| e-texts navigator |
| Wylie |
208b1 འདིར་ནི་ཆོས་སྲུང་ངོ་། །ཆོས་སྤྱོད་པ་ལ་འཇིགས་སྐྲག་མེད་པ་ཉིད། །ཆོས་སྤྱོད་པ་དག་ངན་འགྲོར་མི་འགྲོ་སྟེ། །ཆོས་སྤྱོད་པ་ནི་འདོད་པའི་འགྲོ་བར་འགྲོ། །ཆོས་མི་སྤྱོད་པ་ཤི་ནས་གདུང་བར་འགྱུར། །མཁས་པ་ནོར་རྙེད་དགའ་བར་མི་འགྱུར་ལ། །ནོར་ཟད་ན་ཡང་བློ་གྲོས་མི་འཁྱིམ་པར། །
208b2 འཇིག་རྟེན་དག་ན་ཅི་དགར་ལེགས་རྒྱུ་བ། །སེམས་ཅན་ནང་ན་མི་ཡི་སྙིང་པོར་ཆུད། །གང་ཞིག་དགའ་བས་གཞན་ལ་ནོར་སྦྱིན་ཞིང་། །ང་རྒྱལ་འཚེ་བ་རྣམ་སྤངས་བདེན་ལ་གནས། །རྒྱ་མཚོ་འདྲ་བའི་སེམས་ལྡན་དེ་དག་ནི། །དཔའ་བོ་རྟུལ་ཕོད་ཡ་རབས་ཐབས་ལྡན་ཡིན། །གང་ཞིག་དེ
208b3 དང་དེ་ལ་ལེགས་བསླབས་པས། །དོན་རྣམས་ཀུན་ལ་མཁས་པར་གྱུར་པ་དང་། །དེས་ལ་འགྲོགས་ན་བདེ་བ་དེ་དག་ནི། །དམ་པས་ལེགས་པ་ཡིན་ཞེས་བསྔགས་པ་མཛད། །ཉེ་རྔས་སྨྲས་པ། རྔ་ཁྱོད་ལ་ནི་ཕྱི་ཕྱིར་ཞིང་། །འདི་བདག་ནི་རབ་ཏུ་དད། །བདག་གི་ལུས
208b4 འདི་བསྐམས་པའམ། །ཡང་ན་སེམས་ནི་མེད་ཀྱང་སླ། །སྡུག་བསྔལ་ཤིན་ཏུ་མི་བཟད་པར། །ལྷུང་ཡང་ཕྱིན་ཆད་སྡིག་མི་བགྱིད། །ཚུལ་ཁྲིམས་ཉམས་པ་གསོན་པ་བས། །ཚུལ་ཁྲིམས་ལྡན་པ་ཤི་ཡང་སླ། །སྐྱེ་བ་གཅིག་ཏུ་འདི་ཡི་ཕྱིར། །ཇི་ལྟ་བུར་ནི་མི་ཟད་སྦྱང་། །བཅོམ་ལྡན
208b5 འདས་ཀྱིས་བཀའ་སྩལ་པ། །སྔོན་ཚེ་གང་དུ་རབ་གནས་ཤིང་། །དེ་དང་དེར་ནི་སྐྱེས་པ་ན། །མི་དགེའི་གྲོགས་དང་འགྲོགས་པ་ཡིས། །ང་ཡི་མི་དགེ་ལས་རྣམས་བྱས། །དགེ་བའི་བཤེས་དང་ཕྲད་པ་ན། །མི་དགེའི་ལས་རྣམས་སྤངས་པ་ཡིས། །བདག་གིས་མི་དགེའི་ལས་རྣམས་བསལ། །
208b6 བཅོམ་ལྡན་དེ་བཞིན་གཤེགས་པ་ཡིས། །སྔོན་གྱི་གནས་རྣམས་མངོན་མཁྱེན་ནས། །དེ་ཕྱིར་དགེ་སློང་རྣམས་ལ་ནི། །ཐུབ་པས་ལུང་ཡང་བསྟན་པར་མཛད། །སྔོན་ཚེ་ང་ནི་རྔར་གྱུར་ཏེ། །ཀུན་དགའ་བོ་ནི་ཉེ་རྔ་ཡིན། །ལྷ་སྦྱིན་རྔ་སྒྲར་གྱུར་ཏོ་ཞེས། །སྐྱེས་རབས་དེ་ལྟར་གཟུང་བར་གྱིས། །
208b7 ཆོས་རྣམས་སྡུད་པར་བྱེད་པ་ཡི། །དོན་རྒྱས་མདོ་སྡེ་འདི་ཐོས་ནས། །དགེ་སློང་ཐམས་ཅད་གུས་བཅས་པར། །ཆོས་ལ་སྤྱད་པ་ཉིད་དུ་གྱིས། །ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ་རྫོགས་སོ།། །།
iiif viewer powered by OpenSeadragon
