| e-texts navigator |
| Wylie |
293b1 པར་འགྱུར་བ་དང་། དེའི་ལུས་ལས་ལྷ་རྣམས་འཕང་བ་དང་། མི་མ་ཡིན་པ་རྣམས་ཀྱིས་དེ་ལ་གླགས་རྙེད་པར་འགྱུར་བ་དང་། བདེན་པ་སྨྲས་ཀྱང་དེ་ལ་སུ་ཡང་ཡིད་ཆེས་པར་མི་འགྱུར་བ་དང་། སྨྲ་བར་འགྱུར་བ་དང་། ཡིད་ཆེས་པར་བྱ་བའི་གནས་རྣམས་སུ་མཁས
293b2 པ་རྣམས་དེ་ལ་དྲི་བར་བྱ་བར་མི་སེམས་པ་དང་། དེའི་བདེན་པ་མ་ཡིན་པ་བསྔགས་པ་དང་། བརྗོད་པ་དང་སྒྲ་དང་། ཚིགས་སུ་བཅད་པ་མ་ཡིན་པ་འབྱུང་བ་དང་། གཟུང་བའི་ཚིག་ཏུ་མི་འགྱུར་བ་དང་། སྐུར་པ་འདེབས་པའི་ལས་བྱེད་ཅིང་སོག་པ་དང་། ལུས་ཞིག་ནས་ཚེ་འཕོས
293b3 པའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བའོ། །འབྲུའི་ཆང་དང་སྦྱར་བའི་ཆང་བག་མེད་པའི་གནས་ལ། ཉེས་དམིགས་སུམ་ཅུ་རྩ་དྲུག་ཏུ་རིག་པར་བྱ་སྟེ། སུམ་ཅུ་རྩ་དྲུག་གང་ཞེ་ན། ཚེ་འདི་ལ་ནོར་ཟད་པ་དང་། ནད་ཀྱི་གཞིར
293b4 འགྱུར་བ་དང་། འཐབ་པ་དང་། མཚང་འདྲུ་བ་དང་། རྩོད་པ་འཕེལ་བ་དང་། སྦ་བའི་གནས་སྟོན་པ་དང་། མི་སྙན་པ་སྐྱེད་པ་དང་། ཤེས་རབ་ཉམས་པར་བྱེད་པ་དང་། མ་ཐོབ་པའི་ལོངས་སྤྱོད་རྣམས་མི་འཐོབ་པ་དང་། ལོངས་སྤྱོད་ཐོབ་པ་རྣམས་ལས་ཡོངས་སུ་ཉམས་པར
293b5 འགྱུར་བ་དང་། གསང་བ་རྣམས་སྨྲ་བ་དང་། ལས་སུ་བྱ་བ་རྣམས་ཡོངས་སུ་ཉམས་པ་དང་། མྱ་ངན་གྱི་རྩ་བར་འགྱུར་བ་དང་། ཉམ་ཆུང་བར་འགྱུར་བ་དང་། མར་མི་འཛིན་པར་འགྱུར་བ་དང་། ཕར་མི་འཛིན་པར་འགྱུར་བ་དང་། དགེ་སྦྱོང་དུ་མི་འཛིན་པར་འགྱུར་བ་དང་། བྲམ་ཟེར་མི
293b6 འཛིན་པར་འགྱུར་བ་དང་། རིགས་ཀྱི་གཙོ་བོ་ལ་རིམ་གྲོ་མེད་པར་འགྱུར་བ་དང་། སངས་རྒྱས་ལ་གུས་པར་མི་འགྱུར་བ་དང་། ཆོས་ལ་གུས་པར་མི་འགྱུར་བ་དང་། དགེ་འདུན་ལ་གུས་པར་མི་འགྱུར་བ་དང་། སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་། དགེ་བའི་བཤེས
293b7 གཉེན་གྱིས་རྣམ་པར་སྤངས་པ་དང་། ངོ་ཚ་མེད་པར་འགྱུར་བ་དང་། འཛེམ་པ་མེད་པར་འགྱུར་བ་དང་། དབང་པོའི་སྒོ་མ་བསྡམས་པར་འགྱུར་བ་དང་། བུད་མེད་རྣམས་ལ་ཤིན་ཏུ་བག་མེད་པར་འགྱུར་བ་དང་། སྐྱེ་བོ་མང་པོའི་ཡིད་དུ་མི་འོང་བར་འགྱུར་བ་དང་། སྐྱེ་བོ་མང་པོ་དང་མི
iiif viewer powered by OpenSeadragon
