| e-texts navigator |
| Wylie |
60b1 སྐབས་སྐབས་སུ་རྒྱལ་པོ་ཆེན་པོ་ལ། ཅི་ནས་དཀར་པོའི་ཆོས་ཀྱིས་ཡུལ་གྱི་སྲིད་བདེ་ཞིང་འབངས་མང་པོ་གཏམས་ལས་མི་གཅད་པར་གྲོས་གདབ་པར་གསོལ་ལོ། །ཡུམ་གྱིས་རྒྱལ་བུ་འགྲོའོ་ཞེས་མཆི་ཕྱག་བྱས་པ་མཐོང་ནས་ལྷག་པར་མྱ་ངན་གྱིས་གདུངས་ཏེ་དྲུང་ན་འདུག་པ་ལ་འདི
60b2 སྐད་ཅེས་སྨྲས་སོ། །ཁོ་མོའི་ལུས་འདི་ནི་རྡོ་བ་ཡིན་པ་ལྟ། སྙིང་ནི་རྡོ་རྗེ་ཡིན་པ་ལྟ་སྟེ། བདག་གིས་རྒྱལ་པོ་ཆེན་པོའི་རིམ་གྲོ་བྱ་བ་ལ་སྐྱོན་མ་བྱུང་ན། ད་ཁོ་མོའི་བུ་གཅིག་པུ་འདི་དང་བྱེ་བྲལ་ཏེ། འགྲོ་ན་ཅིའི་ཕྱིར་ཁོ་མོའི་སྙིང་འདི་གས་ཏེ་ཤི་བར་མ་གྱུར། བུ་འདི་ཁོ་མོའི་ཁོང་པ་ན་འདུག་པ
60b3 ན་སྐྱེད་ཤིང་གི་འདབ་མ་ལྟར་ཉིན་མཚན་ཆེར་སྐྱེས་ཏེ། ད་སྐྱེད་རྫོགས་ནས་ཁོ་མོ་བོར་ཏེ་སོང་བས་ན། བཙུན་མོ་ཐམས་ཅད་ཀྱང་བདག་ལ་སྙིང་ཚིམ་མོ་ཞེས་བརྗོད་ལ་རྒྱལ་པོས་ཀྱང་བཀུར་བར་མི་འགྱུར་ན། གལ་ཏེ་ལྷ་རྣམས་ཀྱིས་བདག་གི་སྨོན་ལམ་བཞིན་མི་འགལ་བར་མཛད་ན་བདག་གི་བུ་ཕྱིར
60b4 ཡུལ་དུ་འཁོར་བར་ཤོག་ཅིག་ཅེས་སྨོན་ལམ་བཏབ་བོ། །དེ་ནས་རྒྱལ་བུ་བཙུན་མོ་དང་སྲས་གཉིས་དང་བཅས་ཏེ། ཡབ་དང་ཡུམ་ལ་མཆི་ཕྱག་བྱས་ཏེ་དོང་ངོ་། །དེའི་ཚེ་བཙུན་མོ་ཉི་ཁྲིས་ནི་སོ་སོ་ནས་མུ་ཏིག་གི་ཆུན་པོ་རེ་རེ་བརྫངས་སོ། །བློན་པོ་ཆེན་པོ་བཞི་སྟོང་གིས་ནི་རིན་པོ་ཆེ་སྣ་བདུན
60b5 ལས་བྱས་པའི་མེ་ཏོག་པད་མོ་རེ་རེ་རྒྱལ་བུ་ལ་བརྫངས་སོ། །དེ་ནས་རྒྱལ་བུ་ཕོ་བྲང་ནང་ནས་བྱུང་སྟེ་གྲོང་ཁྱེར་གྱི་བྱང་སྒོར་ཕྱིན་ནས། རིན་པོ་ཆེ་སྣ་བདུན་གྱི་མེ་ཏོག་དང་དོ་ཤལ་ཡང་རིལ་གྱིས་ཕྱོགས་བཞི་ནས་འདུས་པ་ལ་མ་ལུས་པར་བྱིན་ནོ། །ཡུལ་དེ་ན་གནས་པའི་མི་མང་པོ་ཁྲི་ཕྲག་དུ་མས
60b6 རྒྱལ་བུ་བསྐྱལ་ཏེ། དེ་དག་འདི་སྐད་ཅེས་གཏམ་དུ་བརྗོད་དོ། །རྒྱལ་བུ་འདི་ནི་ཤིན་ཏུ་དགེ་བ་ཡུལ་གྱི་ལྷ་གཉན་ལྟ་བུ་ཡིན་ན། ཅིའི་ཕྱིར་ཡབ་ཡུམ་གྱིས་སྲས་རིན་པོ་ཆེ་འདི་ལམ་རིང་དུ་སྤངས་ཤེས་མཐོང་བ་ཐམས་ཅད་ཀྱིས་ཕངས་སོ་ཞེས་སྨྲས་སོ། །དེའི་ཚེ་རྒྱལ་བུ་གྲོང་ཁྱེར་གྱི་ཕྱི་རོལ་དུ
60b7 སྐྱེད་ཤིང་གི་དྲུང་ན་འདུག་སྟེ། སྐྱེལ་བའི་མི་རྣམས་ལ་འདི་ནས་ཕྱིར་དེངས་ཤིག་ཅེས་སྤྲོ་བའི་ཚིག་སྨྲས་པ་དང་། སྐྱེལ་སྐྱེལ་བ་ཆེ་ཆུང་ཐམས་ཅད་མཆི་མ་བླགས་ཏེ་ངུས་ནས་ཕྱིར་དོང་ངོ་། །དེ་ནས་རྒྱལ་བུས་བཙུན་མོ་དང་སྲས་གཉིས་ཤིང་རྟའི་ནང་དུ་བཞག་ནས། རྒྱལ་བུ་ཉིད་ཀྱིས་ཤིང
iiif viewer powered by OpenSeadragon
