| e-texts navigator |
| Wylie |
74a1 དུ་རྒྱུག་ཅིང་འཁོར་ལ་རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་འདི
74a2 ནི་གཞི་གསུམ་པའོ། །བཞི་པ་ནི་དགེ་སྦྱོང་དང་བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་སྟེ། དགེ་སློང་དག་འདི་ནི་དགེ
74a3 སྦྱོང་དང་བྲམ་ཟེ་ཞེས་བྱ་བ་དག་སྔ་མ་བཞིན་ནོ། །སེམས་མཉམ་པར་བཞག་པ་ན། ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་འཆི་བ་དང་། སྐྱེ་བ་དང་། ཁ་དོག་བཟང་པོ་དང་། ཁ་དོག་ངན་པ་དང་། དམན་པ་དང་། གྱ་ནོམ་པ་དང་། བདེ་འགྲོ་དང་།
74a4 ངན་འགྲོར་འགྲོ་བ་དག་ལྟ་སྟེ། དེ་ལྟར་ན་བདག་དང་འཇིག་རྟེན་ནི་རྟག་པའོ་ཞེས་བྱ་བ་ནས། རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་འདི
74a5 ནི་གཞི་བཞི་པའོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ་རྟོག་ཅིང་། བདག་དང་འཇིག་རྟེན་རྟག་གོ་ཞེས་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་གཞི་བཞི་པོ་འདི་དག་ལྟ་སྟེ། དེ་ལས
74a6 མི་ལྷག་མི་མང་ལ་དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་། འདི་ལྟར་མཆོག་ཏུ་འཛིན་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འདི་ལྟར་རབ་ཏུ་མཁྱེན་པ་ན
74a7 མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་ཡང་རིག་ཅིང་དེ་ལྟར་ལྟ་བར་སོང་བ་འདི་དག་གི་འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་འདི་ལྟ་བུ་ཡིན་ནོ་ཞེས་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ
iiif viewer powered by OpenSeadragon
