| e-texts navigator |
| Wylie |
66a1 གཉིས་ཤིག་ཡོད་དེ། ད་ཙམ་གྱི་བར་དུ་ཅི་ཡང་མ་ཟོས་པས་བདག་འོང་དུ་རེ་སྟེ་སྡོད་དོ། །སེང་གེས་ཀྱང་བྲམ་ཟེ་དེ་རྒྱང་རིང་དུ་ཐལ་བར་ཤེས་ནས་ལམ་ལས་བྱོལ་ཏེ་བཙུན་མོ་བཏང་ངོ་། །བཙུན་མོ་ཕྱིར་གནས་སུ་འོངས་ནས། རྒྱལ་བུ་འབའ་ཞིག་སྣང
66a2 གི་བུ་གཉིས་མ་མཐོང་བས། བདག་ཉིད་འདུག་པའི་སྤྱིལ་བུར་བལྟས་ན་ཡང་བུ་མ་མཐོང་། བུ་གཉིས་འདུག་པའི་སྤྱིལ་པོར་བལྟས་ན་ཡང་བུ་མ་མཐོང་སྟེ། དེ་ནས་བུ་རྩེ་བའི་གནས་ཆུ་འགྲམ་དུ་བཙལ་ན་ཡང་མ་མཐོང་ངོ་། །སྔོན་བུ་དང་རྩེ་བའི་ཤ་བ་དང་། ཁ་ཤ་དང་། གཅན
66a3 གཟན་སེང་གེ་དང་། སྤྲེའུ་ལ་སོགས་ཏེ་མདུན་ནས་ལུས་ས་ལ་རྡེབས་ཤིང་སྒྲ་འབྱིན་ལ། སྔོན་རྩེ་བའི་རྫིང་བུའི་ཆུ་ཡང་སྐམས་པར་མཐོང་ནས། ཕྱིར་རྒྱལ་བུ་གང་ན་བ་དེར་སོང་སྟེ་ཕྱིན་པ་དང་རྒྱལ་བུ་ལ་བདག་གི་བུ་གཉིས་ག་རེ་ཞེས་དྲིས་ན། རྒྱལ་བུ་ཅང་མི་སྨྲའོ། །བཙུན་མོས་ཡང
66a4 སྨྲས་པ། བདག་ནམ་ཤིང་ཐོག་ཐོགས་ཏེ་ཕྱིར་གནས་སུ་འཁོར་བ་ན་བདག་གི་བུ་གཉིས་རྒྱང་མ་ནས་རྒྱུག་ཅིང་མདུན་དུ་བསུས་ཏེ། རྡེག་འཆོས་ན་ཡང་ཕྱིར་ལངས་ཏེ་དཀྱུ་མཆོང་ཞིང་ཨ་མ་འོངས་ཨ་མ་འོངས་སོ་ཞེས་འབོད་དེ། བདག་འདུག་པ་ན་གཉིས་ཀ་གཡས་གཡོན་ན་འདུག་ཅིང་།
66a5 ཕྲག་པའམ་ལུས་ལ་རྡུལ་གོས་ན་ཡང་འཕྱི་ཞིང་སྤྲུག་།ད་བདག་གི་བུ་ག་རེ་མ་མཐོང་ན་གཞན་ལ་མ་བྱིན་ནམ། འདི་ལྟར་མ་མཐོང་བས་བདག་གི་སྙིང་གས་པར་འགྱུར་གྱིས། བདག་གི་བུ་ག་ལ་འདུག་མྱུར་དུ་སྨྲོས་ཤིག་།བདག་མྱོས་པར་འགྱུར་རོ་ཞེས་དེ་ལྟར་ལན་གཉིས་ལན
66a6 གསུམ་གྱི་བར་དུ་དྲིས་ཀྱང་ལན་མ་སྨྲས་སོ། །བཙུན་མོས་ཡང་སྨྲས་པ། ལྷག་པར་སྡུག་བསྔལ་གྱིས་གདུངས་ཏེ། བུ་གཉིས་མ་མཐོང་བ་ལྟ་ཚོད་ཡོད་ན། རྒྱལ་བུས་ལན་མ་སྟེར་བས་ལྷག་པར་མྱོས་ཤིང་འཁྲུགས་པར་གྱུར་ཏོ། །རྒྱལ་བུས་སྨྲས་པ། ཡུལ་ཀཻ་ལཻ་ཞེས
66a7 བྱ་བ་ནས་བྲམ་ཟེ་ཞིག་འོངས་ཏེ། བདག་ལ་བུ་གཉིས་བསླངས་པ་ལས་བདག་གིས་བྱིན་ནོ། །བཙུན་མོས་རྒྱལ་བུས་སྨྲས་པ་ཐོས་མ་ཐག་ཏུ་རི་རྡིབ་པ་ལྟར་ས་ལ་འགྱེལ་ཏེ་འགྲེ་ཞིང་ཆོ་ངེས་བཏབ་བོ། །རྒྱལ་བུས་སྨྲས་པ་རེ་ཞིག་སྡོད་ཅིག་།ཁྱོད་སྔོན་འདས་པའི་དུས་ན་སངས
iiif viewer powered by OpenSeadragon
