| e-texts navigator |
| Wylie |
82b1 ལྡན་པ་དང་། མཐའ་དང་ལྡན་པའང་ཡིན་ལ་མཐའ་དང་མི་ལྡན་པའང་ཡིན་པ་དང་། མཐའ་དང་ལྡན་པ་ཡང་མ་ཡིན་ལ་མཐའ་དང་མི་ལྡན་པའང་མ་ཡིན་ཞིང་འདུ་ཤེས་ཅན་ཡང་ཡིན་པ་འདི་ནི་གཞི་བརྒྱད་པའོ། །ཅི་ལ་རྟེན་ཅིང་ཞེས་བྱ་བ་དག་ནི་སྔ་མ་བཞིན་ནོ། །དགེ་སྦྱོང་དང
82b2 བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་མེད་པ་ཅན་དུ་སྨྲ་བ་དག་། དེ་ཕན་ཅད་བདག་ནི་འདུ་ཤེས་མེད་པ་ཅན་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་གཞི་བརྒྱད་པོ་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང
82b3 དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏེ། དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ
82b4 སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་པར་སྨྲ་བ་དག་ཡོད་དེ། དེ་ཕན་ཅད་བདག་ནི
82b5 འདུ་ཤེས་ཅན་ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་ནི་འདི་ལྟ་སྟེ། གཞི་བརྒྱད་པོ་དག་ལའོ། །དགེ་སྦྱོང་དང་བྲམ་ཟེ་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་ཕྱི་མའི་མཐའ་ལ་རྟོག་ཅིང་འདུ་ཤེས་ཅན
82b6 ཡང་མ་ཡིན་ལ། འདུ་ཤེས་ཅན་མ་ཡིན་པ་ཡང་མ་ཡིན་ཞེས་སྨྲ་བ་དག་དེ་ཕན་ཅད་བདག་ནི་འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་དག་ནི་གཞི་བརྒྱད་པོ་དག་ལའོ། །དགེ་སློང་དག་དགེ་སྦྱོང་དང་བྲམ
82b7 ཟེ་ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་དེ་ཕན་ཆད་བདག་གི་གཟུགས་ཅན་ཡིན་ཞིང་། འདུ་ཤེས་ཅན་ཡང་མ་ཡིན་ལ་འདུ་ཤེས་ཅན་མ་ཡིན་པ་ཡང་མ་ཡིན་པ་དང་། དེ་ཕན་ཆད་བདག་ནི་གཟུགས་ཅན་མ་ཡིན་པ་དང་། གཟུགས་ཅན་ཡང་ཡིན་ལ་གཟུགས་ཅན་མ་ཡིན་པ
iiif viewer powered by OpenSeadragon
