| e-texts navigator |
| Wylie |
247b1 བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་རྣམ་པ་གསུམ་ཡིན་ཏེ། །དོན་གྱི་རྡོ་རྗེ་དེ་ནས་རྟགས། །རྫས་ཀྱི་རྡོ་རྗེ་དང་ནི་གསུམ། །དེ་ནས་དོན་གྱི་རྡོ་རྗེ་བཤད། །གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེ་བཤད་པའོ། །དབང་བཞི་རྡོ་རྗེ་རེ་རེ་སྟེ། །རྡོ་རྗེ་བཞི་རུ་བཤད་པ་ཡིན། །རྟགས
247b2 ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་པ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡི་རྟགས། །རྩེ་དགུ་ཁམས་གསུམ་ས་དགུའི་རྟགས། །རྫས་ཀྱི་རྡོ་རྗེ་བཞི་ཡིན་ཏེ། །བུམ་པའི་དབང་དང་འབྲེལ་པ་ཡི། །སྐུ་མདོག་ཕྱག་མཚན་ལ་སོགས་ལྷ། །གཟུང་དང་འཛིན་པའི
247b3 རྣམ་རྟོག་ནི། །འཇིག་དང་འཇོམས་པས་རྡོ་རྗེའོ། །གསང་བའི་དབང་དང་འབྲེལ་པ་ཡི། །རྩ་དང་རླུང་དང་ཐིག་ལེ་ལ། །གཟུང་འཛིན་གཉིས་སུ་གང་རྟོག་པ། །འཇིག་ཅིང་འཇོམས་པས་རྡོ་རྗེའོ། །ཤེས་རབ་ཡེ་ཤེས་དང་འབྲེལ་པའི། །ལྷན་ཅིག་སྐྱེས་དགའ་ལ་སོགས་ལ། །གཟུང
247b4 དང་འཛིན་པར་གང་རྟོག་པ། །འཇིག་ཅིང་འཇོམས་པས་རྡོ་རྗེ་ཡིན། །བཞི་པའི་དབང་དང་འབྲེལ་པ་ཡི། །རང་རིག་སེམས་ཉིད་སྟོང་ཉིད་ལ། །གཟུང་འཛིན་གཉིས་སུ་གང་རྟོག་པ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྟགས་ཀྱི་རྡོ་རྗེ་ནི། །རྩེ་གསུམ་སྐུ་གསུང་ཐུགས་སུ་བཤད། །
247b5 འདོད་ཆགས་ཞེ་སྡང་གཏི་མུག་གསུམ། །འཇིག་ཅིང་འཇོམས་པས་རྡོ་རྗེ་སྟེ། །རྩེ་ལྔ་ཡེ་ཤེས་ལྔ་ཡི་རྟགས། །ང་རྒྱལ་ལ་སོགས་རྣམ་པ་ལྔ། །འཇིག་ཅིང་འཇོམས་པས་རྡོ་རྗེའོ། །དེ་ནས་རྫས་ཀྱི་རྡོ་རྗེ་ནི། །རྣམ་པ་བཞི་རུ་བསྟན་པ་སྟེ། །ཟུར་གསུམ་རྣོ་ལ་འབིགས་པ་དང་། །གྲུ་བཞི་དག་ནི
247b6 གསལ་བར་བྱེད། །ཟླུམ་པོས་རྫས་རྣམས་འཇོམས་པར་བྱེད། །ཟུར་ལྔས་འདོད་བསྒྲུབ་རྫས་རྡོ་རྗེ། །རྒྱུད་ཀྱི་དོན་ནི་རྣམ་པ་བཞི། །རྒྱུ་དང་འབྲས་བུ་གཉིས་ཀའི་རྒྱུད། །མཐར་ཐུག་རྒྱུད་ནི་རྒྱལ་པོ་སྟེ། །དེ་རྣམས་ཀུན་ལ་དབང་བྱེད་པས། །ལོག་ལྟའི་རྒྱུད་སོགས་སྤོང་བར་བྱེད། །བཅོམ་ལྡན
247b7 འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའི་འཁོར་དཔག་ཏུ་མེད་པ་རྣམས་དགའ་ཞིང་མགུ་ནས་རྗེས་སུ་ཡི་རངས་ཏེ། གཡས་ཕྱོགས་ནས་ལན་གསུམ་བསྐོར་ནས་སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི
iiif viewer powered by OpenSeadragon
