| e-texts navigator |
| Wylie |
76b1 ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་པ་སྟེ། བདག་དང་འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་རྗོད་པ་ནི་དགེ་སློང་དག་འདོད་པའི་ཁམས་ན་ལྷ་རྩེད་མོས་མྱོས་ཞེས་བྱ་བ་དག་ཡོད་དེ། དེ་དག་གང་གི་ཚེ
76b2 ཤིན་ཏུ་རྩེ་དགའ་རངས་པ་དང་ལྡན་ཞིང་འཁོད་དེ་རྩེ་དགའ་རངས་པ་དང་ལྡན་པའི་སེམས་ཅན་དེ་དག་གི་ནང་ནས། ལུས་དུབ་ཅིང་དྲན་པ་རྨོངས་ལ། དྲན་པའི་སེམས་ཅན་གནས་དེ་ནས་ཤི་འཕོས་ནས་འགྱུར་རོ། །འདི་ལྟ་སྟེ་སེམས་ཅན་འགའ་ཚེ་ཟད་ཅིང་ལས་ཟད
76b3 ལ་བསོད་ནམས་ཟད་པ་འགའ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་འགྱུར་ལ། དེ་དབང་པོ་ཡོངས་སུ་སྨིན་ཅིང་ནར་སོན་པའི་རྒྱུས་ན་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། ཡང་དག་པ་ཉིད་ཀྱི་དད་པས་ཁྱིམ
76b4 ནས་ཁྱིམ་མེད་པར་རབ་ཏུ་འབྱུང་སྟེ། དེ་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི
76b5 རྒྱུ་ལས་བྱུང་བ་དང་། ཡང་དག་པ་ཡིད་ལ་བྱེད་པ་དག་གི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་མཉམ་པར་བཞག་པ་ན་སྔོན་གྱི་ལུས་དེ་ཡང་དག་པར་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། འདོད་པའི
76b6 ཁམས་ན་གང་ལྷ་རྩེད་མོས་མྱོས་ཞེས་བྱ་བ་དག་གི་ནང་ནས་གང་དག་རྩེ་དགའ་རངས་པ་དང་ཤིན་ཏུ་མི་ལྡན་པར་འཁོད་དེ། དེ་དག་ནི་རྟག་པའོ། །བརྟན་པའོ། །ཐེར་ཟུག་པའོ། །རྣམ་པར་མི་འགྱུར་བའི་ཆོས་ཅན་ཡིན་ནོ་སྙམ་མོ། །ཡང་བདག་ཅག་ནི་ཤིན་ཏུ་རྩེ་དགའ
76b7 རངས་པ་དང་ལྡན་པའི་སེམས་ཀྱིས་གནས་པས་བདག་ཅག་ནི་མི་རྟག་པའོ། །མི་བརྟན་པའོ། །ཐེར་ཟུག་མ་ཡིན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ་སྟེ། ཅི་ལ
iiif viewer powered by OpenSeadragon
