| e-texts navigator |
| Wylie |
225a1 འབྱུང་བའི་གནས་དང་རྒྱུ་རུ་བརྟགས། །ལ་ལས་ལ་ལ་ནཱ་ཡི་རྩ། །དེ་ལས་ཐབས་ཀྱི་རྒྱུད་བྱུང་བའི། །རྒྱུ་དང་གནས་དང་ངོ་བོ་བརྟག་།ར་ལས་ར་ས་ནཱ་ཡི་རྩ། །འདི་ཉིད་ལས་ནི་ཤེས་རབ་ཀྱི། །ར་ལི་འབྱུང་བའི་རྒྱུ་དང་གནས། །ར་ནི་ཆགས་ཕྱིར་ཤེས་རབ
225a2 སྟེ། །ཤེས་རབ་ཡི་གེ་བཅུ་དྲུག་བརྡ། །ལ་ནི་ནུབ་ཕྱིར་ཐབས་ཡིན་ཏེ། །ཐབས་ཀྱི་ཡི་གེ་བཅུ་བཞིའི་བརྡ། །ཐོག་མ་ཉིད་ནས་མ་སྐྱེས་པ། ། ནི་གཉིས་མེད་རང་བཞིན་ཏེ། །གཉིས་མེད་བློ་ཡི་སྤྱོད་ཡུལ་མིན། །བློ་དང་སྒྲ་ནི་ཀུན་རྫོབ་ཕྱིར། །གཡས་ནི་ཐབས་ཡིན་ལ་ལ་ནཱ། །
225a3 གཡོན་པ་ཤེས་རབ་ར་ས་ནཱ། ། བ་དྷཱུ་ཏཱི་གཉིས་སུ་མེད། །ཐབས་དང་ཤེས་རབ་གཉིས་མེད་ཀྱི། །ར་ལིའི་ངོ་བོ་ཤེས་པར་བྱ། །འདོད་ཆགས་རྡུལ་ལ་ལུས་ནི་ཐབས། །ལ་ལ་ནཱ་ནི་སྐུ་ཡིན་ཏེ། །གཏི་མུག་མུན་པ་ངག་དང་ཡང་། །ཤེས་རབ་ར་ས་ནཱ་ནི་གསུང་། །ཞེ་སྡང་སྙིང
225a4 སྟོབས་ཡིད་ཡིན་ཏེ། །སྐུ་གསུང་ཐུགས་ཀྱི་འགྱུར་བའོ། །སྐུ་ལ་བརྒྱད་དེ་གསུང་ལ་བརྒྱད། །ཐུགས་ལ་བརྒྱད་དེ་ཉི་ཤུ་བཞི། །ར་ལི་ཉི་ཤུ་བཞི་རུ་ངེས། །གནས་ནི་ཉི་ཤུ་རྩ་བཞི་དང་། །ཙཎྜཱ་ལཱི་དང་ཕྱག་དག་དང་། །མཁའ་འགྲོ་འབྱུང་པོ་ཉི་ཤུ་བཞི། །དེ་ཉིད་བརྡ་རུ་ངེས་པ་སྟེ། །
225a5 སྐུ་གསུང་ཐུགས་ཀྱི་དབྱེ་བས་སོ། །གནས་དང་མཁའ་འགྲོ་ར་ལི་དབྱེ། །སྐུ་གསུམ་དུ་ནི་དེ་ཉིད་བསྡུ། །དང་པོར་རྒྱུད་ཀྱི་ངེས་པ་དང་། །རྒྱུ་ཡི་གནས་དང་གནས་ངེས་པ། །གཏད་ས་ངེས་དང་ངེས། །གྲངས་ངེས་རིགས་ངེས་ལྔར་ངེས། །མདོ་སྡེ་འདུལ་བ་མངོན་པ
225a6 ཡི། །དམན་པའི་རིམ་པ་དང་པོར་གསུང་། །དམན་པ་རྣམས་ལ་བྱ་བའི་རྒྱུད། །དེ་རྗེས་རྣལ་འབྱོར་ཉིད་ཡིན་ཏེ། །སྐྱེས་པ་འདུལ་ཕྱིར་རྣལ་འབྱོར་རྒྱུད། །ཕྱི་ནས་རྣལ་འབྱོར་མ་རྒྱུད་ནི། །བུད་མེད་ཡོངས་སུ་གཟུང་ཕྱིར་རོ། །དང་པོ་རྩ་བའི་རྒྱུད་གསུངས་ཏེ། །དེ་ནས་བཤད
225a7 པའི་རྒྱུད་ཉིད་དོ། །དེ་ནས་རྒྱུད་ནི་ཕྱི་མའོ། །དེ་རྗེས་ཕྱི་མའི་ཕྱི་མ་སྟེ། །རིམ་པ་བཅུ་ནི་བསྐོར་བ་སྟེ། །སྣོད་ངན་དམན་པའི་རིམ་པས་གསུངས། །མེ་ཏོག་སྙིང་པོའི་བཅུད་བཞིན་དུ། །ཕྱི་ཡི་ཕྱི་ནས་བདུད་རྩི་ཡི། །ར་ལིའི་སྙིང་པོ་སྙིང་པོ་རྒྱུད། །དང་པོར་ལ་ལས་སྐུ་ཡི་རྒྱུད། །
iiif viewer powered by OpenSeadragon
