| e-texts navigator |
| Wylie |
296b1 རིམ་གྲོ་བྱེད་པ་དང་ལྡན་པར་འགྱུར་བ་དང་། འཇིག་རྟེན་པ་རྣམས་འཁོར་ཞིང་འདུ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། དབང་ཆེ་བར་གྲགས་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ
296b2 དག་ནི་ཁྲི་སྟན་བྱིན་པའི་ཕན་ཡོན་ནོ། །ལྷམ་བྱིན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། དེ་བཞོན་པ་རྣམས་ཀྱིས་བྲེལ་བར་མི་འགྱུར་བ་དང་། རྐང་པ་ལེགས་པར་གནས་པར་འགྱུར་བ་དང་། ལམ་དུ་འགྲོ་ན་སྟོབས་དང་ལྡན་པར་འགྱུར་བ་དང་། དེའི་ལུས་ངལ་བར
296b3 མི་འགྱུར་བ་དང་། དེ་འགྲོ་ན་ཚེར་མ་དང་གསེག་མ་དང་གྱོ་མོ་རྣམས་ཀྱིས་རྐང་པ་སྣད་པར་མི་འགྱུར་བ་དང་། རྫུ་འཕྲུལ་ཐོབ་པར་འགྱུར་བ་དང་། དེ་ལ་རིམ་གྲོ་བྱེད་པ་དང་ལྡན་པར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ།
296b4 བཅུ་པོ་དེ་དག་ནི་ལྷམ་བྱིན་པའི་ཕན་ཡོན་ནོ། །སྣོད་སྤྱད་བྱིན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། འཇིག་རྟེན་གྱི་ཡོན་ཏན་གྱི་སྣོད་ལྟ་བུར་འགྱུར་བ་དང་། མདོག་སྣུམ་པར་འགྱུར་བ་དང་། སེམས་ཀྱི་རྒྱུད་མཉེན་པར་འགྱུར་བ་དང་། སྐོམ་པར་མི་འགྱུར་བ་དང་།
296b5 སྐོམ་ན་ཡང་ཆུ་འབྱུང་བར་འགྱུར་བ་དང་། སུ་སྐྱེ་བར་མི་འགྱུར་བ་དང་། ལྷ་དང་མི་རྣམས་དགའ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་སྣོད་སྤྱད་བྱིན
296b6 པའི་ཕན་ཡོན་ནོ། །ཁ་ཟས་སྦྱིན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། ཚེ་རིང་བར་འགྱུར་བ་དང་། མདོག་བཟང་བར་འགྱུར་བ་དང་། སྟོབས་དང་ལྡན་པར་འགྱུར་བ་དང་། དྲན་པ་དང་ལྡན་ཞིང་སྤོབས་པ་དང་ལྡན་པར་འགྱུར་བ་དང་། བག་ཚ་བ་མེད་པར་འཁོར་གྱི་ནང
296b7 དུ་འགྲོ་བ་དང་། འཁོར་འདུན་པར་འགྱུར་བ་དང་། ལྷ་དང་མི་རྣམས་དགའ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་ཁ་ཟས་བྱིན་པའི་ཕན་ཡོན་ནོ། །བཞོན
iiif viewer powered by OpenSeadragon
