| e-texts navigator |
| Wylie |
208a1 ཚེ་མཁས་པ་མྱུར་དུ་ཡུལ་གཞན་སོང་། །གང་ན་མི་རྣམས་འཚོ་བར་བྱེད་གྱུར་ནས། །ཕན་ཚུན་གནོད་ལ་འབེབས་པར་དགའ་བ་དང་། །ལུས་དང་ངག་ཡིད་སྡོམ་པ་མེད་གྱུར་པ། །དེ་ཚེ་མཁས་པ་མྱུར་དུ་ཡུལ་གཞན་སོང་། །གང་ན་མི
208a2 རྣམས་ཕྲག་དོག་བྱེད་གྱུར་ནས། །གཞན་གྱི་རྙེད་ལ་རྟག་ཏུ་མི་བཟོད་ཅིང་། །སྡང་བའི་བསམ་པས་རྣམ་རྨོངས་ཚུལ་འཆོས་པ། །དེ་ཚེ་བདག་འདོད་ཡུལ་གཞན་འགྲོ་བར་གྱིས། །གང་ན་མི་རྣམས་སྡིག་བྱེད་འདོད་གྱུར་ནས། །བཀུར་སྟི་འདོད་ཅིང
208a3 ཚུལ་འཆོས་གཡོ་སྒྱུ་བྱེད། །ནང་ཡང་མ་དག་ཕྱི་ཡང་མ་དག་པ། །དེ་ཚེ་བདག་འདོད་ཡུལ་གཞན་འགྲོ་བར་གྱིས། །གང་ན་མི་རྣམས་ཞེ་ས་མེད་གྱུར་ནས། །ཡ་རབས་ཚུལ་མེད་ཁེངས་ཤིང་ང་རྒྱལ་ལ་ལྡན། །བྱིས་པས་མཁས་པ་རྟག་ཏུ་བརྙས་བྱེད་པ། །དེ་ཚེ
208a4 བདག་འདོད་ཡུལ་གཞན་འགྲོ་བར་གྱིས། །གང་དང་གང་དུ་བཟའ་བཏུང་དང་། །གང་དུ་གོས་རྣམས་རྙེད་པ་དང་། །གང་དུ་འཚོ་བ་དེར་སོང་ལ། །ཆགས་འགྱུར་གནས་སུ་མ་འདུག་ཅིག་།ལན་འགའ་རྩོད་འགྱུར་སྲེད་པ་གང་ཡིན་སྤོངས། །རྟག་ཁེངས
208a5 མཆོད་མེད་ང་རྒྱལ་གང་ཡིན་སྤོངས། །འབྲས་བུ་ངན་པའི་ཁྲོ་བ་གང་ཡིན་སྤོངས། །ཕོངས་དུས་མི་ལྟའི་གྲོགས་པོ་གང་ཡིན་སྤོངས། །མེ་ཡིས་གང་བའི་ལམ་འདྲའི་མ་རིག་སྤོངས། །བྱས་གཟོ་མེད་པའི་གཉེན་འདྲའི་འདོད་ཆགས་སྤོངས། །མཆེ་བ་མི་བཟད་ཀླུ་འདྲའི
208a6 ཆགས་པ་སྤོངས། །དགྲ་བོ་མཚོན་ཐོགས་ལྟ་བུའི་སྡུག་བསྔལ་སྤོངས། །ཀླུ་མོ་ལྟ་བུ་མི་བཟད་ཆུང་མ་སྤོངས། །མགོ་ལ་མེ་འབར་ལྟ་བུའི་བུ་རྣམས་ཐོང་། །འགོ་བའི་ནད་བཅས་ལྟ་བུའི་ཁྱིམ་རྣམས་ཐོང་། །བཏུང་བ་དུག་ཆེན་ལྟ་བུའི་འདོད་པ་ཐོང་། །ཁྱིམ་གྱི་ཕྱིར་ནི
208a7 གཅིག་བཏང་སྟེ། །གྲོང་ཁྱེར་དོན་དུ་ཁྱིམ་བཏང་ངོ་། །ལྗོངས་ཀྱི་ཕྱིར་ནི་གྲོང་ཁྱེར་ཏེ། །བདག་གི་དོན་དུ་ས་བཏང་ངོ་། །མི་ཡི་ཡན་ལག་ཕྱིར་ནི་ནོར་བཏང་ཞིང་། །སྲོག་གི་དོན་དུ་ཡན་ལག་གཏང་བར་བྱ། །ནོར་དང་ཡན་ལག་རྣམས་དང་དེ་བཞིན་སྲོག་།ཐམས་ཅད་བཏང་གི
iiif viewer powered by OpenSeadragon
