| e-texts navigator |
| Wylie |
310a1 སུ་འགྱུར་བ། ཆུང་ངུ་བྱེད་པ། སངས་རྒྱས་ལ་བསྙེན་པ། ལུས་དགེ་ཞིང་བདེ་བར་སྤྱོད་པ། བར་མ་དོར་མི་འཁྱམ་པ། ཆོས་ཇི་ལྟ་བུར་ཐོས་པའི་དོན་རྒྱས་པར་ཤེས་པ། མི་གཡོ་འཛིན་རབ་ཏུ་ཐོབ་པ། ཤེས་རབ་ཤིན་ཏུ་ཐོབ་པའོ། །སློང་བ་ལེགས་པ་བཅུ
310a2 ཐོབ་པར་འགྱུར་ཏེ། བཅུ་གང་ཞེ་ན། འགྲོ་བ་ལ་གོམས་པར་འགྱུར། གནས་ཀུན་རིང་བར་འགྱུར། ང་རྒྱལ་སྤངས་པར་འགྱུར། བདག་རང་ཁེ་དང་ལྡན་པར་འགྱུར། གཞན་བསོད་ནམས་ལ་བཀོད་པར་འགྱུར། བསྟན་པའི་ཆོས་རྒྱས་པར་འགྱུར། ཕྱིས་བྱུང་བ་རྣམས་ལ་སྣང་བར
310a3 བྱེད་པར་འགྱུར། ཐར་པར་ཞུགས་པའི་ཚུལ་ལས་མི་འགལ་བར་བྱེད་པར་འགྱུར། སྣང་བའི་སེམས་སུ་འགྱུར། དགེ་བའི་ཁྲིམས་ཚང་བའི་སེམས་སློངས་མོ་ལ་ཞུགས་པས་ཕྱོགས་གང་དུའང་མུན་པར་མི་འགྱུར་བ་ཡིན་ནོ། །ཐུབ་ཅིང་མི་འཇིགས་པས་ན་ལེགས་པ་བཅུ་ཐོབ་པར་འགྱུར་ཏེ།
310a4 བཅུ་གང་ཞེ་ན། མི་འཇིགས་བཞིན་དུ་གྲོང་དུ་འཇུག་པ། མི་འཇིགས་བཞིན་དུ་གྲོང་ནས་འབྱུང་བ། མི་འཇིགས་བཞིན་དུ་རིགས་པ་འཇུག་པ། མི་འཇིགས་བཞིན་དུ་འཁོར་ལ་ཆོས་འཆད་པ། མི་འཇིགས་བཞིན་དུ་དགེ་འདུན་གྱི་ནང་དུ་འཇུག་པ། མི་འཇིགས་བཞིན་དུ་མཁན
310a5 པོ་དང་སློབ་དཔོན་གྱི་ནང་དུ་འཇུག་པ། བྱམས་པའི་སྟོབས་རྣམས་ལ་སྦྱོང་བ། མི་འཇིགས་བཞིན་དུ་ཆོས་གོས་དང་། ཟས་དང་། མལ་སྟན་དང་། སྨན་དང་། གཡོག་ལ་སོགས་པ་རྣམས་སྤྱོད་པ། མི་འཇིགས་པར་ཁ་ཏོན་དང་། ཀློག་པ་དུས་ཟད་པའི་ཚེ་ཡང་མི་འཇིགས
310a6 པ་ཡིན་ནོ། །བཅོམ་ལྡན་འདས་ཀྱིས་དེ་སྐད་གསུངས་པ་དང་། ཏོའུ་ཏེ་ཡའི་བུ་ཤུ་ཀོ་མ་ན་བ་སྟན་ལས་ལངས་ཏེ་ཕྱོགས་གཅིག་ཏུ་འདུག་སྟེ། །པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན
310a7 འདས་དཀོན་མཆོག་གསུམ་ལ་ཕྱག་འཚལ་ཞིང་སྐྱབས་སུ་མཆིའོ། །དེང་ཕན་ཅད་བདག་གི་ནམ་དུ་ཡང་དགེ་བའི་བཤེས་གཉེན་མཛད་པར་དགོངས་སུ་གསོལ་ཞེས་གསོལ་ཏོ། །ལས་ཀྱི་རྣམ་པར་འགྱུར་བ་བམ་པོ་གཅིག་པ་རྫོགས་སོ།། །།
iiif viewer powered by OpenSeadragon
