| e-texts navigator |
| Wylie |
207b1 བས། །བཟོད་མེད་རྣམས་ལའང་བཟོད་པར་བྱས་ན་ལེགས། །ཁྲོས་པ་རྣམས་ལ་རྟག་ཏུ་དང་བ་དང་། །གཞན་གྱི་སྐྱོན་རྣམས་རྟག་ཏུ་བཅབ་པར་གྱིས། །གཙོ་བོ་རྣམས་ཀྱི་ཚིག་ནི་འཇིགས་ཕྱིར་དང་། །འཐབ་ཟླའི་ཚིག་དག་འཐབ་གཅུགས་གྱུར་ཕྱིར་བཟོད། །གང
207b2 ཞིག་འོག་མའི་ཚིག་དག་བཟོད་བྱེད་པ། །དེ་ནི་བཟོད་པའི་མཆོག་ཅེས་དམ་པས་གསུངས། །གཤེ་དང་གྱ་ཚོམ་སྨྲ་བ་དང་། །ཚིག་ངན་སྨྲ་བར་བྱེད་པ་ལ། །བློ་གྲོས་ཆུང་ངུ་མི་བཟོད་དེ། །པད་མ་ལ་ནི་རྡོ་ཆར་བཞིན། །གཤེ་དང་གྱ་ཚོམ་སྨྲ་བ་དང་། །ཚིག
207b3 ངན་སྨྲ་བར་བྱེད་པ་ལ། །མཁས་པ་ཤིན་ཏུ་བཟོད་བྱེད་དེ། །གླང་ཆེན་མེ་ཏོག་ཆར་པ་བཞིན། །ཁྲོ་བ་དང་ནི་དག་དང་། །ཚིག་ངན་སྨྲ་བར་བྱེད་པ་ལ། །མཁས་པ་ཤེས་རབ་ལྡན་གྱུར་པ། །གང་ཡིན་དེ་ནི་ཐམས་ཅད་བཟོད། །རྡོ་བ་བསྲེགས
207b4 ཀྱང་འཇུ་མི་འགྱུར། །ཆར་པ་བབ་ཀྱང་འཇིག་པ་མེད། །དེ་བཞིན་བདེ་དང་སྡུག་བསྔལ་གྱིས། །མཁས་པ་ཉམས་པར་འགྱུར་བ་མེད། །གང་ཞིག་བདེན་པས་གཤེ་བྱེད་པ། །དེ་ལ་མཁས་པས་བཟོད་པར་བྱེད། །བདེན་པ་མ་ཡིན་པ་ཡང
207b5 བཟོད། །དེ་ལས་གཞན་པ་བསྟན་དུ་མེད། །འདི་ལྟར་སྐྱེས་བུ་མཁས་པ་ནོར་གྱི་ཕྱིར། །སྡུག་བསྔལ་བཟོད་བྱ་བཟོད་པར་འགྱུར་བར་བར་བྱ། །གལ་ཏེ་མི་བཟོད་མྱ་ངན་རྣམ་སྤངས་ཏེ། །གཞན་དུ་སོང་ན་སྟོང་ཕྲག་རྙེད་དང་འདྲ། །ཡལ་ག
207b6 སྙེགས་ལ་འཇུ་བར་མི་བྱ་ཞིང་། །ཆགས་བྲལ་སེམས་ལ་ཆགས་པར་མི་བྱ་སྟེ། །བཟང་ཞིང་སྡུག་པས་ས་སྟེང་གང་བས་ན། །འཇིག་རྟེན་ཡངས་པ་གཞན་དུ་འགྲོར་ཟད་མོད། །གང་ན་བརྙས་བྱེད་བཀུར་སྟི་མི་བྱེད་དང་། །སྨོད་པར་བྱེད་ཅིང་སྟོད
207b7 པར་མི་བྱེད་ན། །མཁས་དང་བླུན་འགྲོགས་ཆེད་ཀ་མི་ཆེ་བས། །རང་རྒྱལ་བཞིན་དུ་མ་སྨྲ་དེ་འགྲོ་རིགས། །གང་ན་སྐྱེས་བུ་འཐབ་ལ་དགའ་གྱུར་ནས། །གཡོ་སྒྱུའི་བསམ་ལྡན་རྟག་ཏུ་གླགས་ཀྱང་བྱེད། །ཀྱལ་པ་དབྱེན་ཚིག་རྩུབ་སྨྲ་བྱེད་པ། །དེ
iiif viewer powered by OpenSeadragon
