| e-texts navigator |
| Wylie |
248a1 རྒྱལ་པོ་རྫོགས་སོ། ། །།པཎྜི་ཏ་ག་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། ཤྲཱི་མ་ཧཱ་བ་ལ་ཛྙཱ་ན་རཱ་ཛ་ཏནྟྲ་རཱ་ཛ། བོད་སྐད་དུ། དཔལ་སྟོབས
248a2 ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་འདས་དེ་ཁོ་ན་ཉིད་བཙུན་མོའི་བྷ་ག་ལ་འཁོར་དཔའ་བོ་རྡོ་རྗེ་ལ་སོགས་པ་མཁའ་འགྲོ་མ་དང་། མ་མོའི་ཚོགས་ཀྱིས་བསྐོར་ཏེ་བཞུགས
248a3 པའི་དུས་སུ། དཔའ་བོ་རྡོ་རྗེ་མཁའ་འགྲོ་མ་ལ་སོགས་པས་གཡོན་ཕྱོགས་སུ་བསྐོར་བ་ལན་གསུམ་བྱས་ནས་ཕྱོགས་གཅིག་ཏུ་འཁོད་དོ། །དཔའ་བོ་རྡོ་རྗེས་བཅོམ་ལྡན་འདས་ལ་སྤྱི་བོས་གཏུགས་ཏེ། ཧ་ཧ་ཞེས་པ་གསུམ་བརྗོད་ནས་བཅོམ་ལྡན་འདས་ལ་གསོལ་པ། རྩ་ནི་གང་ལགས
248a4 རླུང་གང་ལགས། །ཐིག་ལེ་གང་ལགས་གྲངས་ནི་དུ། །དེ་ལ་སེམས་གཟུང་ཇི་ལྟར་ལགས། །འཁོར་ལོ་ཇི་ལྟར་ལགས་པ་དང་། །དེ་ཡི་གྲངས་ནི་དུ་ཞིག་མཆིས། །རྩ་རྣམས་རང་བཞིན་ཇི་ལྟར་ལགས། །ཡི་གེ་དགོད་ཐབས་ཇི་ལྟར་ལགས། །དེ་རྣམས་དབུས་ཀྱི་ལྟེ་བར་ནི། །ཡི་གེ
248a5 དགོད་པ་གང་དང་གང་། །གཏུམ་མོ་སྦར་བ་ཇི་ལྟར་ལགས། །ཟླ་བ་ཉི་མ་ཇི་ལྟར་ལགས། །གནས་ནི་གང་དུ་གཟུང་བར་བགྱི། །རྐྱེན་གཉིས་འཁོར་ལོ་ཇི་ལྟར་ལགས། །གོ་བཟློག་ཚུལ་ནི་ཇི་ལྟར་ལགས། །གསང་བའི་འཁོར་ལོ་བཞི་གང་ལགས། །དེ་རྣམས་ཀྱི་ནི་དགོངས་པ་དང་། །
248a6 དེ་ལ་དགའ་སོགས་ཇི་ལྟར་འབྱུང་། །སྟོང་པ་བཅུ་དྲུག་ཇི་ལྟར་ལགས། །ས་ཡི་རིམ་པ་ཇི་ལྟར་ལགས། །དེ་རྣམས་ཀྱི་ནི་དགོངས་པ་དང་། །དགོས་པའི་དགོངས་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་དཔའ་བོ་རྡོ་རྗེ་ཁྱོད། །ཁྱོད་ལ་བཤད་ཀྱིས་ལེགས
248a7 པར་ཟུང་། །རྩ་རྣམས་ཀྱི་ནི་རང་བཞིན་ནི། །ནམ་མཁའ་གཉིས་མེད་ཐམས་ཅད་བསྐྱེད། །དེར་གནས་རླུང་གི་རང་བཞིན་ནི། །གཡོ་བ་རྣམ་ཤེས་གཡོ་བ་ཡིན། །ཐིག་ལེ་སྟོང་ཉིད་ངོ་བོ་སྟེ། །སྟོང་ཉིད་བསམ་དུ་མེད་པའོ། །ཐིག་ལེ་གྲངས་ནི་བཅུ་དྲུག་སྟེ། །རྩ་དང་རླུང་ཡང་དེ་བཞིན་ནོ། །
iiif viewer powered by OpenSeadragon
