| e-texts navigator |
| Wylie |
81a1 འཇིག་རྟེན་ཕ་རོལ་ཞེས་བྱ་བ་མ་ཡིན་ནམ་འོན་ཏེ་མ་ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན་ཞེས་ལུང་བསྟན་པར་བྱའོ། །དགེ་སྦྱོང་དང་བྲམ་ཟེ་དེ་གཏི་མུག་གི་འཇིགས་པ་དང་། གཏི་མུག་གིས་འཇིགས་སྐྲག་པ་དང་། དེས་གཏི་མུག་ཉིད་ཡོངས་སུ་སྨད་པས་གཞི
81a2 དེ་དང་གླིང་དེ་དང་མགོན་དེ་དང་སྐྱབས་དེ་དང་གཞོལ་བ་དེ་ལ་གནས་སོ། །ལྷ་མི་སྤོང་བ་དྲི་བ་དྲིས་པ་དང་ཚིག་རླུང་བསྐུར་བ་འདི་ནི་གཞི་བཞི་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །དགེ་སྦྱོང་དང་བྲམ་ཟེ་སྔོན་གྱི་མཐའ་ལ་རྟོག་ཅིང་། ལྷ་མི་སྤོང་ལ་ལྷ
81a3 མི་སྤོང་བ་དྲི་བ་དྲིས་པ་དང་ཚིག་རླུང་བསྐུར་བ་དེ་ཐམས་ཅད་ནི་གཞི་བཞི་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར
81a4 སོང་བ་འདི་དག་འདི་ལྟར་འཛིན་པ་དང་འདི་ལྟར་མཆོག་ཏུ་འཛིན་པ་དག་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། སྔོན་གྱི་མཐའ་དང་ལྡན་པ་ལྟ་བར་སོང་བ་དག་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་ལྟ་བར་སོང་བ
81a5 བརྒྱད་པོ་འདི་དག་སྟེ། དེ་ལས་མི་ལྷག་མི་མང་ཞེས་བྱ་བ་ནས་ལྷག་པར་མཁྱེན་ཏོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དག
81a6 གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་ཡོད་དེ། དེ་ཕན་ཆད་བདག་ནི་འདུ་ཤེས་ཅན་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་ནི་འདི་ལྟ་སྟེ་གཞི་བཅུ་དྲུག་པོ་ལའོ། །དགེ
81a7 སྦྱོང་དང་བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་འདུ་ཤེས་ཅན་དུ་སྨྲ་བ་དག་དེ་ཕན་ཆད་བདག་ནི་འདུ་ཤེས་ཅན་མ་ཡིན་ནོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་ནི། འདི་ལྟ་སྟེ་གཞི་བཅུ་དྲུག་པོ་དག་ལའོ། །དགེ་སློང
iiif viewer powered by OpenSeadragon
