| e-texts navigator |
| Wylie |
205a1 སྤུན་དྲུང་གྱུར་པ་ཡི། །ཀླུ་ཡི་རྒྱལ་པོ་གཉིས་བྱུང་བ། །གཅིག་གི་མིང་ནི་རྔ་ཞེས་བྱ། །གཉིས་པ་ཉེ་རྔ་ཞེས་བྱའོ། །གཉིས་ཀ་སྲོག་གཅོད་ལས་ལྡོག་ཅིང་། །ཚུལ་ཁྲིམས་ལྡན་ཞིང་དབང་ཆེན་གྲགས། །ཀླུ་ཡི་སྐྱེ་གནས་ལ་སྨོད་ཅིང་། །མི་ཡི་སྲིད་པ་འདོད་པར
205a2 གྱུར། །ཚུལ་ལྡན་མང་དུ་ཐོས་པ་ཡི། །དགེ་སྦྱོང་བྲམ་ཟེ་མཐོང་བ་དང་། །མི་ཡི་ཚུལ་དུ་བསྒྱུར་ནས་ནི། །བསྙེན་བཀུར་དག་ཀྱང་བྱེད་པར་འགྱུར། །ཟླ་བ་ཕྱེད་དང་ཚེས་བརྒྱད་དང་། །བཅུ་བཞི་བཅོ་ལྔ་གང་ཡིན་པ། །དེ་ལ་ཡན་ལག་བརྒྱད་པ་ཡི། །གསོ་སྦྱོང་ལ་ནི་ལེགས་མཉམ
205a3 འཇོག་། དེ་གཉིས་སྔོན་གྱི་གནས་སྤངས་ནས། །ཡུལ་གཞན་ཞིག་ཏུ་ཕྱིན་པ་དང་། །དེ་དང་ཉེ་བའི་གནས་དེ་ན། །རྔ་སྒྲ་ཞེས་བྱའི་ཀླུ་གནས་སོ། །ཀླུ་ཡི་སྐྱེས་མཆོག་སྤུན་གཉིས་པོ། །དེ་གཉིས་འོང་བར་དེས་ཤེས་ནས། །ཁེངས་ཤིང་ཁྲོས་པའི་ཡིད་ཀྱིས་སུ། །དུ་བ་ཅན་གྱི་དབུགས
205a4 འབྱིན་ཅིང་། །ཁྱེད་གཉིས་ཆོས་སྤྱོད་མ་ཡིན་ཏེ། །གཡོན་ཅན་ཚུལ་ངན་འཆོས་པའོ་ཞེས། །རྔ་སྒྲས་ཚིག་ནི་རྩུབ་མོ་ཡིས། །ཡང་དང་ཡང་དུ་སྐྲོད་པར་བྱེད། །དམན་པས་བསྐྲད་པ་ཐོས་པ་དང་། །ཉེ་རྔ་རབ་ཏུ་ཁྲོས་གྱུར་ཏེ། །དེ་ཚེ་ཕུ་བོ་རྔ་ལ་ནི། །ཚིག་རྣམས་ཀྱིས་ནི་གོ་བྱས་པ། །ཀྱེ་རྔ་མི་ཡི
205a5 འཇིག་རྟེན་དག་འདི་ན། །ཚིག་ངན་མངོན་དུ་སྨྲ་བས་གདུང་བྱེད་ཅིང་། །སྦལ་ཟན་ཆུ་ཡི་འགྲམ་ན་སྐྱེས་པ་ཡིས། །མཆེ་བ་གདུག་པས་བདག་ཅག་སྐྲོད་པར་བྱེད། །འདི་ནི་ཆུ་ནང་དུད་འགྲོ་རྣམས་ལ་འཚེ། །ཐང་ལ་མི་རྣམས་ལ་ཡང་འཚེ་བར་བྱེད། །གཙོ་བོ་གལ་ཏེ་བདག་ལ་བཟོད་མཆིས
205a6 ཀྱང་། །ཚིག་ངན་སྨྲ་ལ་ཡིད་ནི་བཟོད་མི་ནུས། །དེང་ནི་འདི་ཡི་གྲོང་ཁྱེར་དང་། །ཕོ་བྲང་གཉེན་འདུན་བཅས་བརླག་སྟེ། །རྔ་སྒྲ་གཏན་ནས་བླངས་ནས་སུ། །འདི་ནས་བདག་ཅག་འདོང་བར་བྱ། །ཀླུ་ཡི་རྒྱལ་པོ་སྟོབས་པོ་ཆེ། །དེ་ཡིས་ནུ་བོའི་ཚིག་ཐོས་ནས། །ཡིད་ལ་འབབ་པར་བྱེད་པ
205a7 ཡི། །ཚིགས་བཅད་འདི་སྐད་སྨྲས་ཏེ་བསྒོ། །གང་གིས་ཁྱིམ་དུ་ཉིན་ཞག་འགའ་གནས་ཤིང་། །བཟའ་དང་བཏུང་བ་ལེགས་པར་བླངས་གྱུར་པ། །དེ་ལ་ཡིད་ཀྱིས་གནོད་པར་མི་བསམ་སྟེ། །བྱས་པ་གཟོ་བ་སྐྱེས་བུ་དམ་པས་བསྔགས། །ལྗོན་ཤིང་གང་གི་གྲིབ་མ་ཡིས། །ཡུད་ཙམ
iiif viewer powered by OpenSeadragon
