| e-texts navigator |
| Wylie |
227a1 བཅས། །ཟབ་པའི་ར་ལིའི་ངོ་བོར་བརྟགས། །རང་རིག་སྟོང་པ་ཐབས་དང་བཅས། །མཐར་ཐུག་ར་ལིར་ཤེས་པར་བྱ། ། ནི་ཐོག་མར་མ་སྐྱེས་པ། །ལ་ནི་ནུབ་དང་སྐྱོང་བ་སྟེ། །ར་ནི་ཆགས་དང་རིན་པོ་ཆེ། །ར་ལས་འདོད་ཆགས་ཁྲག་ཡིན་ཏེ། །ལ་ལས་ཞེ་སྡང
227a2 ཁུ་བའོ། ། ལས་གཏི་མུག་ཁུ་བ་སྟེ། །སེམས་ཅན་ར་ལིའི་རང་བཞིན་ཏེ། །ཡེ་ཤེས་ལྔ་དང་ས་བཅུ་སོགས། །ཀུན་ལ་ལྡན་པས་ར་ལིར་གནས། །སྐུ་ཡི་ར་ལི་སྤྱི་བོ་ཡི། །གཙུག་ཏོར་དག་ལས་བྱུང་བའོ། །གསུང་ནི་ལྗགས་ཀྱི་དབང་པོ་ལས། །ཐུགས་ཀྱི་ར་ལི་ཐུགས་ཀ་ནས། །བྱུང་བ
227a3 རྣམ་པར་ངེས་པའོ། །སྐུ་གསུང་ཐུགས་ཀྱི་རྡོ་རྗེ་ཡི། །སྤྱན་རྣམས་ལ་ནི་རིམ་བཞིན་བྱུང་། །སྐུ་གསུང་ཐུགས་ཀྱི་གནས་ལ་སྟེ། །སྤྱི་བོ་ལ་སོགས་དག་ལས་བྱུང་། །ཕྱག་གི་མཐིལ་ནས་རིམ་པས་བྱུང་། །བླ་མའི་ཞལ་ནས་བླང་བར་བྱ། །བྱེ་བྲག་འབྱུང་བའི་སྒོ་ཡིན་ཏེ། །ཧེ་ཧེ་སེམས་ཅན
227a4 སངས་རྒྱས་ཀྱི། །རང་བཞིན་ས་དང་ལམ་ལྡན་ཏེ། །ཟླ་བ་བཅུ་སོགས་ས་སོགས་ནི། །བརྫུས་སྐྱེས་ལ་སོགས་ཇི་ལྟར་ལགས། །འོན་ཏེ་སངས་རྒྱས་མིན་ནམ་ཅི། །སེམས་ཅན་ཐམས་ཅད་གདོད་མ་ནས། །སངས་རྒྱས་ཡིན་པར་གསུངས་པ་སྟེ། །བརྫུས་སྐྱེས་སྒོང་སྐྱེས་དྲོད་གཤེར་སོགས། །
227a5 སེམས་ཀྱི་གནས་བཅུ་ས་བཅུ་སྟེ། །རྣམ་ཤེས་བརྒྱད་ནི་བྱང་ཆུབ་ལྔ། །མཁན་པོ་སེམས་ཀྱི་རྒྱལ་པོ་སྟེ། །རང་བཞིན་དག་པ་ཆོས་གོས་ཡིན། །རང་བཞིན་གནས་པ་ཁ་སྤུ་བྲེགས། ། དང་ཧ~ཾ་གཉིས་སྔགས་ཀྱི་དོན། །ཐམས་ཅད་སེམས་ལ་གནས་པ་སྟེ། །སེམས་མེད་སངས་རྒྱས་མ་ཡིན
227a6 ཏེ། །ངམ་གྲོག་ལ་སོགས་བེམས་པོ་ཡི། །སེམས་ཉིད་སངས་རྒྱས་ཡིན་པའི་ཕྱིར། །སེམས་ཅན་སངས་རྒྱས་རང་བཞིན་ནོ། །རྒྱུ་དང་འབྲས་བུའི་ཚུལ་དང་ཡང་། །བག་ལ་ཉལ་དང་ཀུན་ཏུ་རྒྱུ། །ནུས་པའི་ཚུལ་དང་མངོན་སུམ་ཚུལ། །གཟུགས་ཅན་གཟུགས་མེད་མཁས་པས་བརྟགས། །
227a7 སངས་རྒྱས་སེམས་ཅན་དེ་བཞིན་ནོ། །དེ་ལྟར་སེམས་ཅན་སངས་རྒྱས་པས། །ར་ལི་སེམས་ཅན་རང་བཞིན་ཕྱིར། །ལུས་ལ་སྐུ་ཡི་ཕྱག་རྒྱས་གདབ། །ངག་ལ་གསུང་གི་ཕྱག་རྒྱས་གདབ། །སེམས་ལ་ཐུགས་ཀྱི་ཕྱག་རྒྱས་གདབ། །སྐུ་གསུང་ཐུགས་ཀྱི་རང་བཞིན་དུ། །དངོས་པོ་རོ་མཉམ་གྱུར
iiif viewer powered by OpenSeadragon
