| e-texts navigator |
| Wylie |
60a1 ནི་ཅི་ལ་དགའ་བ་བཞིན་ཞིམ་པ་དང་མངར་བ་ལ་ཟ་ན། རི་ལ་ནི་སྟན་དུ་ནི་རྩཝ་འདིངས། ཟས་སུ་ནི་འབྲས་བུ་ཟ་ན། ཁྱོད་དེ་ལ་མོས་ཤིང་དགའ་བ་ཅི་ཞིག་ཡོད། དེ་མ་ཡིན་པ་གཞན་ཡང་རླུང་དང་ཆར་པ་དང་འབྲུག་དང་སེར་བ་ཆེ་ཞིང་བ་མོ་དང་ཟིལ་པས་མིའི་སྤུ་ཡང་ལངས་པ
60a2 ཙམ་དུ་གྲང་བའི་ཚེ་ན་ནི་གྲང་རབ་ལ་ཚ་བའི་ཚེ་ན་ནི་ཚ་རབ་སྟེ། ཤིང་གི་གསེབ་ན་འདུག་པའི་གནས་སུ་ཡང་མི་རུང་ན། ས་ལ་གཟེ་མ་དང་གསེག་མ་དང་རྡོ་བ་ཡང་མང་ཞིང་སྦྲུལ་གདུག་པ་ཡང་ཡོད་ན། ཁྱོད་དེ་ལྟ་བུ་དག་བཟོད་དམ། མན་ཏེས་སྨྲས་པ། བདག་ལ་མཉེན་ཞིང་འཇམ་པ་དང་གུར་དང
60a3 ཡོལ་བ་དང་མངར་བ་དང་ཞིམ་པས་ཅི་ཞིག་བགྱི། རྒྱལ་བུ་དང་བྲལ་ཞིང་སོ་སོར་མཆི་བ་བདག་མི་བཟོད་དེ། ནམ་དུ་ཡང་རྒྱལ་བུ་དང་མི་འབྲལ་ཞིང་ལྷན་ཅིག་འགྲོགས་པར་དགའོ། །རྒྱལ་པོའི་ཐོག་མར་འགྲོ་བ་ནི་རྒྱལ་མཚན། མེའི་ཐོག་མར་འགྲོ་བ་ནི་དུད་པ། ཆུང་མའི་ཐོག་མར
60a4 འགྲོ་བ་ནི་ཁྱིམ་ཐབ་ཡིན་པས་བདག་ནི་རྒྱལ་བུ་ལ་ཡིད་བརྟན་ཏེ་སྐྱབས་སུ་མཆིའོ། །རྒྱལ་བུ་ནི་བདག་གི་ལྷ་ལགས་ཏེ། རྒྱལ་བུས་ཕྱོགས་བཞི་ནས་འདུས་པ་ལ་སྦྱིན་པ་བྱིན་པའི་ཚེ། བདག་གིས་ཀྱང་རྒྱལ་བུའི་གྲོགས་བགྱིས་པས། ད་རྒྱལ་བུ་ལམ་རིང་དུ་འགྲོ་བ་ལས། གལ་ཏེ་ཕ
60a5 རོལ་པོ་སློང་བ་འོངས་ན་བདག་གིས་དེ་བཞིན་དུ་གྲོགས་བགྱི། རྒྱལ་བུས་སྦྱིན་པ་མཛད་ན་བདག་གི་སྲོག་ལ་བབ་ཀྱང་ཕྱིར་མི་ནུར་བས་ཐེ་ཙོམ་མི་མཛད་དུ་གསོལ། རྒྱལ་བུས་སྨྲས་པ། བདག་ནི་སྦྱིན་པ་ལ་དགའ་བས་ཕ་རོལ་གྱི་སེམས་མི་ཟློགས་ཏེ། ཕ་རོལ་པོས་བདག་ལ་གལ་ཏེ་བུའམ་ཁྱོད
60a6 ཉིད་སློང་བ་འོངས་ན་ཡང་བདག་གིས་མི་གཏོང་མི་ནུས་སོ། །ཅི་སྟེ་བདག་གིས་བསམས་པ་ཁྱོད་ཀྱིས་དེ་བཞིན་མ་བྱས་ན་ནི་བདག་གི་དགེ་བའི་སེམས་འཁྲུགས་པར་གྱུར་པས་འགྲོ་བར་མི་རིགས་སོ། །མན་ཏེས་སྨྲས་པ། རྒྱལ་བུས་སྦྱིན་པ་མཛད་པ་ནི་འཇིག་རྟེན་ན་གང་ཡང་འདི་འདྲ་བ་མེད་པས་ཡིད
60a7 བཞིན་དུ་སྦྱིན་པ་མཛད་དུ་གསོལ། རྒྱལ་བུས་སྨྲས་པ། ཁྱོད་དེ་ལྟར་ནུས་ན་ཤིན་ཏུ་ལེགས་སོ་ཞེས་རྒྱལ་བུ་དང་བཙུན་མོ་དང་སྲས་གཉིས་དང་བཅས་པ་འགྲོགས་ཏེ། ཡུམ་གང་ན་བ་དེར་སོང་ནས་ད་བདག་ཅག་མཆིའོ་ཞེས་མཆི་ཕྱག་བྱས་ནས་ཡུམ་ལ་འདི་སྐད་ཅེས་གསོལ་ཏོ། །ཡུམ་གྱིས
iiif viewer powered by OpenSeadragon
