| e-texts navigator |
| Wylie |
209b1 དཀན་ཆེ་ཞིང་འགལ་བར་མི་བྱེད་པ་ལས་གྱོད་ལ་ཐོགས་པ་ཡང་མཆིས། ཕ་ནི་བྱམས་བུ་ནི་སྲི་ཞུ་ཆེ་སྟེ། གཙུག་ལག་གི་ཡི་གེ་དང་གཞུང་སྨོས་ཤིང་བཤད་པ་ཡང་མཆིས། སྤུན་མི་འཐུན་ནས་རྩོད་པ་ཡང་མཆིས། གནས་མཐོ་ཞིང་ཡོ་བྱད་རྣམ་པ་སྣ་ཚོགས་སུ་ལྡན
209b2 པ་ཡང་མཆིས། བདག་གི་ཁྱིམ་མེད་ལ་འདྲོན་ཐབས་སུ་གནས་པ་ཡང་མཆིས། བྱ་དང་། དང་། གཅན་གཟན་དང་འདྲ་བར་གནས་པ་ཡང་མཆིས། གོས་སུ་བལ་གོས་གྱོན་ཞིང་ཟས་སུ་ཤ་ཟ་ཞིང་ཡི་གེ་མི་ཤེས་པ་ཡང་མཆིས། མི་གཡོ་བར་འདུག
209b3 ཀྱང་སྐྱིད་ཅིང་ཡོན་ཏན་ཐོབ་པ་ཡང་མཆིས། གླ་ཟ་ཞིང་གནས་པ་ཡང་མཆིས། ཡིད་གཞུངས་ཤིང་ཁོང་གྲོལ་བ་ཡང་མཆིས། རྨོངས་ཤིང་བླུན་ལ་ངན་པ་ཡང་མཆིས། བཙལ་ཏེ་མ་རྙེད་པ་ཡང་མཆིས། མ་བཙལ་ཏེ་རྙེད་པ་ཡང་མཆིས། ཕྱུག་ཅིང་བཙན་ལ་ནོར
209b4 དང་ལྡན་ལ་སེར་སྣ་ཆེ་བ་ཡང་མཆིས། དབུལ་ལ་སྦྱིན་པ་ལ་སྲེད་པ་ཡང་མཆིས། ཚིག་སྨྲ་ན་བདེན་ཞིང་མཉེན་པར་ཟེར་བ་ཡང་མཆིས། ཚིག་སྨྲ་ན་གཟེར་བ་བཞིན་དུ་ཟུག་པ་ཡང་མཆིས། གཞན་གྱིས་བྱམས་ཤིང་བཀུར་བ་ཡང་མཆིས། ཀུན་གྱིས་སྤངས་ཤིང
209b5 བསྲིངས་པ་ཡང་མཆིས། སྙིང་རྗེའི་སེམས་ཀྱིས་སེམས་ཅན་གསོ་བ་ཡང་མཆིས། བག་མེད་པར་སྲོག་གཅོད་པ་ཡང་མཆིས། ཁོང་ཡངས་ཤིང་ཀུན་དང་འཐུན་པ་ཡང་མཆིས། ཀུན་གྱིས་མི་འདོད་པ་ཡང་མཆིས། མནའ་མ་དང་སྒྱུག་མོར་མི་འཐུན་པ་ཡང་མཆིས། ཚག
209b6 པ་མོ་དང་འཛའ་བ་ཡང་མཆིས། ལ་ལ་ནི་ཆོས་ཀྱི་གཏམ་ལ་དགའ་བ་ཡང་མཆིས། ལ་ལ་ནི་མདོ་སྡེ་ཐོས་ནས་གཉིད་བྲོ་བ་ཡང་མཆིས། ལ་ལ་ནི་བརྡལ་བག་ཅན་ལ་མཛངས་པ་ཡང་མཆིས། ལ་ལ་ནི་གཙུག་ལག་ཁང་ལ་དགའ་ཞིང་བསྒོམ་པ་ལ་འགྲུས། ལ་ལ
209b7 ནི་བྱོལ་སོང་གི་གཟུགས་དང་མཚུངས། ལ་ལ་ནི་རྣམ་པ་སྣ་ཚོགས་སུ་འགྱུར་བ་ཡང་མཆིས་ན། བཅོམ་ལྡན་འདས་ཀྱིས་རྒྱུ་དང་འབྲས་བུ་རྒྱས་པར་བཤད་ན་འཁོར་མང་པོ་ཀུན་གྱིས་ཐོས་ནས་སེམས་རྩེ་གཅིག་ཏུ་དགེ་བའི་རྗེས་སུ་ཕྱོགས་པར་འགྱུར་ལགས་སོ། །
iiif viewer powered by OpenSeadragon
