| e-texts navigator |
| Wylie |
206a1 ཡིན་དེ་དག་རང་གི་མི། །མི་མཆོག་རྣམས་ནི་བརྙས་ཐབས་བྱས་པའི་ཚེ། །ཆུང་མ་སྡུག་དང་ལོངས་སྤྱོད་རྒྱ་ཆེན་གཏོང་། །ངན་པ་རྣམས་ནི་དེ་ནའང་ཡོངས་སུ་འཁྱམ། །བརྙས་ཐབས་བྱས་པ་དེ་ཡང་ཆུ་བཞིན་འཐུང་། །དར་བ་རྙེད་པ་དགའ་བ་སྟེ། །རྒུད་པ་མོད་པ་ཡིན
206a2 པའི་ཕྱིར། །སེམས་ཅན་དམས་པར་གྱུར་པའི་ཚེ། །ཁ་རོག་འདུག་དང་བདེ་བ་འཐོབ། །གལ་ཏེ་ནོར་མེད་ཕྱོགས་ཉུང་ངམ། །མཛའ་བཤེས་ཕྱོགས་ཀྱི་སྟོབས་ཆུང་ངམ། །དགྲ་བོ་ཕྱོགས་ཀྱི་སྟོབས་ལྡན་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་ཆོས་མིན
206a3 བྱེད་པ་དང་། །འདོད་པའི་ལོངས་སྤྱོད་མངོན་དགའ་ཞིང་། །དད་ཆུང་ངོ་ཚ་མེད་པའི་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་ཁྲོ་བར་བྱེད་པ་དང་། །གནོད་སེམས་མང་པོར་གྱུར་པ་དང་། །གཞན་ལའང་གདུག་པའི་ཚུལ་ལྡན་ཚེ། །ཁ་རོག་འདུག་དང་བདེ་བ་འཐོབ། །
206a4 མི་རྣམས་དད་པ་མེད་པ་དང་། །ཁྭ་བཞིན་མུ་ཅོར་སྨྲ་བ་དང་། །སྒྱུ་དང་གཡོ་དག་བྱེད་པའི་ཚེ། །ཁ་རོག་འདུག་དང་བདེ་བ་འཐོབ། །མི་རྣམས་ཚུལ་ཁྲིམས་འཆལ་པ་དང་། །གཏུམ་ཞིང་གཟུ་ལུམས་བྱེད་པ་དང་། །བདེན་པའི་ཆོས་དང་མི་ལྡན་ཚེ། །ཁ་རོག་འདུག་དང་བདེ་བ
206a5 འཐོབ། །མི་རྣམས་ངང་ཚུལ་ངན་པ་དང་། །ལོག་པའི་ལྟ་བས་བཅོམ་པ་དང་། །གཏུམ་ཞིང་སྡང་བར་གྱུར་པའི་ཚེ། །ཁ་རོག་འདུག་དང་བདེ་བ་འཐོབ། །ངོ་ཚ་མེད་ཅིང་དུ་སྨྲ། །དོན་མེད་ཕྲ་མ་ཚིག་རྩུབ་དང་། །དབྱེན་དང་ཁྱལ་པ་སྨྲ་བའི་ཚེ། །ཁ་རོག་འདུག་དང་བདེ་བ་འཐོབ། །ཡ
206a6 རབས་ཚུལ་མེད་ཤིན་ཏུ་ཁེངས། །ང་རྒྱལ་གྱིས་ནི་འགྱིང་བ་དང་། །ཕྲག་དོག་བརྐམ་དང་ཚུལ་ཉམས་ཚེ། །ཁ་རོག་འདུག་དང་བདེ་བ་འཐོབ། །གང་ཚེ་མི་ཡི་རུས་རྣམས་དང་། །རིགས་རྣམས་ཤེས་པ་མ་ཡིན་པའི། །མི་དང་ལྷན་ཅིག་འདུག་པ་ན། །དེ་ཚེ་ང་རྒྱལ་བྱར་མི་རུང་། །གཞན
206a7 གྱི་ཡུལ་ན་འདུག་པ་དང་། །གཞན་གྱི་འཚོ་བས་འཚོ་བའི་ཚེ། །ཡུལ་གྱི་ཕྱིར་དང་བདེ་བའི་ཕྱིར། །གཞན་གྱིས་བརྙས་པ་དེ་བཟོད་བྱ། །གཞན་གྱི་ཡུལ་ན་གནས་པ་དང་། །གཞན་གྱི་འཚོ་བས་འཚོ་བའི་ཚེ། །སྡང་བས་འཁྲུག་པར་གྱུར་པ་ན། །གཞན་གྱིས་བརྙས་པ་དེ་བཟོད་བྱ། །
iiif viewer powered by OpenSeadragon
