| e-texts navigator |
| Wylie |
79b1 ཤིང་དྲུང་ན་གནས་ཀྱང་རུང་ཞེས་བྱ་བ་དག་དང་། སེམས་མཉམ་པར་བཞག་པ་ན་འཇིག་རྟེན་མཐའ་ཡོད་པ་མ་ཡིན་པའི་འདུ་ཤེས་ཅན་དང་། མཐའ་མེད་པ་མ་ཡིན་པའི་འདུ་ཤེས་ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་འདི་ནི་མཐའ་ཡོད་པ་ཡང་མ་ཡིན་མཐའ
79b2 མེད་པ་ཡང་མ་ཡིན་པ་དེའི་ཕྱིར། དེས་ན་བདག་འདི་སྙམ་དུ་འཇིག་རྟེན་ནི་མཐའ་ཡོད་པ་ཡང་མ་ཡིན་མཐའ་མེད་པ་ཡང་མ་ཡིན་ནོ་སྙམ་ནས། བདག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ་ཞེས་བྱ་བ་ནས། སེམས་མཉམ་པར་བཞག་པ
79b3 ན་འཇིག་རྟེན་མཐའ་ཡོད་པ་ཡང་མ་ཡིན་པའི་འདུ་ཤེས་ཅན་དང་། མཐའ་མེད་པ་ཡང་མ་ཡིན་པའི་འདུ་ཤེས་ཅན་དུ་གནས་པར་བྱའོ་སྙམ་མོ། །དེ་ལྟར་ན་འཇིག་རྟེན་མཐའ་ཡོད་པ་ཡང་མ་ཡིན་མཐའ་མེད་པ་ཡང་མ་ཡིན་པ་འདི་ནི་གཞི་བཞི་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས
79b4 བྱ་བའི་བར་དུ་སྔ་མ་བཞིན་ནོ། །དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། མཐའ་ཡོད་པ་དང་མཐའ་མེད་པ་པ་སྟེ། བདག་དང་འཇིག་རྟེན་མཐའ་ཡོད་པ་དང་མཐའ་མེད་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་གཞི་བཞི་པོ་དག་ལ་སྟེ། དེ་ལས
79b5 མི་ལྷག་མི་མང་ལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་། འདི་ལྟར་མཆོག་ཏུ་འཛིན་པ་དང་། འདི་ལྟར་ལེན་པ་དང་། འདི
79b6 ལྟར་སྤྱོད་པ་ཞེས་བྱ་བ་ནི་སྔ་མ་བཞིན་ནོ། །དགེ་སློང་དག་གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་ནི་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དག་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ
79b7 ཅིག་སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྷ་མི་སྤོང་བ་དྲི་བ་དྲིས་པ་དང་གཏམ་རླུང་བསྐུར་བ་དག་ཡོད་པ་ནི་འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྷ་མི
iiif viewer powered by OpenSeadragon
