| e-texts navigator |
| Wylie |
77a1 རྟེན་ནས་ཞེས་བྱ་བ་ནི་སྔ་མ་བཞིན་ཏེ། འདི་ནི་གཞི་གསུམ་པའོ། །བཞི་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་པ་སྟེ། བདག་དང་འཇིག་རྟེན་ཁ་ཅིག་རྟག
77a2 གོ་ཞེས་མངོན་པར་སྨྲ་ཞིང་མངོན་པར་རྗོད་པ་ནི་དགེ་སློང་དག་འདོད་པའི་ཁམས་ན་ལྷ་ཡིད་འཁྲུག་ཅེས་བྱ་བ་དག་ཡོད་དེ། དེ་དག་གང་གི་ཚེ་ཤིན་ཏུ་མིག་གིས་མིག་ཚུགས་སུ་བལྟའོ། །དེ་དག་ཤིན་ཏུ་མིག་གིས་མིག་ཚུགས་སུ་ལྟ་བ་ན། ཡིད་འཁྲུག་ཅིང་ཡིད་ཁྲོས་པས
77a3 སེམས་ཅན་དེ་དག་གནས་དེ་ནས་ཤི་འཕོས་པར་འགྱུར་རོ། །ཇི་སྟེ་སེམས་ཅན་འགའ་ཚེ་ཟད་ཅིང་ལས་ཟད་ལ་བསོད་ནམས་ཟད་པ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་འགྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར
77a4 སོན་པའི་རྒྱུས་ན་ཞེས་བྱ་བ་ནས། སྔོན་གྱི་ལུས་ཡང་དག་པ་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །དེ་འདི་སྙམ་དུ་སེམས་ཏེ། འདོད་པའི་ཁམས་ན་གང་ལྷ་ཡིད་འཁྲུག་ཅེས་བྱ་བ་དེ་དག་གི་ནང་ནས། གང་དག་མིག་གིས་མིག་ཚུགས་སུ་ཤིན་ཏུ་མི
77a5 ལྟ་བ་དེ་དག་ནི་རྟག་པའོ། །བརྟན་པའོ། །ཐེར་ཟུག་པའོ། །མི་འགྱུར་བའི་ཆོས་ཅན་ནོ་སྙམ་མོ། །ཡང་བདག་ཅག་ནི་ཤིན་ཏུ་མིག་གིས་མིག་ཚུགས་སུ་ལྟ་བ་དང་ལྡན་པས། བདག་ཅག་ནི་མི་རྟག་པའོ། །མི་བརྟན་པའོ། །ཡིད་བརྟན་དུ་མི་རུང་བའོ། །རྣམ
77a6 པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་པ་སྟེ། བདག་དང་འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར
77a7 རྗོད་པ་འདི་ནི་གཞི་བཞི་བའོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། བདག་དང་འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་གཞི་བཞི་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་ལྟར་ན
iiif viewer powered by OpenSeadragon
