་སེམས་དཔའ་བྱམས་པ་དང་། དགའ་བའི་འོད་དང་། དྲི་མ་མེད་པའི་འོད་ལ་སོགས་པ་དཔའ་བོ་དང་རྣལ་འབྱོར་མའི་འཁོར་དཔག་ཏུ་མེད་པ་དང་། དེ་བཞིན་གཤེགས
iiif viewer powered by OpenSeadragon
