| e-texts navigator |
| Wylie |
231a1 སྒྱུར་བའི་རྒྱལ་པོ་དང་། །བྲལ་བའི་རིན་ཆེན་བདུན་པོ་དེ་དག་གིས། །འཁོར་ལོས་སྒྱུར་བའི་མིང་ནི་མི་ཐོབ་བཞིན། །བླ་མའི་ཞལ་ནས་ཐམས་ཅད་ཤེས་པར་བྱ། །དེ་ནས་སངས་རྒྱས་སེམས་ཅན་ཡང་། །རྡུལ་ཙམ་ཁྱད་པར་མེད་མོད་ཀྱང་། །རང་རིག་གཞན་རིག
231a2 རྐྱེན་དག་དང་། །རང་སེམས་ལས་སུ་རུང་བ་དང་། །མ་རུང་པ་དང་ལས་ཀྱི་མཐའ། །ལོག་པ་དང་ནི་མ་ལོག་པ། །དོན་བྱེད་ནུས་དང་མི་ནུས་པ། །ཡོངས་སུ་རྫོགས་དང་མ་རྫོགས་པས། །སངས་རྒྱས་སེམས་ཅན་གཉིས་སུ་སྣང་། །ཐ་དད་པར་ནི་མི་བརྟག་སྟེ། །ཆུ་ཁམས་གསེར་དང
231a3 ནམ་མཁའ་བཞིན། །རང་བཞིན་གྱིས་ནི་དག་པར་འདོད། །རང་སེམས་རང་གིས་རྟོགས་པ་ན། །སེམས་ཅན་གདོད་ནས་སངས་རྒྱས་སོ། །རྡོ་རྗེ་ཕག་མོས་ཡང་ཞུས་པ། །སྲོག་གཅོད་ལ་སོགས་དམ་ཚིག་གི། །དབྱེ་བ་ཁྱེད་ཀྱིས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །
231a4 རང་གི་ལུས་ངག་སེམས་གཡོས་ཀྱང་། །གསོད་པའི་འདུ་ཤེས་མ་སྐྱེས་ན། །སྲོག་གཅོད་ཉམས་པ་ཆུང་ངུར་ངེས། །གཞན་གྱིས་གནོད་པར་ཚོར་བ་དག་།ཉམས་པ་འབྲིང་དུ་གསུངས་པ་ཡིན། །དེ་ལས་བཟློག་པ་ཆེན་པོར་ངེས། །གང་ཞིག་མ་བྱིན་ཆུང་བླངས་ཀྱང་། །གཞན་ལ་ཉོན་མོངས་ཆེར
231a5 སྐྱེས་ན། །དེ་ཉིད་ཉམས་པ་འབྲིང་དུ་ངེས། །ཆེར་བླངས་ཉོན་མོངས་ཆུང་ན་འབྲིང་། །ཆེན་པོ་ལས་ནི་ཉོན་མོངས་ཆེར། །དེ་ནི་ཆེན་པོ་ཁོ་ནར་ངེས། །ཚུལ་འཆོས་ལྟུང་བ་ཆེན་པོ་སྟེ། །མི་ཤེས་པ་དང་བག་མེད་དག་།བརྗེད་ངས་ལ་སོགས་འབྲིང་དུ་གསུངས། །གཞན་ཡང་དམ་ཚིག་ཉམས་པ་ཡི། །
231a6 ཆེ་འབྲིང་ཆུང་ངུའི་ལྡང་ཚད་དག་།རང་དང་གཞན་དང་གཉི་ག་ཡིས། །རྒྱུ་རྐྱེན་དག་ལས་ཤེས་བྱ་སྟེ། །ལྟུང་བའི་ངོ་བོས་ཟིན་པ་དང་། །ཕྱི་ནང་རྡོ་རྗེ་སློབ་དཔོན་གྱིས། །སྤྱན་སྔར་དཀྱིལ་འཁོར་ཆེན་པོ་བཞེངས། །ཚུལ་དང་མཐུན་པར་བཤད་པ་བྱ། །དམ་ཚིག་གོང་འོག་བྱེ་བྲག་གིས། །བླ་མའི
231a7 དཀྱིལ་འཁོར་ཤེས་པར་བྱ། །གཞན་ཡང་བཤགས་པའི་བྱེ་བྲག་ལ། །སྦྱིན་སྲེག་གིས་ནི་སྡིག་བསྲེག་ཕྱིར། །ནང་གི་སྦྱིན་སྲེག་ཆེན་པོ་བརྩམ། །ཟབ་པའི་མེ་ནི་རྒྱུན་གཞག་མེད། །ཐབས་ཀྱི་རྒྱུན་གཞག་མེ་ཡིན་ཏེ། །ལོ་བདུན་དང་ནི་ལོ་གཅིག་དག་།ཕྱི་ཡི་རྒྱུན་གཞག་ཆེན་པོའི་མེ། །
iiif viewer powered by OpenSeadragon
