| e-texts navigator |
| Wylie |
258a1 ལག་མཉེས་གཤིན་དེ་གང་ལགས། །བསམ་པ་སྡང་བའི་དགྲ་གང་ལགས། །སྡུག་བསྔལ་མི་བཟད་དེ་གང་ལགས། །མཆོག་ཏུ་བདེ་བ་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། རྩ་ལག་མཉེས་གཤིན་བསོད་ནམས་ཡིན། །
258a2 སྡིག་པ་བསམ་པ་སྡང་བའི་དགྲ། །དམྱལ་བའི་སྡུག་བསྔལ་མི་བཟད་པ། །ཕུང་པོ་མེད་པའི་བདེ་བའི་མཆོག་།ལྷས་གསོལ་པ། སྡུག་ལ་མི་ཕན་དེ་གང་ལགས། །ཕན་ཡང་མི་སྡུག་གང་ཞིག་ལགས། །གནོད་པ་བགྱིད་པའི་ནད་གང་ལགས། །སྨན་པའི
258a3 མཆོག་གཅིག་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། འདོད་པ་སྡུག་ཀྱང་མི་ཕན་པ། །ཐར་པ་ཕན་ལ་མི་སྡུག་པ། །འདོད་ཆགས་གནོད་པ་མེད་པའི་ནད། །སྨན་པའི་མཆོག་གཅིག་སངས་རྒྱས་ཡིན། །ལྷས་གསོལ་པ། གང་གིས
258a4 འཇིག་རྟེན་འདི་བསྒྲིབས་ལགས། །གང་གིས་འཇིག་རྟེན་དབང་དུ་བགྱིས། །གང་གིས་མཛའ་བཤེས་འབྱེད་པར་བགྱིད། །གང་གིས་མཐོ་རིས་མཆི་མི་འགྱུར། བཅོམ་ལྡན་འདས་ཀྱིས་བཀའ་སྩལ་པ། མི་ཤེས་པས་ནི་འཇིག་རྟེན་བསྒྲིབས། །གཏི་མུག་གིས་ནི
258a5 དབང་དུ་བྱས། །ཞེན་པས་མཛའ་བཤེས་འབྱེད་པར་བྱེད། །ཆགས་པས་མཐོ་རིས་འགྲོ་མི་འགྱུར། །ལྷས་གསོལ་པ། གང་གིས་མཛའ་བཤེས་འཕེལ་བར་འགྱུར། །གང་གིས་དགྲ་རྣམས་ཞི་བར་བགྱིད། །གང་གིས་མཐོ་རིས་འཐོབ་པར་བགྱིད། །གང་གིས་ཐར
258a6 པར་འགྲོ་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གཏོང་བས་མཛའ་བཤེས་འཕེལ་བར་འགྱུར། །བྱམས་པས་དགྲ་རྣམས་ཞི་བར་བྱེད། །ཚུལ་ཁྲིམས་ཀྱིས་ནི་མཐོ་རིས་ཐོབ། །ཤེས་པས་ཐར་པར་འགྲོ་བར་འགྱུར། །ལྷས་གསོལ་པ། རྒྱལ
258a7 པོ་དང་ནི་ཆོམ་རྐུན་གྱིས། །ཤིན་ཏུ་བསྒྲིམ་པ་བགྱིས་གྱུར་ན། །སྐྱེས་པའམ་བུད་མེད་གང་གིའང་རུང་། །དབྲོག་པར་མི་ཚུགས་ཅི་ཞིག་ལགས། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་དང་ནི་ཆོམ་རྐུན་གྱིས། །ཤིན་ཏུ་བསྒྲིམ་པ་བྱས་གྱུར་ཀྱང་། །སྐྱེས
iiif viewer powered by OpenSeadragon
