| e-texts navigator |
| Wylie |
62b1 རྒྱལ་བུ་བླ་ན་མེད་པའི་བྱང་ཆུབ་མངོན་པར་སངས་རྒྱས་པ་ན། བདག་ནི་ཉེ་གནས་རྫུ་འཕྲུལ་གྱི་མཆོག་ཏུ་གྱུར་ཅིག་ཅེས་སྨྲས་ནས། རྒྱལ་བུ་ཁྲིད་དེ་འདུག་པའི་གནས་བསྟན་ཏོ། །དེ་ནས་དགེ་སློང་གིས་ཆོས་བཞིན་དུ་རྒྱལ་བུའི་སྐྲ་སླས་ནས་མདུད་པ་བོར་ནས། ཟས་སུ་ནི་ཤིང་གི་འབྲས
62b2 བུ་ཤིང་ཏོག་ཟ། སྐོམ་དུ་ནི་ཆུ་མིག་འཐུང་ངོ་། །དེ་ནས་རྒྱལ་བུས་ཤིང་དང་རྩཝ་བསྡུས་ཏེ། བདག་འདུག་པའི་རྩཝའི་སྤྱིལ་པོ་ཆུང་ངུ་མ་གཅིག་བྱས། བཙུན་མོ་མན་ཏེ་བུ་མིང་སྲིང་གཉིས་འདུག་པའི་སྤྱིལ་པོ་རེ་རེ་ཡང་བྱས་སོ། །དེའི་ཚེ་ན་ཁྱེའུའི་མིང་ནི་ཡ་རི་ཞེས་བྱ་སྟེ། ལོ་བདུན་ལོན་ནས
62b3 གོས་རང་གྱོན་ནུས་ཏེ། ཕའི་ཕྱི་བཞིན་དུ་འགྲོའོ། །བུ་མོའི་མིང་ནི་གེ་ནོ་ཡན་ཞེས་བྱ་སྟེ་ལོ་དྲུག་ལོན་པས། ཀྱི་པགས་པ་གྱོན་ཅིང་མའི་ཕྱི་བཞིན་འགྲོའོ། །རི་དེ་ལ་གནས་པའི་གཅན་གཟན་དང་། དང་། འདབ་ཆགས་བྱ་ལ་སོགས་པ་ཐམས་ཅད་ཀྱང་རབ་ཏུ
62b4 དགའ་ནས། རྒྱལ་བུ་ལ་རྟེན་ཅིང་གནས་སོ། །རྒྱལ་བུ་རི་དེ་ལ་ཕྱིན་ནས་ཞག་གཅིག་ལོན་པ་དང་། སྔོན་སྐམས་པའི་ཆུ་མིག་དང་། རྫིང་ཡང་ཆུས་གང་བར་གྱུར། སྐྱེད་ཤིང་སྐམས་པ་རྣམས་ཀྱང་ཐམས་ཅད་མེ་ཏོག་དང་འདབ་མ་སྐྱེས་པར་གྱུར་ཏེ། སྲིན་བུ་གདུག་པ་རྣམས་ཀྱང
62b5 མེད་པར་གྱུར་ནས། གཅན་གཟན་གཅིག་ལ་གཅིག་ཟ་བ་ཡང་སོ་སོ་ནས་རྩཝ་ལ་ཟ་བར་གྱུར། འབྲས་བུའི་ཤིང་རྣམས་ཀྱང་རྒྱས་ཤིང་བཟང་པོར་གྱུར། བྱ་སྣ་ཚོགས་སྙིང་རྗེའི་སྐད་ཀྱི་སྒྲ་སྐད་སྙན་པ་འབྱིན་པར་གྱུར་ཏོ། །བཙུན་མོ་མན་ཏེས་ནི་ཤིང་གི་འབྲས་བུ་དང་ཤིང་ཏོག་བརྔས
62b6 ཤིང་རྒྱལ་བུ་ལ་ཕུལ་ཏེ། སྲས་མིང་སྲིང་གཉིས་ཀྱང་སྙོད་དོ། །སྲས་བུ་མིང་སྲིང་གཉིས་ནི་སྐབས་སྐབས་སུ་ཕ་མ་གཉིས་དང་བྲལ་ཏེ། ཧ་ཅང་ཡང་མི་རིང་བའི་ཆུ་མིག་འགྲམ་དག་ཏུ་གཅན་གཟན་ནམ་དག་དང་ལྷན་ཅིག་རྩེ་སྟེ། བར་འགའ་ཞག་ལོན་པར་ཡང་རྩེའོ། །ཕྱིས
62b7 དུས་གཞན་ཞིག་ན་སྲས་ཁྱེའུ་ཡ་རི་སེང་གེ་ལ་ཞོན་པ་ལས། སེང་གེ་རྒལ་ནས་རྡབ་ཅིག་བསྣུན་པས་སྲས་བུའི་གདོང་པ་ཅུང་ཟད་སྣད་དེ་ཁྲག་བྱུང་བ་ལས། སྤྲེའུ་ཞིག་གིས་ཤིང་གི་ལོ་མ་བླངས་ཏེ་གདོང་གི་ཁྲག་ཕྱིས་ནས་ཆུ་འགྲམ་དུ་ཁྲིད་དེ་ཁྲག་བཀྲུས་པ་ཡང་རྒྱལ་བུས་རྒྱང་མ་ནས་མཐོང་ངོ་། །
iiif viewer powered by OpenSeadragon
