| e-texts navigator |
| Wylie |
235b1 པ་སྟེ། །སྣོད་ཀྱི་ཞེན་པ་བཟློག་པ་ཡང་། །ལྕགས་རི་ནག་པོ་ཚུན་ཆད་དེ། །རྡོ་རྗེ་ར་བས་དེ་ཉིད་དོ། །ཆེན་པོ་ཁྲུ་ནི་ཉི་ཤུ་སྟེ། །ཆུང་བ་ཁྲུ་གང་ཚུན་ཆད་དོ། །དེ་ལས་གཞན་པའི་དཀྱིལ་འཁོར་ནི། །ཚད་ལས་ངེས་པར་འདས་པའོ། །རྣམ་ཤེས་ཚོགས་བརྒྱད་རྣམ་རྟོག་བརྒྱད། །
235b2 མི་མངའི་རྟགས་སུ་དུར་ཁྲོད་བརྒྱད། །ཕྱོགས་དང་ཕྱོགས་བྲལ་དག་ཏུ་དགོད། །ཚོགས་བརྒྱད་ཡོན་ཏན་བརྒྱད་ལྡན་པའི། །རྟགས་སུ་ཤིང་བརྒྱད་རིམ་པས་དགོད། །དེ་བཞིན་གདུག་པ་བརྒྱད་བཅོམ་པའི། །རྟགས་སུ་ཀླུ་བརྒྱད་རིམ་པས་དགོད། །ཚོགས་བརྒྱད་མི་དགེ་བཅུ་བཅོམ
235b3 པའི། །རྟགས་སུ་ཕྱོགས་སྐྱོང་རིམ་པས་དགོད། །ལུས་ངག་གཉིས་ཀྱིས་སེམས་ཅན་གྱི། །དོན་མཛད་ཕྱིར་ནི་ཆར་སྤྲིན་དགོད། །དེ་ཉིད་དུར་ཁྲོད་འཇིགས་པ་ཆེ། །ཐབས་དང་ཤེས་རབ་གཉིས་མེད་རྒྱུ། །རྣམ་རྟོག་ཟིལ་གནོན་བརྒྱད་པོར་བཤད། །མཛེས་པའི་ཕྱིར་ན་རྒྱན་ཡིན་ནོ། །
235b4 དེ་ཉིད་གསལ་བར་བྱ་བའི་ཕྱིར། །དང་པོར་དུར་ཁྲོད་བཤད་པར་བྱ། །ཤར་དུ་གཏུམ་དྲག་ནག་པོ་ཆེ། །ལྷོ་རུ་ཧ་ཧར་དགོད་སེར་ཆེ། །ནུབ་ཏུ་མི་བཟད་དམར་པོ་སྟེ། །བྱང་དུ་ཚང་ཚིང་ལྗང་གུ་ཆེ། །མེ་རུ་གཡེར་ཀ་ཅན་ཡིན་ཏེ། །བདེན་བྲལ་མཚམས་སུ་འབར་བ་འཛིན། །རླུང་མཚམས
235b5 དམྱལ་སོགས་གནས་པ་སྟེ། །དབང་ལྡན་དུ་ནི་དབྱིབས་ཅན་ནོ། །བྷུ་ཅེ་རི་ཁི་ཙ་ཤ་ནི། །ས་སྟེངས་ཤར་གྱི་ཕྱི་རུ་དགོད། །པ་ཏ་ལི་དང་བཱ་ས་ནི། །ས་འོག་ནུབ་ཀྱི་ཕྱི་རུ་དགོད། །དུར་ཁྲོད་འདི་རྣམས་མཚན་ཉིད་ཀྱང་། །འབར་བ་ཚིག་དང་མ་ཚིག་སོགས། །ཀེང་རུས་ཐོད་པ་ལ་སོགས
235b6 དང་། །རོ་ལངས་འབྱུང་པོའི་ཚོགས་དང་བཅས། །ཅེ་སྤྱང་སྒྲ་ཡིས་འཇིགས་པའི་གཟུགས། །ཤར་དུ་ཤི་རི་ཤ་ཡི་ཤིང་། །ལྷོ་རུ་ཨ་ཤྭད་ཐ་ཡི་ཤིང་། །ནུབ་ཏུ་ཝང་གེ་ལིང་གི་ཤིང་། །བྱང་དུ་ཙཱུ་ཏའི་ཤིང་དུ་ངེས། །གོང་དང་མཚུངས་པནྱ་གྲོ་ད། །པརྐ་ཏི་ལྕུག་པཱ་ཐཱ་དག་།མེ
235b7 ནས་དབང་ལྡན་མཚམས་སུ་དགོད། །ཇི་ལྟར་གྲགས་པའི་གཟུགས་སུ་འདོད། །ཤར་དུ་དབང་པོ་གནས་པ་སྟེ། །ལྷོ་རུ་གཤིན་རྗེ་གནས་པའོ། །ནུབ་ཏུ་ཀླུ་དབང་གནས་པ་སྟེ། །བྱང་དུ་གནོད་སྦྱིན་ཡང་དག་གནས། །ཤར་ལྷོར་མེ་ནི་གནས་པའོ། །ལྷོ་ནུབ་མཚམས་སུ་སྲིན་པོ་གནས། །
iiif viewer powered by OpenSeadragon
