| e-texts navigator |
| Wylie |
258b1 པའམ་བུད་མེད་གང་གིའང་རུང་། །དབྲོག་པར་མི་ཚུགས་ཚུལ་ཁྲིམས་སོ། །ལྷས་གསོལ་པ། འཇིག་རྟེན་འདི་ནི་གང་གིས་འཆིང་། །གང་གིས་འཇིག་རྟེན་རྣམ་པར་གྲོལ། །གང་ཞིག་རྣམ་པར་སྤངས་པས་ན། །མྱ་ངན་འདས་ཞེས་བགྱི་བར་བགྱི། །བཅོམ་ལྡན
258b2 འདས་ཀྱིས་བཀའ་སྩལ་པ། འདོད་པས་འཇིག་རྟེན་འཆིང་བར་བྱེད། །འདོད་པ་མེད་པས་རྣམ་པར་གྲོལ། །སྲེད་པ་རྣམ་པར་སྤངས་པས་ན། །མྱ་ངན་འདས་ཞེས་བརྗོད་པ་ཡིན། །ལྷས་གསོལ་པ། རླུང་དམར་གྱིས་ཀྱང་མི་ཤིགས་ཤིང་། །ཞུགས་ཀྱིས་མི་འཚིག
258b3 དེ་ཅི་ལགས། །དོག་ས་གཏམ་པར་བགྱིད་པ་ཡི། །ཆབ་ཀྱིས་མི་འདྲུལ་ཅི་ཞིག་ལགས། །བཅོམ་ལྡན་འདས་ཀྱིས་བཀའ་སྩལ་པ། རླུང་དམར་གྱིས་ཀྱང་མི་ཤིགས་ཤིང་། །མེས་ཀྱང་མི་འཚིག་བསོད་ནམས་ཡིན། །ས་རྣམས་ཁེབས་པར་བྱེད་པ་ཡི། །ཆུས
258b4 ཀྱང་མི་འདྲུལ་བསོད་ནམས་སོ། །ལྷས་གསོལ་པ། སུ་ཞིག་ཤིན་ཏུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་མཆིས། །ད་དུང་བདག་གི་དོགས་པ་འདི། །ཁྱོད་ཀྱིས་བསལ་བར་མཛད་པའི་རིགས། །བཅོམ་ལྡན་འདས་ཀྱིས་བཀའ་སྩལ་པ། །གང་གིས་ལོངས
258b5 སྤྱོད་ཡོད་བཞིན་དུ། །བསོད་ནམས་བསགས་པ་མ་བྱས་པ། །དེ་ནི་ཤིན་ཏུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་སོང་། །ལྷས་གསོལ་པ། འཇིགས་པ་ཀུན་ལས་འདས་གྱུར་ཅིང་། །རྒལ་བའི་འཇིག་རྟེན་མཐུ་ལྡན་པའི། །བྲམ་ཟེ་མྱ་ངན་ཡོངས་འདས
258b6 པར། །ཀྱེ་མ་བདག་གིས་རིང་ནས་མཐོང་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ལྷ་དེ་ཡི་རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྗེས་སུ་ཡི་རངས་ཏེ་དེ་ཉིད་དུ་མི་སྣང་བར་གྱུར་ཏོ། །ལྷའི་མདོ་རྫོགས་སོ།། །།
258b7 @#། །རྒྱ་གར་སྐད་དུ། ཨལྤ་དེ་བ་ཏཱ་སཱུ་ཏྲ། བོད་སྐད་དུ། ལྷའི་མདོ་ཉུང་ངུ་། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ
iiif viewer powered by OpenSeadragon
