| e-texts navigator |
| Wylie |
230b1 རས་དང་ཚོན་ལ་སོགས་པ་ཡི། །གཟུགས་བརྙན་ཡོངས་སུ་རྫོགས་པ་ལ། །བྱིན་བརླབས་ཡེ་ཤེས་དབབ་བྱས་ནས། །ལྷ་ཡིན་ཟེར་ནས་མཆོད་སོགས་ཏེ། །བཅོས་མ་ལ་སོགས་དེ་ལྟར་ན། །ཕུང་སོགས་ཡེ་ནས་སངས་རྒྱས་ལ། །ཅི་ཡི་ཕྱིར་ན་མཆོད་མི་བྱེད། །དེ་ནས་གཞན
230b2 ཡང་དབྱེ་བ་དག་། འཁྲུལ་པ་དང་ནི་འཁྲུལ་པའི་གཞི། །བཅོས་མ་ཉེ་བར་བཅོས་མ་དང་། །འདྲ་བ་ཡིན་པ་ལྟ་བུ་ཡི། །དབང་བཞིས་གྲོལ་བར་མི་འགྱུར་ཏེ། །ལོག་པའི་སྲེད་པས་སྲིད་པར་འཆིང་། །འཁྲུལ་བའི་འཁོར་ལོས་འཁོར་བར་འཁོར། །དེ་བས་དངོས་གྲུབ་འདོད
230b3 པས་ཀྱང་། །ལྷ་ཡི་བུ་ཡི་བདུད་སྤངས་ཏེ། །བླ་མ་དམ་པ་རྟག་ཏུ་བསྟེན། །ཡིད་ཆེས་རིགས་དང་ངེས་པ་སྐྱེ། །ལུང་གི་ཚད་མ་ཡིན་པ་དང་། །འོག་མ་སྤངས་ཤིག་གོང་མ་ཐོབ། །མན་ངག་ཚད་མ་ཡིན་པ་བླང་། །མོས་པའི་རྗེས་སུ་འབྲང་བྱེད་ཅིང་། །ཆེ་བའི་ང་རྒྱལ་ལ་གནས་ཤིང་། །
230b4 འཇིག་རྟེན་ལྟ་སྤྱོད་དང་འདྲེས་པའི། །སྣོད་བཅུད་བླང་བར་མི་བྱའོ། །དེ་ནས་གཙོ་འཁོར་བྱེ་བྲག་ཀྱང་། །གནས་ཀྱི་ཁྱད་པར་དབུས་སུ་སྟེ། །རྒྱན་གྱི་ཁྱད་པར་ཐལ་བའོ། །རིགས་ཀྱི་ཁྱད་པར་དྲུག་པའི་རིགས། །དེ་ནས་གཙོ་འཁོར་བྱེ་བྲག་ཀྱང་། །ཕྱག་དང་ཞབས་སོགས་ཁྱད་པར་གྱིས། །
230b5 གཙོ་བོ་འཁོར་ལས་ཁྱད་པར་འཕགས། །དཔེར་ན་ཕ་རོལ་ཕྱིན་དྲུག་ལས། །ཤེས་རབ་ཕ་རོལ་ཕྱིན་མེད་ན། །ཕ་རོལ་ཕྱིན་པ་ལྔ་དག་གིས། །ཕ་རོལ་ཕྱིན་པའི་མིང་མི་ཐོབ། །དཀྱིལ་འཁོར་དབུས་སུ་གང་གནས་པའི། །དེ་ཉིད་ཀྱི་ནི་དཀྱིལ་འཁོར་ཏེ། །གང་ཞིག་དབུས་སུ་མི་གནས་ན། །
230b6 འཁོར་རྣམས་དཀྱིལ་འཁོར་དུ་མི་འགྱུར། །དཔེར་ན་རྒྱལ་པོ་མེད་པ་ཡི། །གྲོང་དང་གྲོང་ཁྱེར་ཇི་བཞིན་ནོ། །དེ་བཞིན་དམ་ཚིག་བྱེ་བྲག་ཀྱང་། །རྩ་བའི་དམ་ཚིག་ཉམས་གྱུར་ན། །ཡན་ལག་དམ་ཚིག་དེ་དང་འདྲ། །ཐུགས་ཀྱི་དམ་ཚིག་ཉམས་གྱུར་ན། །སྐུ་གསུང་དམ་ཚིག་དེ་དང
230b7 འདྲ། །སྲོག་གཅོད་དམ་ཚིག་ཉམས་གྱུར་ན། །དང་མ་བྱིན་ལེན་པ་དང་། །འདོད་ཆགས་དམ་ཚིག་དེ་དང་འདྲ། །ལྟ་བའི་དམ་ཚིག་ཉམས་གྱུར་ན། །སྤྱོད་པའི་དམ་ཚིག་དེ་དང་འདྲ། །ཚུལ་འཆོས་མི་དགེ་མོས་པ་ཙམ། །དམ་ཚིག་ཉམས་པ་དེ་དང་འདྲ། །དཔེར་ན་འཁོར་ལོས
iiif viewer powered by OpenSeadragon
