| e-texts navigator |
| Wylie |
300b1 ངན་པ་དང་། ལུས་རྩུབ་པ་དང་། མི་སྡུག་པར་སྣང་བ་དང་། མཐོང་ན་ཡིད་དུ་མི་འོང་བའི་ལས་ཀྱང་ཡོད་དེ། མ་ན་བ་ཡང་འདི་ལྟ་སྟེ། མི་དགེ་བ་བཅུའི་ལས་ཀྱི་ལམ་བྱས་པའི་རྒྱུས་ཕྱི་རོལ་གྱི་ཡུལ་སའི་དོན་ངན་དུ་འགྱུར་བ་ཡང་ཡོད་དོ། །དེ་ལ་ཇི་ལྟར་ལས་ཀྱིས་ཚེ
300b2 ཐུང་བར་འགྱུར་ཞེ་ན། ཆོས་བཅུས་ན་ཚེ་ཐུང་བར་འགྱུར་ཞེ་ན། བཅུ་གང་ཞེ་ན། སྲོག་གཅོད་པ། སྲོག་གཅོད་དུ་བཅུག་པ། སྲོག་གཅོད་པ་ལ་སྟོད་པ། སྲོག་གཅོད་པ་ལ་སྨོན་པ། མངལ་གནས་མེད་པར་བྱེད་པ། མངལ་གནས་མེད་པར་བྱེད་དུ་བཅུག་པ། དགྲ་བོ
300b3 ལ་གསད་པར་སེམས་པ། མི་མཛའ་བ་ཤི་ན་དགའ་བ། རྟེན་བཅས་ཤིང་སེམས་ཅན་གསད་པ། ཐབ་མོ་ལ་ལྟ་ཞིང་དད་པ་དང་བཅུ་སྟེ། ཆོས་འདི་བཅུས་ན་ཚེ་ཐུང་ཞིང་ནད་མང་བར་འགྱུར་རོ། །ཇི་ལྟར་ལས་བཟང་པོ་བྱས་པས་ཚེ་རིང་པོར་འགྱུར་ཞེ་ན། ཆོས་རྣམ་པ
300b4 བཅུས་ན་ཚེ་རིང་པོར་འགྱུར་ཏེ། བཅུ་གང་ཞེ་ན། སྲོག་གཅོད་པ་སྤངས་པ། སྲོག་གཅོད་པ་སྤོང་བར་བྱེད་པ། སྲོག་གཅོད་པ་སྤངས་པ་ལ་སྟོད་པ། སྲོག་གཅོད་པ་སྤངས་པ་ལ་སྨོན་པ། གསད་པར་ཆད་པའི་སེམས་ཅན་རྣམས་གཏོང་བ། གསད་པར་ཆད་པའི་མི་རྣམས་གཏོང་བ།
300b5 འཇིགས་ཤིང་སྐྲག་པའི་སེམས་ཅན་རྣམས་ལ་སྐྱབས་བྱས་པ། མགོན་མེད་པའི་སེམས་ཅན་རྣམས་ལ་སྙིང་རྗེ་བར་སེམས་པ། ན་བའི་སེམས་ཅན་རྣམས་ལ་བྱམས་པས་སྡུད་པ། བྲེལ་ཞིང་ཕོངས་པའི་སེམས་ཅན་རྣམས་ལ་གོས་དང་། ཟས་སྐོམ་སྦྱིན་པ་དང་།
300b6 ཆོས་བཅུས་ན་ཚེ་རིང་ཞིང་ནད་མེད་པར་འགྱུར་རོ། །ཇི་ལྟར་ལས་ཀྱིས་ནད་མང་པོ་འགྱུར་ཞེ་ན། ཆོས་བཅུས་ན་ནད་མང་པོར་འགྱུར་ཏེ། བཅུ་གང་ཞེ་ན། དབྱུག་པ་དང་ཐལ་མོ་ལ་སོགས་པས་བཙོགས་པ་དང་། བྱུག་པ་དང་། ཐལ་མོ་ལ་སོགས་པས་འཚོག་ཏུ་བཅུག
300b7 པ་དང་། དབྱུག་པ་དང་ཐལ་མོ་ལ་སོགས་པས་འཚོག་པ་ལ་སྟོད་པ་དང་། དབྱུག་པ་དང་ཐལ་མོ་ལ་སོགས་པས་འཚོག་པ་ལ་སྨོན་པ། ཕ་མ་རྣམས་ཀྱི་སེམས་ཉོན་མོངས་པ། མྱ་ངན་བསྲིང་བ་རྣམས་ཀྱི་སེམས་ཉོན་མོངས་པ། མི་མཛའ་བ་རྣམས་ན་ན་དགའ་བ། མི
iiif viewer powered by OpenSeadragon
