| e-texts navigator |
| Wylie |
226a1 པར། །ལོག་པར་རྟོགས་པ་སྙིང་རྗེ་ཉམས། །དོན་དམ་བྱང་ཆུབ་སེམས་ཀྱིས་ནི། །ལྷན་ཅིག་སྐྱེས་པའི་ཡེ་ཤེས་རྒྱུ། །བླ་མ་མ་བསྟེན་དེ་ལས་འཁྲུལ། །ཀུན་རྫོབ་ཤུ་ཀྲ་རྒྱུར་འདོད་པ། །རྒྱུ་དང་འབྲས་བུ་འཁྲུལ་པའོ། །རྐྱེན་མེད་རྒྱུ་ཡིས་འབྲས་མི་འབྱིན། །དེ་ཕྱིར
226a2 རྐྱེན་ནི་སྤང་མི་བྱ། །ཡེ་ཤེས་རླུང་དང་ཡེ་ཤེས་མེ། །ལྷན་སྐྱེས་གཉིས་མེད་རྐྱེན་ཡིན་ཏེ། །དེ་ཉིད་སྤང་བར་མི་བྱ་ཞིང་། །ལས་ཀྱི་རླུང་དང་མེ་ཉིད་དང་། །གཞན་དུ་འང་དེ་ཉིད་སྦྱར་བར་བྱ། །སྲིད་པ་ལེན་དང་བདེ་བ་ལེན། །ལས་མི་སྤང་ཞིང་བདེ་བ་ཡང་། །མི་སྤང་པ་ནི་བཞི་པའོ། །ལུས
226a3 དང་ལུས་ཀྱི་སྙིང་པོའི་རྩ། །གནས་དང་གནས་ཆེན་མི་སྤང་བ། །ལྔ་པ་དྲུག་པ་ཡིན་པར་འདོད། །དེ་ཉིད་ཕྱི་དང་ནང་དུ་ཤེས། །ཕྱི་ནི་དབྱེ་བ་མ་སྤངས་པའོ། །སྣང་བ་དང་ནི་མུན་པའི་ཆ། །གང་བ་དང་ནི་སྟོང་པའི་ཆ། །འཕོ་བ་མ་སྤངས་བརྒྱད་པའོ། །རྒྱུ་ཡི་གནས་དང་འབྲས་བུའི་གནས། །
226a4 དེ་ཉིད་མི་སྤང་ཤེས་པར་བྱ། །རིན་པོ་ཆེ་ཡི་ཕོ་བྲང་དུ། །རྟེན་ནི་མི་སྤང་ཤུ་ཀྲ་གཟུང་། །གལ་ཏེ་དེ་རུ་མ་ཟིན་ན། །ཤོར་བ་མི་སྤང་རོ་མར་བསྟིམ། །གཉེན་པོ་མི་སྤང་གཟུགས་སྐུ་གཉིས། །མ་སྤངས་པ་ནི་བཅུ་གཉིས་པའོ། །ནོར་བུའི་རྟེན་ལས་སྐྱེས་པ་ཡི། །བདེ་བ་ལ་རྟེན་དབང་པོ
226a5 ཡི། །སྒོ་བསྡུ་ངོ་བོ་མ་སྤངས་པའོ། །གོང་འོག་ཁྱད་པར་ཤེས་བྱས་ནས། །སྒྱུ་མས་གཉེན་པོ་མ་སྤངས་པའོ། །དགའ་བ་མཆོག་དགའ་ཤེས་བྱས་ཏེ། །སྔོན་དུ་འགྲོ་བ་མ་སྤངས་པའོ། །འཁོར་བ་ལུགས་ལས་བཟློག་བྱ་སྟེ། །གནས་ནས་གནས་སུ་ཟློག་བྱེད་པ། །གནས་ཀྱི་ཁྱད
226a6 པར་མ་སྤངས་པའོ། །དེ་ཉིད་རིམ་པར་འཕོ་བྱེད་པ། །བླ་མའི་བླ་མ་ལས་བརྒྱུད་ཤེས། །འཁོར་བ་འཇུག་ལྡོག་བྱེ་བྲག་ནི། །འཕོ་བ་མ་སྤངས་རྣམ་པ་གཉིས། །ཡེ་ཤེས་མེ་ནི་ཆེར་འབར་བས། །ཕུང་པོ་འབྱུང་བ་དབང་པོ་སོགས། །ཐམས་ཅད་བདུད་རྩིར་གྱུར་པ་ནི། །རྐྱེན་གྱི་ཁྱད་པར
226a7 མ་སྤངས་པའོ། །ལུས་ཀྱི་བ་སྤུའི་བུ་ག་དང་། །བརྟན་དང་གཡོ་བའི་དངོས་པོ་ཀུན། །བདེ་བའི་ངོ་བོར་གང་སྣང་བ། །ངོ་བོའི་ཁྱད་པར་མ་སྤངས་པའོ། །དེ་ཉིད་སྒྱུ་མའི་རང་བཞིན་མེད། །གཉེན་པོའི་ཁྱད་པར་མ་སྤངས་པའོ། །བཞིན་མཛེས་མིག་ཡངས་ཕྱག་རྒྱ་ནི། །ལྡན་པ་ཕྱག
iiif viewer powered by OpenSeadragon
