| e-texts navigator |
| Wylie |
294b1 གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལན་གསུམ་དུ་འགུལ། ཀུན་དུ་འགུལ། ཀུན་དུ་རབ་ཏུ་འགུལ། གཡོས། ཀུན་དུ་གཡོས། ཀུན་དུ་རབ་ཏུ་གཡོས། ལྡེག་།ཀུན་དུ་ལྡེག་།ཀུན་དུ་རབ་ཏུ་ལྡེག་།འཁྲུགས། ཀུན་དུ་འཁྲུགས། ཀུན་དུ་རབ་ཏུ་འཁྲུགས་པར
294b2 གྱུར་ཏོ། །དེ་ནས་འཁོར་གྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ན་གནས་པ་གཉིས་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་འདི་ནི་ཀུ་ཤའི་གྲོང་ཁྱེར་དང་ཉེ་བ་ན་བཞུགས་ཏེ། ཀུ་ཤའི་གྲོང་ཁྱེར་ནས་སྐྱེས་པའི་གྱད་རྣམས་རྫུ
294b3 འཕྲུལ་གྱི་ཆོ་འཕྲུལ་ཆེན་པོས་འདུན་པར་མཛད་ནས་རིང་པོ་མི་ཐོགས་པར་ད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་གྱིས། གང་འོ་ན་བདག་ཅག་དོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
294b4 པའི་སངས་རྒྱས་ལ་ཐ་མར་བལྟ་བའི་ཕྱིར་འདོང་ངོ་སྙམ་མོ། །དེ་ནས་འཁོར་གྱི་བདག་པོ་ཚངས་པ་དང་། །ལྷ་རྣམས་ཀྱི་དབང་པོ་བརྒྱ་བྱིན་རང་གི་རིས་ནས་མི་སྣང་བར་གྱུར་ཏེ། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་རྣམས་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་འཁོད
294b5 དོ། །འཁོར་གྱི་བདག་པོ་ཚངས་པ་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད་པ་དག་གསོལ་པ། རྫོགས་པའི་སངས་རྒྱས་གྲགས་ལྡན་པ། །དེ་དག་མཐོང་བ་རྙེད་པར་དཀའ། །ུ་དུམ་བཱ་རའི་མེ་ཏོག་བཞིན། །བསྐལ་པ་བྱེ་བར་རྙེད་པར་དཀའ། །ཤཱཀྱ་སེང་གེ་མི་ཡི་མཆོག་།སྟོན་ཁྱོད
294b6 དེ་བཞིན་རྙེད་པར་དཀའ། །གཟུགས་ན་སྤྱོད་པའི་ལྷར་བཅས་ཏེ། །ཐལ་མོ་རབ་སྦྱར་ཁྱོད་ལ་འདུད། །ལྷ་རྣམས་ཀྱི་དབང་པོ་བརྒྱ་བྱིན་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད་པ་དག་གསོལ་པ། བདག་གི་ཆོས་མིག་རྣམ་པར་དག་།སྙིང་ལ་ཆོས་ཀྱི་སྒྲོན་མ་འབར། །ངན་སོང
294b7 སྒོ་རྣམས་བཅད་ལགས་ཏེ། །བདག་ལ་ངན་འགྲོའི་འཇིགས་མ་མཆིས། །ེ་མའོ་སྟོན་པ་ཐུགས་རྗེ་ཅན། །ཕན་པར་བཞེད་དང་ཐུགས་བརྩེ་བ། །འདོད་པར་སྤྱོད་པའི་ལྷར་བཅས་ཏེ། །ཐལ་མོ་རབ་སྦྱར་ཁྱེད་ལ་འདུད། །མི་ཐོགས་ཡོངས་སུ་མྱ་ངན་འདའ། །ཁྱོད་ལ་ཐ་མར་ལྟ་བ་ལགས། །འཁོར་གྱི
iiif viewer powered by OpenSeadragon
