| e-texts navigator |
| Wylie |
193a1 བའམ། སྤྱོད་ཡུལ་ལ་གུས་པའམ། མདོར་བསྟན་པའམ། དམིགས་ཀྱིས་བསལ་བའམ། ཀུན་ཏུ་སྐྱོ་བ་མང་བའམ། བླ་མ་ལ་རྟེན་པའམ། ཡང་དག་པའི་སྦྱོར་བ་ཡིད་ལ་བྱེད་པའི་སེམས་མྱུར་བ་མྱུར་བར་ཡང་དག་པར་གནས་སོ། །དེ་དབུགས་རྔུབ་པ
193a2 དང་འབྱུང་བ་དྲན་པ་སྒོམ་པའི་སེམས་མྱུར་བ་མྱུར་བར་ཡང་དག་པར་གནས་སོ། །དེ་དྲན་པ་ཉེ་བར་གཞག་པ་རྣམས་སྒོམ་པའི་སེམས་མྱུར་བ་མྱུར་བར་ཡང་དག་པར་གནས་སོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག
193a3 ཉིད་ཀྱི་བར་དུ་གཅོད་པ་ནི་བཅུ་གཅིག་ཏུ་རིག་པར་བྱ་སྟེ། འདི་ལྟ་སྟེ། ཡང་དང་ཡང་དུ་ཚོགས་པར་འདུ་བ་དང་། ཟས་ལ་གདུ་བ་ཉིད་དང་ལས་ལ་དགའ་བ་ཉིད་དང་སྨྲ་བ་ལ་དགའ་བ་ཉིད་དང་འདུ་འཛིའི་གཏམ་ལ་དགའ་བ་ཉིད་དང་འདུ་འཛི་ལ་དགའ་བ་ཉིད་དང་བདག་ཏུ་འཛིན
193a4 པ་དང་། འཕྱར་བ་དང་བག་མེད་པ་དང་ཡུལ་དུ་མི་གནས་པའོ། །ཚེ་དང་ལྡན་པ་དག་བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པ་མཁས་པ་བཅུ་ལ་བསླབ་པར་བྱ་སྟེ། འདི་ལྟ་སྟེ། ཏིང་ངེ་འཛིན་ལ་མཁས་པ་དང་ཏིང་ངེ་འཛིན་ལ་གནས་པ་ལ་མཁས
193a5 པ་དང་། ཏིང་ངེ་འཛིན་ལས་ལྡང་བ་ལ་མཁས་པ་དང་རབ་ཏུ་འཛིན་པ་ལ་མཁས་པ་དང་། བཏང་སྙོམས་ལ་མཁས་པ་དང་། སྐྱེ་མཆེད་ལ་མཁས་པ་དང་ཐབས་ལ་མཁས་པ་དང་མངོན་པར་སྒྲུབ་པ་ལ་མཁས་པའོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར
193a6 མངོན་པར་སྒྲུབ་པ་ལ་མཁས་པ་ལ་མཆོག་ཏུ་དགའ་བའི་དངོས་པོ་བཅུ་གསུམ་སྐྱེ་བ་ན་སྐྱེ་སྟེ། དད་པ་ཅན་དེ་སྟོན་པའམ་ཆོས་སམ་དགེ་འདུན་ནམ་བདག་གི་ཚུལ་ཁྲིམས་སམ་གཞན་གྱི་ཚུལ་ཁྲིམས་སམ། བདག་གི་སྦྱིན་པར་བྱ་བའི་ཆོས་རྣམས་སམ་བདག་གི་རྟོགས
193a7 པའམ། གཞན་གྱི་རྟོགས་པ་ཡིད་ལ་བྱེད་པ་ན། མཆོག་ཏུ་དགའ་བ་སྐྱེད་པ་འདི་ནི་དད་པ་ཅན་གྱི་མཆོག་ཏུ་དགའ་བའི་དངོས་པོ་ཡིན་ནོ། །བཅོམ་ལྡན་འདས་དེ་བདག་གི་སྡུག་བསྔལ་གྱི་ཆོས་མང་པོ་སེལ་བའོ་ཞེས་མཆོག་ཏུ་དགའ་བ་སྐྱེ་བ་འདི་ནི་དད་པ་ཅན་གྱི
iiif viewer powered by OpenSeadragon
