| e-texts navigator |
| Wylie |
52a1 བ་དང་། ལོ་ལེགས་པ་དང་། ཉམས་དགའ་ཞིང་སྐྱེ་བོ་དང་མི་མང་པོས་གང་བ་རྣམས་རིང་པོར་མི་ཐོགས་པ་ཉིད་དུ་སྟོང་ཞིང་མི་དང་འབྲལ་བར་འགྱུར་རོ། །དེ་ནས་རྒྱལ་པོ་གསེར་མདོག་ཡུད་ཙམ་ཞིག་མྱ་ངན་དང་སྨྲེ་སྔགས་འདོན་པ་སངས་ནས། འདི
52a2 སྙམ་དུ་གྱུར་ཏེ། གང་འདི་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་དེ་དག་ནི་འཚོ་བར་ནུས་ཀྱི། གང་འདི་དབུལ་ཞིང་ནོར་ཉུང་ལ་བཟའ་བཏུང་དང་། ལོངས་སྤྱོད་ཆུང་བ་དེ་དག་ནི། ཅི་ལྟར་བྱེད་ཅིག་གུ་།དེ་འདི་སྙམ་དུ་གྱུར་ཏེ། བདག་གིས་ངེས་པར་འཛམ་བུའི་གླིང་གི་ཟས
52a3 ལ་སོགས་པ་ཐམས་ཅད་བསྡུ་བར་བྱའོ། །ཟས་ལ་སོགས་པ་བསྡུས་ཏེ། གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར་ཐམས་ཅད་དུ་བང་བ་གཅིག་བརྩིག་པར་བྱའོ། །བང་བ་གཅིག་བརྩིགས་ཏེ། འཛམ་བུའི་གླིང་གི་མི་ཐམས་ཅད་བཟའ་བ་མཉམ་པར་བགོ
52a4 བར་བྱའོ་སྙམ་མོ། །དེ་ནས་རྒྱལ་པོ་གསེར་མདོག་གིས། རྩིས་པ་དང་། སྣ་ཆེན་པོ་ལ་གཏོགས་པ་དང་། བློན་པོ་དང་། སྒོ་བ་དང་། འཁོར་རྣམས་བོས་ཏེ། འདི་སྐད་ཅེས་སྨྲས་སོ། །གྲོང་གི་གཙོ་བོ་དག་ཁྱེད་རྣམས་དེང་ལ་འཛམ་བུའི་གླིང་གི་ཟས་ལ་སོགས་པ་ཐམས་ཅད་སྡུས
52a5 ཤིག་། ཟས་ལ་སོགས་པ་བསྡུས་ཏེ། གཅོལ་ལ་གྲོངས་ཤིག་།གཅལ་ཏེ་བགྲངས་ནས། གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར་ཐམས་ཅད་དུ་བང་བ་བཟང་པོ་གཅིག་རྩིགས་ཤིག་ཅེས་བསྒོའོ། །དེ་ནས་རྩིས་པ་དང་སྣ་ཆེན་པོ་ལ་གཏོགས་པ
52a6 དང་། བློན་པོ་དང་། སྒོ་བ་དང་། འཁོར་རྣམས་ཀྱིས་རྒྱལ་པོ་གསེར་མདོག་གི་ལྟར་མཉན་ནས། འཛམ་བུའི་གླིང་གི་ཟས་ལ་སོགས་པ་ཐམས་ཅད་བསྡུས་སོ། །ཟས་ལ་སོགས་པ་བསྡུས་ནས། གཅལ་བགྲངས་ཏེ། གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ
52a7 པོའི་ཕོ་བྲང་འཁོར་རྣམས་སུ་བང་བ་གཅིག་བྱས་ནས་བླུགས་སོ། །བང་བ་གཅིག་བྱས་ནས་བླུགས་ཏེ། རྒྱལ་པོ་གསེར་མདོག་ག་ལ་བ་དེར་སོང་སྟེ་ཕྱིན་ནས། རྒྱལ་པོ་གསེར་མདོག་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།གྲོང་དང་། གྲོང་ཁྱེར་དང་། གྲོང
iiif viewer powered by OpenSeadragon
