| e-texts navigator |
| Wylie |
75a1 མཁའ་སྟོང་པ་ལ་ཚངས་པའི་གཞལ་མེད་ཁང་དག་མངོན་པར་འགྲུབ་ལ། ཡང་འོད་གསལ་གྱི་ལྷའི་རིས་ཀྱི་སེམས་ཅན་འགའ་ཚེ་ཟད་ཅིང་ལས་ཟད་ལ། བསོད་ནམས་ཟད་པ་ཞིག་ཤི་འཕོས་ནས་ཚངས་པའི་གཞལ་མེད་ཁང་སྟོང་པར་སྐྱེ་སྟེ། དེ་དེ་ན
75a2 གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་སོ། །དེ་ནས་སེམས་ཅན་དེ་ཡུན་རིང་པོ་ལས་འདས་པ་དང་སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ་བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་སེམས
75a3 ཅན་དེའི་སེམས་ཀྱིས་སྨོན་པ་དང་། འོད་གསལ་གྱི་ལྷའི་རིས་ཀྱི་སེམས་ཅན་གཞན་ཚེ་ཟད་ཅིང་ལས་ཟད་ལ་བསོད་ནམས་ཟད་པ་ཞིག་ཤི་འཕོས་ནས་ཚངས་པའི་གཞལ་མེད་ཁང་དུ་སེམས་ཅན་དེ་དང་སྐལ་བ་མཉམ་པར་སྐྱེས་སོ། །དེ་ནས་སེམས་ཅན་དེ་འདི་སྙམ་དུ་བདག་གཅིག
75a4 པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་ཏེ། བདག་ཡུན་རིང་པོར་གནས་པ་ལས་འདས་པས་སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ་བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་བདག་གི་སེམས་ཀྱིས
75a5 དེ་ལྟར་སྨོན་པ་དང་། སེམས་ཅན་འདི་དག་འདིར་བདག་དང་སྐལ་བ་མཉམ་པར་སྐྱེས་པ་ལས་ན། སེམས་ཅན་དེ་དག་ནི་བདག་གིས་སྤྲུལ་ཏོ། །བདག་སེམས་ཅན་འདི་དག་དང་དངོས་པོ་རྣམས་ཀྱི་ཕར་གྱུར་པ་སྟེ་དབང་ཕྱུག་གོ། །བྱེད་པ་པོའོ། །འབྱིན་པ་པོའོ། །
75a6 འབྱིན་བྱེད་དོ་སྙམ་མོ། །སེམས་ཅན་དེ་དག་ཀྱང་འདི་སྙམ་དུ་སེམས་ཏེ། སེམས་ཅན་འདི་དག་ནི་བདག་ཅག་གིས་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་པར་མཐོང་ངོ་། །དེ་ཡུན་རིང་པོར་གནས་པ་ལས་འདས་ནས་སྲེད་པ་སྐྱེས་ཤིང་མི་དགའ
75a7 བར་གྱུར་ཏེ། ཀྱེ་མ་བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་སྙམ་ནས། སེམས་ཅན་དེས་དེ་ལྟར་སེམས་ཀྱིས་སྨོན་པ་དང་། འདིར་བདག་ཅག་སེམས་ཅན་དེ་དང་སྐལ་བ་མཉམ་པར་སྐྱེས་པ་ལས་ན། བདག་ཅག་ནི་སེམས
iiif viewer powered by OpenSeadragon
