| e-texts navigator |
| Wylie |
80b1 དུ་འགྱུར་བ་དེ་ནི་བདག་གི་ལོག་པར་འགྱུར་ཏེ། དེ་ལྟར་ན་དགེ་སྦྱོང་དང་བྲམ་ཟེ་ཤེས་ལྡན་དེ་ནི་ལོག་པར་ལྟ་བས་འཇིགས་པ་དང་ལོག་པར་ལྟ་བས་འཇིགས་སྐྲག་པ་དང་ལོག་པར་ལྟ་བ་ཉིད་ཡོངས་སུ་སྨད་པས་གཞི་དེ་ལ་གནས་སོ་ཞེས་བྱ་བ་ནི་སྔ་མ་བཞིན་ནོ། །ཅི་ལ་རྟེན་ཅིང་ཅི་ལ་གནས
80b2 ནས་ཅི་ལ་གནས་བཅས་ཏེ་ཞེས་བྱ་བ་ནས་ཚིག་རླུང་བསྐུར་ཞེས་བྱ་བའི་བར་འདི་ནི་གཞི་གཉིས་པའོ། །གསུམ་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང
80b3 དང་བྲམ་ཟེ་ཁ་ཅིག་མི་དགེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་ཤིང་། དགེ་བ་དག་ཅེས་བྱ་བ་སྔ་མ་བཞིན་ནོ། །དེ་ནི་བདག་གི་དུ་འགྱུར་ལ་གང་བདག་གི་དུ་འགྱུར་བ་དེ་ནི་བདག་གི་ལོག་པར་འགྱུར་ཞིང་གང་བདག་གི་ལོག་པར་འགྱུར་བ་དེ་ནི་བདག་གི་ཤེས་བཞིན་མ
80b4 ཡིན་པར་འགྱུར་ཏེ། དེ་ལྟར་ན་དགེ་སྦྱོང་དང་བྲམ་ཟེ་དེ་ནི་ཤེས་བཞིན་མ་ཡིན་པས་འཇིགས་པ་དང་ཤེས་བཞིན་མ་ཡིན་པས་འཇིགས་སྐྲག་པ་དང་ཤེས་བཞིན་མ་ཡིན་པ་ཉིད་ཡོངས་སུ་སྨད་པས་གཞི་དེ་དང་གླིང་དེ་ལ་གནས་སོ་ཞེས་བྱ་བ་ནས། ཚིག་རླུང་བསྐུར་བ་འདི་ནི་གཞི་གསུམ་པའོ་ཞེས་བྱ་བའི
80b5 བར་དུ་སྔ་མ་བཞིན་ནོ། །བཞི་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང་དང་བྲམ་ཟེ་ཁ་ཅིག་རང་བཞིན་ཉིད་ཀྱིས་ཡིད་རྟུལ་ཞིང་བླུན་པ་ཡིན་ཏེ། དེ་འདི་སྙམ་དུ་སེམས་ཏེ། ཇི་སྟེ་བདག་གི་ཐད་དུ་ལ་ལ་ཞིག་འོངས
80b6 ནས་དེ་འཇིག་རྟེན་ཕ་རོལ་ཡོད་སྙམ་ནས། འཇིག་རྟེན་ཕ་རོལ་ཡོད་དམ་ཞེས་དྲི་བ་དྲིས་ན་བདག་གིས་དེ་ལ་འཇིག་རྟེན་ཕ་རོལ་ཡོད་དོ་ཞེས་ལུང་བསྟན་པར་བྱའོ། །འཇིག་རྟེན་ཕ་རོལ་མེད་པ་མ་ཡིན་ནམ། ཡོད་པ་ཡང་ཡིན་མེད་པ་ཡང་ཡིན་ནམ། ཡོད་པ་ཡང་མ་ཡིན་མེད་པ་ཡང་མ་ཡིན
80b7 ནམ་དེ་འཇིག་རྟེན་འདི་ལྟ་བུའམ་འོན་ཏེ་མ་ཡིན། རྣམ་པ་གཞན་ཞིག་གམ་འོན་ཏེ་མ་ཡིན། མ་ཡིན་ནམ་འོན་ཏེ་མ་ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན། དེ་འཇིག་རྟེན་ཕ་རོལ་མ་ཡིན་ནམ་འོན་ཏེ་མ་ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན་ཞེས་དྲི་བ་འདྲི་ན། བདག་གིས
iiif viewer powered by OpenSeadragon
