| e-texts navigator |
| Wylie |
72b1 འདི་ལྟ་སྟེ། ལམ་དང་ལམ་ལོག་པའི་ཕྱིར་རོ། །གཽ་ཏ་མ་དེ་ནི་རིག་པ་ཡོན་པོ་དག་གིས་ལོག་པར་འཚོ་བས་ལོག་པར་འཚོ་བར་བྱེད་པ་དེ་ལྟ་བུ་དག་སྤངས་པ་ཡིན་ནོ། །ཇི་ལྟར་ན་འདོད་པ་རྣམས་ལས་རབ་ཏུ་དབེན་པ་ཡིན་ཞེ་ན། གཽ་ཏ་མ་དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང
72b2 པོ་འདི་དག་དང་ལྡན་ཞིང་། དབང་པོ་རྣམས་ཀྱི་སྒོ་བསྡམས་པ་ལ་གནས་པ་དྲན་པས་ཀུན་ནས་བསྲུངས་པ་རྟག་པར་དྲན་པ་དང་དྲན་པས་ཡིད་ཀུན་ནས་བསྲུངས་པ། གནས་སྐབས་མཉམ་པ་ལ་འཇོག་པར་བྱེད་པ། དེ་མིག་གིས་གཟུགས་རྣམས་ལ་ལྟ་བ་ན་མཚན་མར་འཛིན
72b3 པ་མེད་པ་ཡིན་ཏེ། ཡིད་ཀྱི་དབང་པོའི་བར་དུ་ཡང་སྡོམ་པ་བླངས་པ་ཡིན་ནོ། །གཽ་ཏ་མ་དེ་ནི་འདི་ལྟར་ཚུལ་ཁྲིམས་ཀྱི་ཕུང་པོ་འདི་དང་། དབང་པོའི་སྒོ་བསྡམས་པ་འདི་དང་ལྡན་པ་ཡིན་ལ། འགྲོ་བ་དང་འོང་བ་ལ་ཤེས་བཞིན་དུ་གནས་པ་ཡང་ཡིན་ཞིང་། ལྟ་བ་དང་རྣམ་པར་ལྟ
72b4 བ་ནས་གཉིད་ཀྱིས་དུབ་པ་སེལ་བའི་བར་དུའང་ཤེས་བཞིན་དུ་གནས་པ་ཡིན་ནོ། །གཽ་ཏ་མ་དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དང་། དབང་པོའི་སྒོ་བསྡམས་པ་འདི་དང་ལྡན་ལ། དྲན་པ་དང་ཤེས་བཞིན་མཆོག་འདི་དང་ལྡན་པའི་ཕྱིར། མལ་སྟན་བདེ་བ་ལ་གནས
72b5 པ་ནས་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ་རྟོག་པ་དང་བཅས་ཤིང་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་རྫོགས་པར་བྱས་ནས་གནས་པའི་བར་ཏེ། འདོད་པ་རྣམས་ལས་དབེན་པ་ནི་དེ་ལྟ
72b6 བུ་ཡིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ་ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པ་སྨྲ
72b7 ཞིང་རྗོད་པར་བྱེད་དོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ་ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ
iiif viewer powered by OpenSeadragon
