| e-texts navigator |
| Wylie |
228a1 ཕུང་སོགས་ལ་བརྟེན་ལྷ་རྣམས་ལ། །སྒོ་གསུམ་ངོ་བོ་མ་སྤངས་པ། །ཐ་མལ་པ་དང་བསྐྱེད་རིམ་གཉིས། །གོང་འོག་ཁྱད་པར་ཤེས་བྱ་སྟེ། །སྒྱུ་མས་གཉེན་པོ་མ་སྤངས་པའོ། །བདུན་པོ་རྣམ་དག་ལ་སོགས་པ། །སྔོན་དུ་འགྲོ་བ་མ་སྤངས་པའོ། །ཕུང་སོགས་རྟོག
228a2 པ་ལས་ལོག་ནས། །ཕྲ་བའི་གནས་སུ་གནས་བྱེད་པ། །གནས་ཀྱི་ཁྱད་པར་མ་སྤངས་པའོ། །ལྷ་ཡི་རྣམ་པར་འཇུག་པ་དང་། །གོང་དུ་སྒྱུ་མར་བཟློག་པ་གཉིས། །འཕོ་བའི་ཁྱད་པར་མ་སྤངས་ཉིད། །ཡེ་ཤེས་མེ་ནི་ཆེར་འབར་ཏེ། །ཕུང་སོགས་སྒྱུ་མར་གང་འཛིན་པ། །རྟེན་གྱི
228a3 ཁྱད་པར་མ་སྤངས་པའོ། །མཉམ་གཞག་རྗེས་ཐོབ་ཀུན་འགགས་ཏེ། །ཐམས་ཅད་རྟེན་དང་བརྟེན་པར་སྣང་། །ངོ་བོའི་ཁྱད་པར་མ་སྤངས་པའོ། །དེ་ཉིད་སྒྱུ་མ་རང་བཞིན་མེད། །གཉེན་པོའི་ཁྱད་པར་མ་སྤངས་པའོ། །ཤེས་རབ་ཕག་མོ་མ་སྤངས་པ། །ཕྱག་རྒྱ་མ་སྤངས་པ་རུ
228a4 འདོད། །མ་སྤངས་གཅིག་ནི་གཞན་དང་འདྲ། །གོང་འོག་ལས་ཀྱི་ཁྱད་པར་རོ། །ཞེ་སྡང་ཐུགས་ལ་འདོད་ཆགས་གསུང་། །གཏི་མུག་སྐུ་ཡི་ཕྱག་རྒྱ་སྟེ། །ཕྱག་རྒྱའི་དབྱེ་བ་མ་སྤངས་པ། །སྐུ་དང་གསུང་དང་ཐུགས་འཁོར་ལོ། །བདེ་བ་ཆེན་པོའི་འཁོར་ལོ་དག་།འཁོར་ལོའི་དབྱེ་བ
228a5 མ་སྤངས་པའོ། །དང་པོ་སྒྱུ་མའི་ཡེ་ཤེས་མེ། །གཉིས་པ་སྒྱུ་མ་ལྟར་སྣང་མེ། །གཏུམ་མོའི་དབྱེ་བ་མ་སྤངས་པའོ། །ཕུང་སོགས་སྒྱུ་མ་ལས་གཡོ་ཞིང་། །ཕུང་སོགས་སྒྱུ་མས་ཡང་དག་བསྲེག་།ཀུན་རྫོབ་རྟོགས་པའི་རྐྱེན་ཡིན་ཏེ། །སྒྱུ་མ་ལྟར་སྣང་ལས་གཡོ་ཞིང་། །སྒྱུ་མ་དེ་ཉིད་སླར
228a6 བསྲེགས་པ། །དོན་དམ་གཉིས་མེད་རྐྱེན་ཡིན་ཏེ། །རྐྱེན་གྱི་དབྱེ་བ་མ་སྤངས་པའོ། །འཁོར་བ་སྤེལ་ཞིང་རྣམ་རྟོག་བསྐྱེད། །ཀུན་རྫོབ་བདེན་པ་སེམས་ཀྱི་ལས། །འཁོར་བར་མི་འཁོར་རང་རིག་བསྐྱེད། །དོན་དམ་སེམས་ཀྱི་ལས་ཡིན་ཏེ། །ལས་ཀྱི་དབྱེ་བ་མ་སྤངས་པ། །འདི་དག་མ་སྤངས་ཉི
228a7 ཤུ་བརྒྱད། །བུམ་པའི་དབང་དང་འབྲེལ་པའོ། །གསང་དབང་བླ་མའི་ཞལ་ནས་བླང་། །ཤེས་རབ་ཡེ་ཤེས་གཞན་དུའོ། །བཞི་པའི་མ་སྤངས་ཉི་ཤུ་བརྒྱད། །རང་རིག་ལྷན་ཅིག་སྐྱེས་པ་ཡི། །ཆོས་ཉིད་མ་དག་བཞི་པའི་རྒྱུ། །ཞལ་གྱི་མན་ངག་རྐྱེན་མ་སྤངས། །འགྲོ་བའི་ཆོས་རྣམས་རང་རིག་མེས། །
iiif viewer powered by OpenSeadragon
