| e-texts navigator |
| Wylie |
246a1 བ་ཡང་། །རགས་པའི་རྟོག་པ་སྤང་བའི་ཕྱིར། །བུམ་པའི་དབང་དང་འབྲེལ་པ་ཡི། །སྐུ་མདོག་ཕྱག་མཚན་དང་པོའོ། །སྐུ་མདོག་ཕྱག་མཚན་སྤང་བའི་ཕྱིར། །གསང་བའི་དབང་དང་འབྲེལ་པ་ཡི། །རླུང་དང་རྩ་སོགས་ཙཎྜཱ་ལཱི། །འདི་དག་མཁའ་འགྲོ་གཉིས་པ
246a2 སྟེ། །དམན་པ་རྣམས་ལ་སྐུ་དང་ཕྱག་།རླུང་དང་རྩ་སོགས་ཁ་དོག་དབྱིབས། །དེ་ཉིད་སྤང་བར་བྱ་བའི་ཕྱིར། །ཤེས་རབ་ཡེ་ཤེས་དང་འབྲེལ་པའི། །ལྷན་ཅིག་སྐྱེས་པ་དགའ་བའི་རོ། །འདི་དག་གསང་བའི་མཁའ་འགྲོ་སྟེ། །མཁའ་འགྲོ་འདི་རྣམས་རིམ་པ་ལས། །དམན་པ་རྣམས
246a3 ལ་ཕྲ་བའི་གཟུགས། །ལུས་སེམས་ཚོར་བ་བདེ་བ་ལས། །འདས་པའི་བདེ་བ་ཆེན་པོ་དག་།སྤང་ཕྱིར་རང་རིག་ཡེ་ཤེས་ཏེ། །སེམས་ཀྱི་དེ་ཉིད་སྟོང་བའི་རོ། །དེ་ཉིད་མཁའ་འགྲོ་བཞི་པ་སྟེ། །ཤེས་བརྗོད་ཀུན་གྱི་ཡུལ་མ་ཡིན། །དེ་ཉིད་ལྔ་ལ་སོགས་པ་ཡི། །མཁའ་འགྲོ་འདི་རྣམས
246a4 རིམ་པ་ཡང་། །སྐུ་མདོག་ཕྱག་མཚན་རགས་པའི་གཉེན། །རླུང་དང་རྩ་སོགས་བུམ་དབང་སྤོང་། །བདེ་བས་རླུང་དང་རྩ་སོགས་སྤོང་། །རང་རིག་སྟོང་པས་བདེ་བ་སྤོང་། །གཟུགས་སྐུ་གཉིས་ཀྱིས་སྟོང་པ་སྤོང་། །དེ་ཕྱིར་གོང་མ་གཉེན་པོར་བཤད། །རགས་པ་ཕུང་སོགས་བུམ་དབང
246a5 རྒྱུ། བུམ་དབང་གསང་དབང་རྒྱུ་ཡིན་ཏེ། །གསང་བ་གསུམ་པའི་རྒྱུ་རུ་ངེས། །བདེ་བ་རང་རིག་སྐྱེད་པ་ཡི། །རྒྱུ་དང་འབྲས་བུ་ངེས་པ་སྟེ། །འབྲས་བུ་བཞི་དང་མི་མཐུན་བཞི། །མཁའ་འགྲོ་རྣམས་ཀྱིས་རིམ་པའོ། །མ་ནི་རྣམ་པ་གསུམ་ཡིན་ཏེ། །འདོད་ཆགས་ཆེན་པོས་བཅོམ་ལྡན
246a6 འདས། །ཞེ་སྡང་ཆེན་པོས་བཅོམ་ལྡན་འདས། །གཏི་མུག་ཆེན་པོས་བཅོམ་ལྡན་འདས། །ང་རྒྱལ་ལ་སོགས་དེ་དང་འདྲ། །ཐུན་མོང་མ་ཡིན་སྲས་འབྱུང་བས། །མ་ཞེས་གསུངས་པ་ཡིན་པར་འདོད། །སྣོད་མིན་གསང་བ་སྒྲོགས་ཐོས་པ། །སྐྲག་པ་ཐུན་མོང་མ་ཡིན་བསྐྱེད། །བསྐྱེད
246a7 པའི་ཕྱིར་ན་མ་ཞེས་བྱ། །སྐྱེ་བ་གཅིག་གིས་སངས་རྒྱས་པས། །སྲས་རྣམས་ཐུན་མོང་མ་ཡིན་སྐྱེད། །དེ་ཡི་ཕྱིར་ན་མ་ཞེས་བྱ། །ཐུན་མོང་བླ་མའི་ཞལ་ནས་ཤེས། །དེ་ནས་གསང་བ་བཤད་བྱ་སྟེ། །བདུད་རྩི་དྲུག་དག་གསང་བ་སྟེ། །གཟུགས་དང་སྒྲ་དང་དྲི་དང་རོ། །རེག་བྱ་དེ
iiif viewer powered by OpenSeadragon
