| e-texts navigator |
| Wylie |
226b1 རྒྱ་མ་སྤངས་པའོ། །དམ་ཚིག་ཆོས་ཀྱི་ཕྱག་རྒྱ་དང་། དེ་ནས་ཡེ་ཤེས་ཕྱག་རྒྱ་ཆེ། །ཕྱག་རྒྱའི་ཁྱད་པར་མ་སྤངས་པའོ། །ཆགས་པའི་ཕྱག་རྒྱ་ལས་ཡིན་ཏེ། །དམ་ཚིག་ཆོས་ནི་མ་ནིང་གི། །ཕྱག་རྒྱ་གཉིས་སུ་ཤེས་པར་བྱ། །ཡེ་ཤེས་ཕྱག་རྒྱ་ཆེན་པོ་གཉིས། །གྲོལ་བའི་ཕྱག་རྒྱ
226b2 ཡིན་པར་འདོད། །ཕྱག་རྒྱའི་དབྱེ་བ་མ་སྤངས་པའོ། །དང་པོར་གསང་བའི་འཁོར་ལོར་ཏེ། །ཕྱི་ནས་རང་བཞིན་འཁོར་ལོར་ཡིན། །འཁོར་ལོའི་དབྱེ་བ་མ་སྤངས་པའོ། །དང་པོར་གསང་བའི་གཏུམ་མོ་སྟེ། །གཉིས་པར་རང་བཞིན་གཏུམ་མོ་ནི། །གཏུམ་མོའི་དབྱེ་བ་མ་སྤངས་པའོ། །
226b3 ལས་ཀྱི་རླུང་དང་མེ་གཉིས་ནི། །ཀུན་རྫོབ་འཁོར་བའི་རྐྱེན་ཡིན་ཏེ། །ཡེ་ཤེས་རླུང་དང་མེ་གཉིས་ནི། །དོན་དམ་གཉིས་མེད་རྐྱེན་ཡིན་ཏེ། །རྐྱེན་གྱི་དབྱེ་བ་མ་སྤངས་པའོ། །སྲིད་པ་བསྐྱེད་ཅིང་འཛག་པ་བདེ། །ཀུན་རྫོབ་ཤུ་ཀྲའི་ལས་ཡིན་ནོ། །སྲིད་པ་མི་ལེན་རང་རིག་སྐྱེས། །དོན་དམ
226b4 བྱང་སེམས་ལས་ཡིན་ནོ། །ལས་ཀྱི་དབྱེ་བ་མ་སྤངས་པའོ། །སྦྱོར་ཐབས་རྩ་ནི་རྒྱས་པ་དང་། །ཁ་འབྱེད་པ་ཡི་ལས་ཡིན་ཏེ། །སྦྱོར་ཐབས་བཞི་ལ་མ་རྨོངས་པ། །འདི་ནི་མ་སྤངས་ཉི་ཤུ་བརྒྱད། །སྤྱི་མཐུན་ལས་ལས་གྲུབ་པ་ཡི། །མི་དྲུག་ལ་སོགས་གྲངས་ཀྱིས་བསྟན། །རང་རིག་ཡེ་ཤེས
226b5 གང་འདོད་པས། །བླ་མའི་དུས་ཐབས་ལེགས་བསྟེན་ཏེ། །མི་སྤང་ངེས་པའི་གདམས་ངག་བླང་། །འདི་ཉིད་རྡོ་རྗེ་འཆང་གི་རྒྱུ། །དེ་ལས་བྱུང་བ་ཁྱད་པར་འབྲས། །དང་པོར་ཆ་སྟེ་ཐིག་ལེ་དང་། །ཚུལ་དང་ཚུལ་ཅན་མཆོག་གཞན་མཆོག་།འདི་ཉིད་དེ་ཉིད་དྲུག་ཡིན་ཏེ། །དེ་ཉིད་དྲུག་ནི་ཙཎྜཱ
226b6 ལཱི། །རེ་རེ་ལ་ཡང་བཞི་བཞི་སྟེ། །ཙཎྜཱ་ལཱི་ནི་ཉི་ཤུ་བཞི། །ར་ལི་ཉི་ཤུ་རྩ་བཞིར་ངེས། །ཕྱི་རུ་གནས་ནི་ཉི་ཤུ་བཞི། །སྤྱན་དང་ཕྱག་རྒྱ་ཉི་ཤུ་བཞི། །ཙཎྜཱ་ལཱི་དང་ར་ལི་ཡི། །ཕྱི་དང་ནང་དུ་གྲངས་སུ་ངེས། །ཧེ་ཧེ་དཔའ་བོ་རྡོ་རྗེ་འཆང་། །ར་ལིའི་འབྱུང་བའི་རྒྱུ་གང་ལགས། །ར་ལིའི
226b7 ངོ་བོ་གང་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། །སྐུ་དང་ཕྱག་མཚན་རགས་པ་ཀུན། །ར་ལིའི་ངོ་བོ་དམན་པའི་ལམ། །མཁའ་སྤྱོད་ས་སྤྱོད་ས་འོག་སྤྱོད། །སྒོ་གསུམ་ལ་གནས་ཁྱད་པར་གྱི། །ར་ལིའི་ངོ་བོར་གསུངས་པ་ཡིན། །དགའ་བ་བཅུ་དྲུག་རྟེན་དང
iiif viewer powered by OpenSeadragon
