| e-texts navigator |
| Wylie |
236b1 ཁྲོད་ཀྱང་། །སྣ་རྩེར་རྩ་བརྒྱད་དུར་ཁྲོད་བརྒྱད། །ལྟེ་བར་རྩ་བརྒྱད་ཤིང་བརྒྱད་དོ། །སྙིང་གར་རྩ་བརྒྱད་ཕྱོགས་སྐྱོང་བརྒྱད། །མགྲིན་པར་རྩ་བརྒྱད་ཀླུ་བརྒྱད་དེ། །སྤྱི་བོར་རྩ་བརྒྱད་ཆར་སྤྲིན་བརྒྱད། །གསང་བར་རྣམ་རྟོག་མི་མངའི་རྟགས། །དུར་ཁྲོད་བརྒྱད་ནི་གསང་བར་གནས། །
236b2 ཐམས་ཅད་བདེ་བར་སྣང་བའི་ཕྱིར། །གསང་བར་ཤིང་བརྒྱད་ཡང་དག་གནས། །ཕྲ་བའི་མཚན་མའི་རྣམ་རྟོག་གི། །གདུག་པ་འཇོམས་ཕྱིར་ཀླུ་བརྒྱད་དགོད། །བདེ་བས་བདག་སྤྱོད་གཞན་སྦྱོར་བས། །དེ་ཡི་ཕྱིར་ན་ཆར་སྤྲིན་དགོད། །དེ་ནས་བཞི་པའི་དུར་ཁྲོད་ཀྱང་། །རྣམ་ཤེས་བརྒྱད
236b3 ནི་དེ་ཉིད་བརྒྱད། །དུར་ཁྲོད་བརྒྱད་དུ་ངེས་པའོ། །དུར་ཁྲོད་སོགས་བརྒྱད་དེ་ཉིད་ཤིང་། །ལྷག་མ་གསུམ་དང་ཚོར་ཚོགས་ལྔ། །བརྒྱད་ནི་ཕྱོགས་སྐྱོང་བརྒྱད་དུ་ངེས། །ཉོན་མོངས་དྲུག་དང་དེ་ཡི་གཉིས། །བརྒྱད་པོ་དག་ནི་ཀླུ་བརྒྱད་དོ། །ལྔ་དང་བཞི་དག་གསུམ་དག་ནི། །དེ་དག་བཞི
236b4 པའི་ཆར་སྤྲིན་བརྒྱད། །གཟུང་འཛིན་རྣམ་རྟོག་མི་མངའི་རྟགས། །བཞི་པ་ཡི་ནི་དུར་ཁྲོད་བརྒྱད། །སྟོབས་སོགས་མཁྱེན་པའི་ཡོན་ཏན་རྒྱས། །རྟགས་སུ་ཤིང་བརྒྱད་ངེས་པའོ། །རྣམ་རྟོག་གདུག་པ་འདུལ་བ་ཡི། །རྟགས་སུ་ཀླུ་བརྒྱད་ངེས་པའོ། །གཟུགས་སྐུ་གཉིས་ཀྱིས
236b5 སེམས་ཅན་གྱི། །དོན་མཛད་རྟགས་སུ་ཆར་སྤྲིན་བརྒྱད། །ཕྱོགས་སྐྱོང་བླ་མའི་ཞལ་ནས་ཤེས། །དེ་དག་ཀུན་གྱི་བྱེ་བྲག་ཀྱང་། །བླ་མའི་ཞལ་ནས་ཤེས་པར་བྱ། །རྒྱུན་ཆགས་ཕྱི་ནང་རྒྱུད་ཅེས་བྱ། །རྒྱལ་པོ་ཁྱད་པར་འཕགས་པའོ། །གཞན་ཡང་ང་ཡིས་གསུངས་པའི
236b6 བཀའ། །གསུང་གཅིག་ཉིད་དུ་གསུངས་གྱུར་ཀྱང་། །དུ་མ་ཉིད་དུ་སོ་སོར་སྣང་། །ཆོས་ཚུལ་དུ་མའི་བྱེ་བྲག་དང་། །མོས་པ་དུ་མའི་བྱེ་བྲག་དང་། །འདུ་ཤེས་དུ་མའི་བྱེ་བྲག་གིས། །ཐེག་པའི་མཐའ་ལ་ཐུག་པ་མེད། །སེམས་གཟུང་ཡན་ལག་བསམ་མི་ཁྱབ། །ང་ཡི་རྗེས་སུ
236b7 འབྲང་བ་ཡི། །བླ་མ་ས་རབ་ནོན་པ་དང་། །དེ་ཉིད་བཅུ་ལྡན་མངོན་ཤེས་སྐྱེས། །དེ་གསུང་བཅུ་དྲུག་མཐའ་ཡི་བར། །རིག་པའི་གནས་ལྔ་མཁས་པས་སྤྱད། །མཁའ་འགྲོ་མ་ཡི་ལུང་བསྟན་པས། །བརྩམས་ལ་བཞི་ཡི་མཐའ་ཡིས་ངེས། །དེ་ལྟའི་མན་ངག་མ་ཐོབ་པར། །
iiif viewer powered by OpenSeadragon
