| e-texts navigator |
| Wylie |
52b1 རྡལ་དང་། རྒྱལ་པོའི་ཕོ་བྲང་འཁོར་ཐམས་ཅད་ཀྱི་ཟས་ལ་སོགས་པ་བསྡུས་སོ། །བསྡུས་ནས་ཀྱང་གཅལ་ཞིང་བགྲངས་ལགས་སོ། །གཅལ་ཞིང་བགྲངས་ནས། གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར་ཐམས་ཅད་དུ་བང་བ་བགྱིས་ནས་སྩལ
52b2 ལགས་ཀྱིས། ཁྱོད་གང་གི་དུས་ཉིད་དགོངས་སམ། དེ་ནས་རྒྱལ་པོ་གསེར་མདོག་གིས་གྲངས་པ་དང་། རྩིས་པ་དང་ཡི་གེ་པའི་མི་རྣམས་བོས་ནས་འདི་སྐད་ཅེས་སྨྲས་སོ། །གྲོང་གི་གཙོ་བོ་དག་ཁྱེད་རྣམས་དེང་ལ། འཛམ་བུའི་གླིང་གི་མི་ཐམས་ཅད་གྲོངས་ཤིག་།ང
52b3 མན་ཆད་ལེགས་པར་གྲོངས་ལ། འཛམ་བུའི་གླིང་གི་མི་ཐམས་ཅད་ཀྱི་བཟའ་བ་ལེགས་པར་མཉམ་པར་བགོ་བར་གྱིས་ཤིག་།གྲངས་པ་དང་རྩིས་པ་དང་ཡི་གེ་པའི་མི་རྣམས་ཀྱིས་རྒྱལ་པོ་གསེར་མདོག་གི་ལྟར་མཉན་ནས། འཛམ་བུའི་གླིང་གི་མི་ཐམས་ཅད་ལེགས་པར
52b4 བགྲངས་སོ། །རྒྱལ་པོ་གསེར་མདོག་མན་ཆད་ལེགས་པར་བགྲངས་ནས། འཛམ་བུའི་གླིང་གི་མི་ཐམས་ཅད་ལ་བཟའ་བ་མཉམ་པར་འགེད་དོ། །ལོ་བཅུ་གཅིག་གི་བར་དུ་ནི་ཤི་བ་མེད་དོ། །ལོ་བཅུ་གཉིས་པ་བྱུང་བའི་ཚེ་ཟླ་བ་གཅིག་ལ་དེར་མང་དུ་སྐྱེས་པ་དང་བུད་མེད་དང
52b5 ཁྱེའུ་དང་བུ་མོ་རྣམས་བཀྲེས་པ་དང་སྐོམ་པས་ཤིའོ། །ལོ་བཅུ་གཉིས་པ་བྱུང་བའི་ཚེ། ཟླ་བ་ལྷག་མ་གཉིས་དང་། གསུམ་དང་། བཞི་དང་། ལྔ་དང་། བཅུ་གཅིག་གི་བར་དུ་དེར་མང་དུ་སྐྱེས་པ་དང་བུད་མེད་དང་ཁྱེའུ་དང་བུ་མོ་རྣམས་ཤི་བར་གྱུར་ཏོ། །དེའི་ཚེ་ན་འཛམ
52b6 བུའི་གླིང་གི་ཟས་ལ་སོགས་པ་ཐམས་ཅད་ཡོངས་སུ་ཟད་དེ། །གཞན་དུ་ན་རྒྱལ་པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་དོ། །དེའི་ཚེ་དུས་གཞན་ཞིག་ན། བསྐལ་པ་བཞི་བཅུར་སྤྱོད་པའི་བྱང་ཆུབ་སེམས་དཔའ་ཞིག་མི་མཇེད་ཀྱི་འཇིག་རྟེན་གྱི་ཁམས
52b7 འདིར་ཕྱིན་པར་གྱུར་ཏོ། །བྱང་ཆུབ་སེམས་དཔའ་དེས་གཞན་ཞིག་ཏུ། ནགས་ཁྲོད་ཞིག་ན། བུ་དང་མ་གཉིས་ཉལ་པོ་བྱེད་པ་ཞིག་མཐོང་ངོ་། །མཐོང་ནས་ཀྱང་འདི་སྙམ་དུ་གྱུར་ཏེ། ཨེ་མའོ་ཉོན་མོངས་སོ། །སེམས་ཅན་འདི་དག་ནི་ཉོན་མོངས་སོ། །གང་གི་ཚེ
iiif viewer powered by OpenSeadragon
