| e-texts navigator |
| Wylie |
236a1 ནུབ་བྱང་མཚམས་སུ་རླུང་དགོད་དེ། །བྱང་ཤར་མཚམས་སུ་དབང་ལྡན་དགོད། །ཉི་ཟླ་ཤར་ལ་ས་བདག་ནུབ། །ཇི་ལྟར་གྲགས་པའི་གཟུགས་སུ་དགོད། །ཤར་དུ་ནོར་རྒྱས་གནས་པ་སྟེ། །འཇོག་པོ་ལྷོ་སྟེ་སྟོབས་རྒྱུ་ནུབ། །པདྨ་བྱང་ལ་པད་ཆེན་མེ། །ཧུ་ལུ་ཧུ་ལུ་སྲིན
236a2 པོར་དགོད། །རིགས་ལྡན་རླུང་མཚམས་དགོད་པ་སྟེ། །དུང་སྐྱོང་དབང་ལྡན་མཚམས་སུའོ། །གདུག་པ་སྤྲུལ་གྱི་གཟུགས་སུ་དགོད། །ཁ་དོག་རིགས་ཀྱི་དབྱེ་བས་དབྱེ། །ཤར་དུ་ཆར་སྤྲིན་དཀར་པོར་དགོད། །ལྷོ་རུ་པུ་མི་ཏི་དགོད་དོ། །ནུབ་ཏུ་འཇིགས་པ་རྣམ་པར་གནས། །བྱང
236a3 དུ་ཨ་བ་ཡང་དག་གནས། །སྔོ་ཉ་མེར་ནི་ཡང་དག་གནས། །གྷཱ་ཉ་སྲིན་པོའི་མཚམས་སུ་དགོད། །རླུང་གི་མཚམས་སུ་པར་ཤ་ན། །གཏུམ་པོ་འདི་བརྒྱད་ཆར་སྤྲིན་བརྒྱད། །བཙོད་ཀྱི་མདོག་འདྲ་གུར་ཀུམ་མདོག་།ནམ་མཁའི་མདོག་འདྲ་དུ་བའི་མདོག་།སྤྲིན་གྱི་མདོག་འདྲ་སྤྲིན་གྱི
236a4 གཟུགས། །ཤར་ལ་སོགས་པ་བཞི་བཞི་སྟེ། །འདི་དག་ནང་རྟགས་ཕྱི་རུ་འབྱུང་། །དང་པོར་སྤངས་པ་ཕུན་སུམ་ཚོགས། །དེ་ནས་ཡེ་ཤེས་ཕུན་སུམ་ཚོགས། །རང་རིག་དོན་ནི་ཕུན་སུམ་ཚོགས། །གཞན་དོན་ཕུན་སུམ་ཚོགས་པ་ཡིན། །རྟགས་སུ་འཇིགས་པ་འདི་དག་གནས། །
236a5 དེ་ནས་ནང་གི་དུར་ཁྲོད་སོགས། །པགས་པ་རྡོ་རྗེ་ར་བ་སྟེ། །རུས་པ་རྡོ་རྗེ་གུར་དུ་ངེས། །དཔུང་པ་ཉེ་བའི་དཔུང་པ་སྟེ། །བརླ་དང་དེ་བཞིན་ཉེ་བའི་བརླ། །བརྒྱད་ནི་དུར་ཁྲོད་བརྒྱད་དུ་ངེས། །རྗེ་ངར་ཉེ་བའི་རྗེ་ངར་བཞི། །ལག་ངར་ཉེ་བའི་ལག་ངར་བཞི། །བརྒྱད་ནི་ནང་གི་ཤིང་བརྒྱད་དོ། །
236a6 ཚིགས་དང་དེ་བཞིན་ཉེ་བའི་ཚིགས། །སྟེང་དང་འོག་ཏུ་བཞི་བཞི་སྟེ། །ནང་གི་ཕྱོགས་སྐྱོང་ཡིན་པར་འདོད། །མཐིལ་དང་དེ་བཞིན་ཉེ་བའི་མཐིལ། །སྟེང་འོག་དེ་བཞིན་ཀླུ་བརྒྱད་དོ། །རྩེ་དང་དེ་བཞིན་ཉེ་བའི་རྩེ། །བརྒྱད་ནི་ཆར་སྤྲིན་བརྒྱད་ཡིན་ཏེ། །བསྐྱེད་རིམ་རྣམ་རྟོག་མི་མངའི་རྟགས། །
236a7 དུར་ཁྲོད་བརྒྱད་ནི་ནང་ན་གནས། །རྩ་རླུང་ངོ་བོ་ཤེས་པ་རྒྱས། །དེ་ཕྱིར་ནང་གི་ཤིང་བརྒྱད་གནས། །རགས་པའི་གདུག་པ་འདུལ་བའི་ཕྱིར། །ནང་ན་ཀླུ་བརྒྱད་ཡང་དག་གནས། །བདག་སྤྱོད་གཞན་ཡང་སྤྱོད་པའི་ཕྱིར། །ཆར་སྤྲིན་བརྒྱད་ནི་ནང་དུ་གནས། །དེ་ནས་གསང་བའི་དུར
iiif viewer powered by OpenSeadragon
