| e-texts navigator |
| Wylie |
189b1 གསོག་ཉིད་དང་ཕུང་པོ་གསོ་བ་ཉིད་དང་ཕུང་པོ་སྙིང་པོ་མེད་པ་ཉིད་དང་། ཕུང་པོ་འཇིག་པ་ཉིད་ལ་སེམས་རབ་ཏུ་འཇུག་ཅིང་དང་བ་དང་ཡང་དག་པར་གནས་པ་དང་རྣམ་པར་གྲོལ་བར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་འཕགས་པའི་བདེན་པ་བཞི་ཤེས
189b2 པར་བྱ་བ་ལ་མིག་རྣམ་པར་དག་པར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་རྣམ་པར་གྲོལ་བ་ཡོངས་སུ་རྫོགས་པར་འགྱུར་རོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཆོས་ཡང་དག་པར་ཉན་ན་སྒྲོགས་པ་ལ་ཡང་མཐོ་མི་འཚམ། ཆོས་ཀྱི
189b3 གཏམ་གྱི་རོ་ཡང་མྱོང་བར་འགྱུར། སྟོན་པ་ལ་ཡང་ཆོས་ཉིད་ཀྱིས་རིམ་གྲོ་བྱེད། བདག་གི་དོན་ཡང་རྗེས་སུ་འཐོབ། མྱ་ངན་ལས་འདས་པ་ཡང་འཐོབ་པར་འགྱུར་རོ། །ཆོས་འདི་དག་ནི་དེའི་ཤེས་རབ་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ། དགེ
189b4 བའི་བཤེས་གཉེན་ལ་སྟེན་པ་ངང་དགེ་བའི་ངང་ཚུལ་ཅན་ཉིད་དང་། སེམས་ཤེས་རབ་ཅན་ཉིད་དང་བཀའ་བློ་བདེ་བ་ཉིད་དང་གུས་པར་ཉན་པ་དང་ཡོངས་སུ་འདྲི་བ་དང་དམ་པའི་ཆོས་ཉན་པ་དང་དམ་པའི་ཆོས་རྟག་ཏུ་བྱེད་པ་དང་། སྐྱོ་བར་བྱ་བའི་ཆོས་རྣམས་ལ་སྐྱོ་བ་དང་། དེ་བཞིན་དུ་ཀུན
189b5 ཏུ་སྐྱོ་བ་ལ་ཡང་ཚུལ་བཞིན་དུ་ཡིད་ལ་བྱེད་པ་དང་། མི་དགེ་བའི་ཆོས་ཐམས་ཅད་སྤོང་བས་དགེ་བའི་ཆོས་རྣམས་ལ་ཚུལ་བཞིན་དུ་རབ་ཏུ་འཇོག་པ་དང་། དེ་རྣམ་པར་བྱང་བ་དང་ཏིང་ངེ་འཛིན་ལ་དབང་ཐོབ་ཅིང་ཚུལ་བཞིན་དུ་ཡང་ཡིད་ལ་བྱེད་པའོ། །ཚེ་དང
189b6 ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག་ཉིད་ཀྱིས་འདུ་ཤེས་བཅུ་པོ་འདི་ལྟ་སྟེ། མི་སྡུག་པའི་འདུ་ཤེས་དང་མི་རྟག་པའི་འདུ་ཤེས་དང་མི་རྟག་པ་ལ་སྡུག་བསྔལ་བའི་འདུ་ཤེས་དང་སྡུག་བསྔལ་ལ་བདག་མེད་པའི
189b7 འདུ་ཤེས་དང་ཟས་ལ་མི་འཕྲོད་པའི་འདུ་ཤེས་དང་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། སྣང་བའི་འདུ་ཤེས་དང་འདོད་ཆགས་དང་བྲལ་བའི་འདུ་ཤེས་དང་འགོག་པའི་འདུ་ཤེས་དང་འཆི་བའི་འདུ་ཤེས་བསྒོམ་པར་བྱའོ། །ཚེ་དང་ལྡན་པ
iiif viewer powered by OpenSeadragon
