| e-texts navigator |
| Wylie |
246b1 བཞིན་ཆོས་ཡིན་ཏེ། །རྒྱུད་ནི་དབང་བཞི་ངོ་བོ་སྟེ། །བརྗོད་བྱ་རྗོད་བྱེད་བརྒྱད་དུ་བཤད། །གསང་བ་ལྔ་ནི་རྒྱལ་པོ་ལྔ། །ལྟ་བ་སྤྱོད་པ་ཟུང་འཇུག་ལམ། །རྒྱུ་དང་འབྲས་བུ་ས་ལ་སོགས། །བཅུ་དགུ་རྒྱལ་པོ་ཡིན་པར་གསུངས། །ཀྱེ་བོ་དཔའ་བོ་འཇིགས་པ་ཆེ། །གནོད་སྦྱིན
246b2 གཟུགས་དང་སྲིན་པོ་གཟུགས། །གཞན་ཡང་བདུད་ལ་སོགས་པའི་གཟུགས། །སྣ་ཚོགས་སྟོན་ན་ཇི་ལྟར་བགྱི། །ལྷ་འམ་ཀླུ་ལ་སོགས་པའི་གཟུགས། །སྡུག་པ་སྟོན་ན་ཇི་ལྟར་བགྱི། །གནོད་སྦྱིན་སྒྲ་དང་སྲིན་པོའི་སྒྲ། །ཤིན་ཏུ་འཇིགས་པའི་སྒྲ་གྲག་ན། །དེ་ལ་བདག་གིས་ཇི་ལྟར་བགྱི། །
246b3 ཚངས་པའི་སྒྲ་དང་ངང་པའི་སྒྲ། །སྒྲ་སྙན་བྱུང་ན་ཇི་ལྟར་བགྱི། །བྱ་རྒོད་དྲི་དང་གླ་རྩི་དྲི། །ངན་སྐྱུགས་ལ་སོགས་དྲི་བྱུང་ན། །དེ་ལ་བདག་གིས་ཇི་ལྟར་བགྱི། །གུར་གུམ་ཙནྡན་ག་པུར་སོགས། །དྲི་ཞིམ་བྱུང་ན་ཇི་ལྟར་བགྱི། །བདུད་རྩི་ལ་སོགས་དྲུག་ཅུ་སོགས། །བཟང་པོ་སྟོན་ན
246b4 ཇི་ལྟར་བགྱི། །ངན་སྐྱུགས་ལ་སོགས་དམན་པའི་རོ། །སྣ་ཚོགས་སྟོན་ན་ཇི་ལྟར་བགྱི། །རེག་བྱ་ལྕགས་ཀྱི་སྤུ་གྲི་སོགས། །རྩུབ་བ་བྱུང་ན་ཇི་ལྟར་བགྱི། །དར་མེན་ལ་སོགས་ལུས་ཀྱིས་རེག་།འཇམ་པ་བྱུང་ན་ཇི་ལྟར་བགྱི། །འཇིག་རྟེན་ཆོས་རྣམས་སྣ་ཚོགས་དང་། །འཇིག་རྟེན
246b5 འདས་པའི་ཆོས་རྣམས་སྟོན། །དེ་ལ་བདག་གིས་ཇི་ལྟར་བགྱི། །བཅོམ་ལྡན་འདས་ཀྱིས་བཀའ་སྩལ་པ། །གཟུགས་ངན་ཁོང་ཁྲོ་མི་བསྐྱེད་ཅིང་། །གཟུགས་བཟང་འདོད་པར་མི་བྱ་སྟེ། །དེ་ལ་ལུས་ཀྱི་ཕྱག་རྒྱ་བསྟན། །ལན་བྱེད་དཔའ་བོ་མཁའ་འགྲོ་ཡི། །དངོས་གྲུབ་སྤྲུལ་པ་ཡིན་པར་ངེས། །
246b6 བརྟུལ་ཞུགས་ཅན་གྱིས་དངོས་གྲུབ་བླང་། །ལན་མེད་བདུད་ཀྱི་བར་ཆད་དེ། །བདུད་བསལ་བ་ཡི་ཆོ་ག་བརྩམ། །ཀུན་ལ་མཁས་པས་སྦྱོར་བར་བྱ། །སྒྲ་སྙན་འདོད་པ་མི་བསྐྱེད་ཅིང་། །འཇིགས་པའི་སྒྲ་ལ་ཁོང་མི་ཁྲོ། །དེ་ལ་བཏང་སྙོམས་སེམས་བྱ་སྟེ། །རྡོ་རྗེ་གླུ་ཡིས་བརྟག་པར
246b7 བྱ། །དེ་བཞིན་དྲི་བཟང་མི་ཆགས་ཞིང་། །དྲི་ངན་ཁོང་ཁྲོ་མི་བྱ་བར། །མཉམ་པར་དམིགས་ལ་བརྟག་པར་བྱ། །དྲི་ཡི་ཕྱག་རྒྱ་དེ་ལ་བསྟན། །ལན་བྱེད་མཁའ་འགྲོའི་སྤྲུལ་པ་སྟེ། །ལན་མེད་བདུད་ཀྱི་སྤྲུལ་པའོ། །རོ་བཟང་བཟའ་བར་མི་བྱ་ཞིང་། །རོ་ངན་དོར་བར་མི་བྱའོ། །མཉམ་པར
iiif viewer powered by OpenSeadragon
